泰成菜館 銅鑼灣

泰成菜館 評價 相片

係銅鑼灣就近做野，午餐成日周圍搵下有咩好野食，登龍街餐廳選擇好多，但一係就太貴，一係就太多人，行左兩轉，見到有邊泰國野有六十幾蚊既午餐套餐，又無人等位，就入左去食。

入到去環境都幾逼下，人手亦唔太夠要等下先有人serve你。

平時既冬陰冬呀炒金邊粉就食得多，見到餐牌咁得意有紅湯河粉，就叫一叫黎試下，再配左杯青檸水。

青檸水酸酸甜甜，好爽口醒神。

紅湯河粉上枱時有一pat紅色醬，要撈一撈先食得，湯底味道都幾特別，小小辣，又酸酸甜甜咁，好開胃！河粉用左粗河粉，海鮮料同配菜好足，口感好豐富！最後埋單要加一，盛惠69蚊，係銅鑼灣地般算係咁，會想再幫襯！

我都真係幾鐘意食泰國野，時時都會試好多唔同嘅泰國餐廳，當日約開朋友去銅鑼灣，就試下呢間啦。

其實之前人妻喺銅鑼灣番咗年幾工都無食過呢間，所以今次行開之後就決定試試佢。

入到去鋪仔細細，但感覺都乾乾淨淨，同埋店員俾我感覺都係nice nice 嘅，所以食足一餐都舒舒服服。

講食物，佢都算係其中一間，難得我覺得全部食物都好味所以可以 encore 嘅泰國野。

特別係個生菜包，我唔食得辣嘅人黎講，辣住都食咗半兜你就知有幾好味大家不況試試份量方面，你眼見我地兩個女仔叫左咁多樣嘢食就知道，實際份量唔算多的，算係正常囉

每日lunch time 都要煩食咩好，有時想食平平地既泰國野，最近先發現登龍街都有平民選擇。

下午2點左右到，店內正在用餐人數不算多，環境裝修還可以，乾淨企理。

餐牌選擇多，湯粉、炒粉面飯同海南雞飯都有，聽同事講之前點海南雞飯等得比教耐。

我今次就揀左炒金邊粉，可配雞肉、豬肉或x (仲有一種唔記得左，都係大路野啦)，我揀左雞肉。

平時都好鍾意炒金邊粉，但口味上這家比我以往食過的有點不一樣。

它比較甜 (我喜歡咸少少，惹味少少)，好彩有花生碎同辣椒粉伴碟，可以自己再略略調味。

總結，餐牌選擇多，價錢公道，下次會試下冬陰公湯河!

如午餐想食泰國菜，我都會豪不考慮走到登龍街呢間。

為的是他們的泰式炒金邊粉😋。

最近轉咗新餐牌，其實同之前差不多，不過冬陰公湯河，多咗配料選擇，今次我要轉軚了🤣。

午市套餐價錢大約$670，銅鑼灣區嚟計好合理。

套餐包凍或熱飲，今次叫咗凍香茅茶，清新解渴，食辣嘢時嘅好選擇。

我叫嘅冬陰公河以木製大碗盛載，好有東南亞風味，先試下湯，對味！酸酸辣辣加埋香茅香葉等，令人食欲大增，河粉我轉了金邊粉，爽口啲又唔洗咁滯。

餸都幾多，有兩隻蝦，雞扒，豬頸肉，全部都幾好食，今次都無揀錯👍👍

登龍街除了拉麵館，今次我們就選了泰國菜。

中午的套餐數十元有交易，有湯有飯有飲品，份量充足飽肚無花假。

而且它的店員都是會說廣東話的泰國人，待客有禮貌又有笑容，還會細心解釋菜單，令人有種到了泰國渡假的感覺。

絕對是幫襯香港人餐廳享受不到的😝海南雞做得出色，肉質滑而不會過熟，油飯亦是粒粒分明的，有嚼頭但又不會過硬。

湯是沒有味精的好湯，喝後絕對不會有喉嚨乾要喝水的問題。

美中不足的是伴菜的份量較少，下次可能要多點一碟菜與別人分享。

我是第一次試凍的香茅茶，不會太甜但有股清香，好喝得很。

同事說拉茶也絕對值得一試。

泰成菜館餐單提供泰國菜等推介美食位於銅鑼灣區，餐廳座位數未知人均消費約$101-200，結賬可以用現金，Booking訂位可以電話致電 28342500 查詢。

您對於銅鑼灣餐廳「泰成菜館」有何 comment？

泰成菜館餐廳詳細資料：

• 泰成菜館地址:
  銅鑼灣登龍街36號登輝大廈地舖
  Thai Shing Restaurant, G/ F, Tang Fai Building,36 Tung Lung Street, Causeway Bay
• 泰成菜館電話: 28342500
• 泰成菜館價錢: $101-200
• 分類: 泰國菜
• 座位: 未知
• 付款: 現金
• FB專頁: 泰成菜館 Facebook

更多泰成菜館相關資料:

• 泰成菜館分店
• Youtube
• Facebook
• Twitter
• Google