樓下火鍋飯店 銅鑼灣

樓下火鍋飯店 評價 相片

一個晚上吹起涼風想起熱辣辣火鍋，令我想起小時後再加一加入位處開著火爐煲滾湯底將喜歡材料放入鍋里這種感覺令到在家裡充滿著氣氛好暖笠笠你銅鑼灣必定有好多火鍋店如果咁岩經過依間非常有懷舊氣氛火鍋店，環境寬敞設計好精緻，好有70,80年代.♡ ♡ ♡樓下雞煲$148/半隻落單後雞煲送到爐上，四周圍聞到一陣好香辣椒味，芫荽，蒽，洋蔥，姜仲有蒜頭🧄陣陣撲鼻，店務員好細心將雞煲的材料攪勻 ，我等唔切試一啖脂肪比較靠後加咗同埋薯仔🥔索曬雞煲精華，好惹味雞煲食完後加入上湯轉做火鍋🍲. ♡ ♡ ♡牛王拼盤$368✨安格斯~ 肉質厚實牛嘅味道好濃 脂肪比例唔會太肥膩✨手切澳洲和牛~我最鐘意食和牛放入湯底里20秒在撈翻上嚟第一啖味道牛肉味好重，口感好滑，入口即溶✨ 牛舌粒 ~牛脷比較硬身爽口 ，牛味亦都好重✨ 牛肉粒~平時食開照燒牛肉粒，估唔到打邊爐牛肉味不會失去味道✨牛肩肉~.♡ ♡ ♡招牌三並餃 $132✨黑松露餃~分量十足黑松露味好重配合豬肉夾住好腍，夠香濃✨鮮蝦雲吞~蝦肉大大只雲吞皮比較薄份量亦都比較多彈牙，值唔推介✨韭菜餃~聞到一浸浸好香嘅韭菜味道份量亦都不少，豬肉配合韭菜爽口餃子皮亦唔會太厚實配埋豉油點汁，忍唔住要食多兩件.♡ ♡ ♡梅菜豬肉丸$68豬肉脂肪八分二,梅菜浸過陪呀盒乳豬肉打成肉丸爽口又彈牙，咬一口淡淡梅菜滲入口腔里，喜出望外，值得推介.♡ ♡ ♡油麥菜 $38油麥菜用火鍋烹調新鮮爽口，食咗太多肉類食兩棵菜中和番油膩🙈♡ ♡ ♡咸檸檬七喜 $25清涼冰凍咸檸檬🍋，酸酸甜甜好似咸柑桔打邊爐絕配

係政府嘅政策大力打擊之下💥打邊爐簡直就係妄想，咁啱今日一行四人走去打邊爐係懷舊嘅風格底下，配上大排檔嘅色彩💈港式風味返晒嚟，絕對係打卡影相嘅好地方係橙黃色嘅燈光底下打邊爐，簡直就有八九十年代嘅風味不得不讚一下，完全配合港府嘅政策👍🏻一入門口就有人幫我哋探熱，台台都有消毒搓手液每一台都相隔1.5米有多啊，食都食都份外安心❤️而食物質素勁新鮮，雖然碟碟細細碟，但可以試到好多唔同嘅食物👍🏻可惜嘅就係胡椒豬肚雞湯，唔夠胡椒味，如果多少少胡椒就好啦💁🏻‍♀️ 醬油同酸菜係一入門口就比架啦，不過收費都唔平，要100蚊🔹桂花蚌 $108好新鮮，好爽口不過要快灼快食，好好味🔸大紅袍牛王拼盤$368🥩牛魔王就啱晒啦，有六種唔同嘅牛肉差唔多款款都入口即溶，然後牛舌粒就真係好少見🔹三拼餃$132🥟同朋友嚟食就啱啱好，個個都起碼每款人一粒而粒粒都勁大粒勁足料了🔸花雕肥牛$108🐄花雕味好重，滑牛勁新鮮個個都爭住食，勁快清碟呀🔹廣島蠔刺身$88🦪男士必食嘅廣島蠔呀！一啲腥味都冇，好適合鍾意食生蠔嘅人！🔸竹笙釀墨魚$88 🦑幾特別嘅一個創意菜，爽脆嘅竹笙配合墨魚滑，口感特別🔹鴨血$52🦆唔係度度都有嘅鴨血，見到就一定係必叫🔸黃喉$52🐮好爽脆嘅黃喉，同616嘅有分別，616嘅係硬嘅呢度爽得來係易入口，鍾意食呢度嘅黃喉多啲💬每一碟嘅配料都勁新鮮，雖然價錢唔平但呢個質素絕對抵比

