湘聚漁樂圈 銅鑼灣

湘聚漁樂圈 評價 相片

• 老壇酸菜魚🐟•💵Price: $188🍴Food: 3/5💓好少見酸菜魚或者水煮魚會俾埋魚頭魚尾你🤭爭啲以為佢原條上😂見個湯嘅色好似幾靚咁呢？不過其實味道唔算濃😂個人覺得唔夠酸，辣味亦都可以重多少少！魚塊黎講都算嫩滑，如果想再爽滑彈牙啲可以加錢要桂花魚。

不過一讚嘅係佢底下有薯粉😍好彈牙，夾埋個湯食好味！• 口水雞🐥•💵Price: $128 (半隻)🍴Food: 4/5❤️雞件既分量都幾多，嫩滑入味，而且真係比半邊雞你，唔係啲雞頭雞尾超多骨咁，有啲位都啖啖肉架！麻辣味我覺得岩岩好，辣得惹味，麻得過癮，作為前菜好開胃🤤

🐷wowwow今晚食湘菜！即係湖南菜啊！以辣為名！但豬仔我唔食得辣！所以今晚係少辣！嘻嘻！🐷老壇酸菜魚揀左個平啲嘅鱸魚！好少可食到原條上嘅酸菜魚！可惜嘅係食到唔少魚鱗嗚嗚！🥺雖然呢度扣左少少分！但整體個酸菜湯入面有好多料！（豆腐、金菇、酸菜、寬粉）係好味的！🐷蒜蓉粉絲蒸娃娃菜 蒜蓉+粉絲+豉油=冇得輸的組合！😍仲要好大份！油香味正！🐷前菜花生🥜 $10冇得唔要的前菜

發現銅鑼灣正宗湘菜～聚漁樂圈～岩哂鍾意食辣既朋友仔～～係旺區好好食，價錢又平，但竟然唔洗等位🤷🏽‍♀️服務都好好，侍應叔叔好熱心介紹，都唔會特登講d貴既野叫你點～裝修都好靚～雖然食湘菜，但裝飾得好有民青feel~💓酸菜魚：好岩香港人口味，唔會太油膩，酸辣度適中，花椒唔會搶左條魚既鮮味👍🏻👍🏻巧拌魚皮：爽口彈牙，有d似無骨既雞腳～個汁好惹味～💓紅糖糍粑：新鮮炸起外脆內軟，口感煙韌～🥰

自從上次杭州食左次好好食既酸菜魚之後依家不時都會喺香港搵下有無邊間酸菜魚好食今次試下呢間湘聚漁樂圈，店名有趣之餘鋪頭中間既長枱真係可以一路食，一路睇住啲魚🔹巧拌涼皮 $58味道酸酸辣辣，幾開胃，連埋芫茜一齊食更有風味不過魚皮比較細塊，夾啲大件少少食既就幾爽口，但未去到脆食到後面就比較碎身，口感會爭少少，亦無咁好夾.🔹老壇酸菜魚 $188老壇既意思係指用既酸菜發酵年份較長，夠晒入味湯入口先係酸，然後辣，然後麻，最後重先到湯香味個人覺得唔夠酸，辣偏多魚大大件，唔算好滑，但口感不錯想食滑啲，可以加$80轉桂花魚.🔹湖南小炒肉 $88上枱時會用個爐熱住，非常加分肉比較大片，有少少韌尖椒椒好薄身，口感偏淋有豆豉香，比較咸，適合送啤酒

對於食魚我有一個怪癖就係要見到係成條魚 有頭有尾先會食所以勁開心 搵到一間岩晒我心意嘅酸菜魚 咁外觀方便呢其實佢真係比200分都唔嫌多一上菜就已經急不及待想即刻食但好彩朋友個俾時間我可以幫佢影返幅靚相先而且因爲同行嘅朋友唔太食得辣 我地選擇左走辣版本須知川菜係以辣為主 但即使走左辣個酸菜魚仍然OK雖然酸味略嫌不足 但勝在魚肉滑嫩又唔多骨 而且魚肉分量十足 跟配菜比例剛剛好而另外仲嗌左蒜泥白肉 店家細心咁幫我地另上醬汁 等我地可以自行選擇沾上醬汁分量 唔怕愈食愈辣醬汁亦辣中帶甜 唔會辣味蓋過晒

湘聚漁樂圈餐單提供湘菜, 湖南等推介美食位於銅鑼灣區，餐廳座位數未知人均消費約$101-200，結賬可以用現金，Booking訂位可以電話致電 25668552 查詢。

您對於銅鑼灣餐廳「湘聚漁樂圈」有何 comment？

湘聚漁樂圈餐廳詳細資料：

• 湘聚漁樂圈地址:
  銅鑼灣駱克道491-499號京都廣場7樓
  湘聚漁樂圈, 7/ F, Kyoto Plaza,491-499 Lockhart Road, Causeway Bay
• 湘聚漁樂圈電話: 25668552
• 湘聚漁樂圈價錢: $101-200
• 分類: 湘菜, 湖南
• 座位: 未知
• 付款: 現金
• FB專頁: 湘聚漁樂圈 Facebook

更多湘聚漁樂圈相關資料:

• 湘聚漁樂圈分店
• Youtube
• Facebook
• Twitter
• Google