路經見到招牌好吸引, 門面以懷舊的霓虹燈作招徠, 內裡的六十年代裝潢風格, 有理髮店, 醫館, 涼茶舖...等, 好有特色! 店內坐位寬闊, 有點像舊式大排檔風格, 所以湯底我選懷沙嗲, 襯返個場境! 懷舊濃沙嗲湯 $78 ~ 自家調較的沙嗲湯底, 濃濃的湯有點偏甜味, 唔係重花生醬那種, 反而食到食材本身的味道! 誰也搶不了誰風頭!  極級本地手切肥牛 (例牌) $268 ~ 店員推介, 超有牛肉味, 無筋, 越咬牛肉味越出, 唔肥膩亦唔羶, 油花分佈明顯! 師傅刀功好好, 牛肉切雙飛, 唔會好薄, 肉汁濃!  十級讚系列!魚皮餃$48 ~ 外皮超煙靱, 餡料豐富飽滿! 五寶丸 $82 ~ 牛筋丸, 墨魚丸, 梅菜豬肉丸, 蝦丸, 鯪魚丸各2粒, 各有各出色, 彈牙味濃, 當中最喜愛蝦丸, 超爽口彈牙!  西班牙豬肉 $82 ~ 肉質爽滑, 有豬肉味唔羶, 雖然薄切但很大的一片, 食落好有質感, 好滿足! 牛脷托 $60 ~ 又一十級讚系列! 薄切牛脷, 又淋又滑又無渣, 入口即溶! 酸梅湯/喳裝 $35 ~ 身邊人大讚, 唔太甜唔太酸, 味道剛剛好, 飲完清爽舒服! 酸菜 $20 ~ 好好食! 青瓜少少辣, 清涼開胃!青豆角生熟度剛剛好, 配上超香濃麻油...好想要多碟!  醬油 $15 ~ 辣椒, 蔥, 蒜蓉, 香菜...分4小碗上, 乾淨衛生! 註: 店員親切有禮有耐心, 食物質素高, 讚! 

這賣懷舊的火鍋店在地舖，進入地舖後會看到一個個放滿生猛海鮮的魚缸和一個很大的座地祝賀花牌，之後要經過一條長長的樓梯到下面地庫的用膳區，故得「樓下」之名。

雙併湯底：椰子清甜雞湯 x 台式養生美人鍋💃🏻 $178湯底足料，一邊有很多椰子、很多入味雞件(包括雞腳雞翼尖等)和兩件粟米；另一邊有無數紅棗、杞子、蔘和豆腐。

個人喜歡後者，藥材味較香濃👍🏻👍🏻由於我和朋友都不是食肉獸,所以這次吃火鍋以吃蔬菜和餃為主。

除了新鮮的娃娃菜併油麥菜$48、雜菌拼盤$62、勁大盤的紅薯粉$28，本人特別推介👀✅竹笙釀墨魚🦑 $88爽脆的竹笙包着墨魚，是你很少會吃到的口感和味道👶🏻✅招牌三併餃🥟 $132黑松露蟹肉餃、鮮蝦雲吞和韭菜餃都是大大粒而足料的！蟹肉餃真的帶着香濃的黑松露味道；雲吞內裏鮮蝦的份量比平常吃到的蝦餃份量還要多；韭菜餃我亦是滿滿香濃的韭菜味😋😋✅蟹子墨魚滑🦑 $82店員見我們遲遲未碰墨魚滑，終於忍不住主動幫我們下墨魚滑。

想不到這麼小碟竟然做出十多個球，而且每粒都是脹滿的🤰🏼這裏的食物味道還好，但也不及懷舊的裝潢叫人難忘，令人如同置身真正的大排檔中打邊爐。

有無諗過食過咁多間火鍋店有邊間令你印象最深刻？而我既答案就將會係呢篇食評話到比大家聽.行進銅鑼灣與灣仔交界間既地鋪內隱藏左間隱世火鍋店.門口用上霓虹燈寫上樓下火鍋字眼襯托住舊式扇門,打開門會先見到一排海鮮水缸,再前有條樓梯直落火鍋店內.本店內真係好似穿梭左時空返到舊時香港咁.內裏周圍既牆邊都各有特色,分別將牆角設計成舊各種香港舊時唔同商鋪既門面,例如有理髮公司,麵店等等.水吧位亦鬼馬地將佢改裝成涼茶鋪,超有心思.言歸正傳,呢間火鍋店唔止外在吸引,食物質素都唔會令你失望.上到刺身下到小食到有,食品足2頁紙.火鍋既精綷當然係鍋底,黎到舊式火店必定係揀沙嗲鍋,沙嗲鍋用上闊身銻煲配瓦斯爐夠晒風味.湯底濃而不膩,先帶花生沙嗲既濃香,後帶淡淡辣椒香,味道唔會過濃搶去火鍋配料既原味,相反為食材增添種濃郁既香味,連額外調味都可以省略.椒鹽粟米好有大排檔風味,超甜粟米上既椒鹽炸得乾脆,粟米入晒味超級惹味,雖然炸過但粟米入口唔會覺得肥淋淋.花彫肥牛連花彫酒浸住上菜,牛肉上仲有少少杞子.肥牛色澤鮮紅色夠晒新鮮,值得一讚係花彫酒醃得好夠入味,本來怕濃味既沙嗲湯會蓋過花彫既味道,點知一食仲好香酒香.肥牛入口好嫩滑又軟腍.五寶丸全自家手打,質感彈牙又新鮮,梅菜豬肉丸夠晒特別.牛筋丸夠晒彈又爆牛汁.鬼馬蝦膠用上油炸鬼釀入蟹籽蝦膠.油炸鬼經2重炸過令入口更香脆,就算放過入鍋底滾開入口仍然保持鬆脆又唔會有陣油益味,配上蟹籽蟹膠爽彈及脆口雙重口感的確鬼馬.紫菜炸響鈴響鈴超巨型,內裏夾住紫菜令口味更豐富,入湯3秒撈起吸晒沙嗲湯精華更滋味.冰豆腐同平時火鍋店唔同,平時會比已溶冰既冰豆腐上枱,呢到係真真正正既冰豆腐,原塊結冰豆應放入湯底解凍反而令豆腐吸湯力更強.原本豆苗一上枱既時候好擔心,因為發現自己唔小心揀左自己最怕既翡翠豆苗,平時覺得呢款豆苗草青味好重,但出乎意料既係加上沙嗲湯後,濃香既湯底掩蓋左翡翠豆苗原身既草青味,仲十分脆口！最後仲清晒成碟😆酸梅湯係火鍋最佳良伴,入口酸甜解渴,一楂咁大都係$35抵飲！店員態度仲好好,密密幫你清理好餐枱又會幫你換碟.呢間真係必會回頭再試下其他湯底！

樓下火鍋飯店餐單提供港式, 火鍋等推介美食位於銅鑼灣區，餐廳座位數未知人均消費約$201-400，結賬可以用Visa,Master,現金,AE，Booking訂位可以電話致電 22149388 查詢。

您對於銅鑼灣餐廳「樓下火鍋飯店」有何 comment？

樓下火鍋飯店餐廳詳細資料：

• 樓下火鍋飯店地址:
  銅鑼灣駱克道441號駱克大廈A座地下A號舖及地庫
  Lau Haa Hot Pot Restaurant, Shop A, B/ F& G/ F, Block A, Lockhart House,441 Lockhart Road, Causeway Bay
• 樓下火鍋飯店電話: 22149388
• 樓下火鍋飯店價錢: $201-400
• 分類: 港式, 火鍋
• 座位: 未知
• 付款: Visa,Master,現金,AE
• FB專頁: 樓下火鍋飯店 Facebook

更多樓下火鍋飯店相關資料:

• 樓下火鍋飯店分店
• Youtube
• Facebook
• Twitter
• Google