樂園素食 銅鑼灣

樂園素食 評價 相片

前排聖誕節大魚大肉，間唔中要食返餐素菜健康一下。

是日中午黎到位於銅鑼灣嘅樂園素食，主打午市、下午茶、晚市素食buffet。

沙律、前菜、主食、炸物、飲品、湯水、甜點等等食物同飲品都任飲任食，定價相宜，今個一月仲會有八折優惠星期六2pm黎到座無虛席，好受歡迎哦沙律區有多款沙律菜、配料及醬汁，新鮮翠綠，開胃首選素食壽司及卷物都有唔少選擇，仲有炸春卷、地瓜條、蘿蔔糕、天婦羅等等多款炸物任君選擇。

炸物香脆可口，好好食呢素乾炒牛河及炒麵，調味適中，有鑊氣，炒得乾身唔油膩熱盤區有素蘿蔔牛腩、咖喱魚蛋、四喜烤夫同椰汁南瓜芋頭都好出色洛神花檸檬水、羅漢果甘草水等等飲品都係任飲，低糖健康又養生💪🏻仲有咖啡機，可以自行炮製鮮奶咖啡或泡沫咖啡☕️素餃子、素菜包同蓮蓉包都好受歡迎架👏🏻足料又美味

聖誕新年食得太多肉肉大餐，星期日想清清腸胃，所以就去咗食素。

我哋幫襯咗位於銅鑼灣世貿隔離535大廈地庫嘅「樂園素食」，素食白助餐真係第一次食，心情有啲期待😚。

餐廳面積比想像中大好多，其中仲有個位置好適合包場搞派對。

整體環境好舒適👍，特別係而家兩人坐四人枱。

餐廳注重衞生，因為除咗要求客人帶口罩出去領取食物之外，仲附上即棄膠手套🧤供客人使用。

定價方面，餐廳以自助餐形式計算、按人頭收費，現時直至一月底仲提供八折優惠添‼️，超級抵。

以我今日星期日下午茶時段為例，原價$78/90分鐘，加一折完只係$70到，喺銅鑼灣求其食個午市套餐都唔得啦😍。

題外話，呢度仲有素盆菜賣㗎！食物種類繁多，我諗仔細逐件計，應該起碼超過一百款😱，每樣夾一件都已經飽哂。

我先介紹食物，之後再講取食物嘅區域。

日式食物方面，🍣壽司造型維肖維妙，👀驟眼睇點睇得出佢唔係真．魚生壽司呢。

壽司款式包括三文魚、呑拿魚、蟹棒、魷魚、燒粟米、紫菜卷以及芝麻加州卷。

「魚生」基本上係用上豆類同蒟蒻製成，而壽司飯亦如正宗整法加咗醋，酸酸哋。

另外，冷豆腐同冷烏冬就應該無素唔素之分啩(我估)，後者更為大受歡迎項目。

熱食方面，🥦蔬菜類佔咗唔少部份，例如薑汁芥蘭、油鹽水菜心、蒸粟米番薯、椰汁芋頭南瓜、葡汁四寶時蔬、雙菇炆蘿蔔等！多到不能盡錄，可以稱得上為蔬菜聯合國🤣。

我個人認為葡汁同椰汁嗰兩味較為出色，因為好夠味，而且葡汁時蔬仲有我鍾意食嘅薯仔同西蘭花。

另外，熱嘅小食亦有上海烤麩同甜酸齋等，如果後者有多幾款口味就好喇。

主食方面，🍚飯麵等一應俱全，啱晒大食人士。

我哋試哂幾款，包括蒸腸粉、黑松露炒飯、黑椒肉絲炒麵以及瑞士汁炒河。

我認為呢幾樣主食都好食😋，炒飯飯粒分明、炒河入味，而有腸粉食係意想唔到呢！另一邊箱，前菜方面亦有好多選擇，例如酸薑皮蛋、中華沙律、薑醋蛋、陳醋雲耳以及拍青瓜等，全部均頗為開胃。

炸物(乾物)方面，碟中有🐷小豬公仔包、南瓜餅、一口蘿蔔、手抓餅、香草焗法包、雜錦天婦羅以及地瓜條。

以上食物當中，一口蘿蔔最令我印象深刻，因為其實佢即係走肉蘿蔔糕嚟。

🍢但我覺得炸物方面整體較為普通，因為放炸物嘅盤要用蓋衾住，難免會令到炸皮無咁脆。

不過呢個時世衛生最緊要，明嘅；加上更要為餐廳平反，皆因出餐同補充食物嘅速度都快，絕對唔係因為食物擺太耐而變差。

湯品方面，選擇好似有兩款，而我飲嘅咸菜涼瓜胡椒湯超好飲🤤，因為胡椒味濃，飲完喉嚨好舒服，而且涼瓜味唔太出，所以唔會苦。

甜品方面，🍰糖水或者糕點都有，但由於食到太飽，所以只係食咗少少。

桂圓薑母桃膠糖水啱哂咁凍嘅天時食，另外百香果啫喱同朱古力布朗尼就中規中矩啦。

飲品方面，🍵冷熱齊全，熱飲包括洛神花檸檬水、羅漢果甘草水、咖啡機同多款茶包。

前兩者係好飲，但略嫌太甜，溝少少熱水飲就啱啱好。

而凍飲其實就只係得豆漿同水😆。

講完食物，就簡單講埋拎食物嘅位置，該區空間唔會太迫，兼且周不時會有店員巡視，所以食物會不斷補充，亦能保持整潔🙏🏻。

最尾我先發現餐廳原來有一個沙律區🥗，所以唔啱食中式前菜嘅朋友，可以食沙律。

餐廳喺取食物處貼上指引，列出顏色貼紙嘅含義：💚綠色含蔥蒜食品、💛黃色含蛋類食品、💙藍色含奶類食品。

呢日幸巧有機會同老闆傾偈，更讓我哋知道「素」同「齋」嘅分別。

齋菜比起素菜嚴格，連「五辛」都唔食。

總括嚟講，第一次食素食自助餐嘅體驗好開心😃，因為諗唔到食物種類有咁多，如同樂園一樣，而且味道亦都唔錯。

餐廳唔會因為下午茶時段，而唔拎食物出嚟，因此食到飽飽無難度。

最後，餐廳環境好、價錢經濟實惠，絕對值得推介🌟！

📍$78超抵食素食buffet‼️ 樂園素食🌽🥬·Follow @pigfoodiexhk for more food!🐷💛#pigfoodiexhk_銅鑼灣===========================近排天氣凍咗成日打邊爐食韓燒，食咗唔少肥膩嘢🤣今日同媽咪喺銅鑼灣行街見到間新開嘅素食自助餐，裝修簡約舒適，而且價錢相當親民！於是就食餐素清下腸胃🥰‼️餸菜種類非常多，有飯麵、熱盤、冷盤、炸物、壽司、甜品💕應有盡有🤩依家就重點介紹下啦🥰‼️•⭐️主食推介：黑松露炒飯、黑椒肉絲炒麵、炒烏冬炒飯粒粒分明，仲滲住黑松露嘅香～🥰炒烏冬頗煙幾彈牙～•⭐️熱盤推介：茄子炆肉碎、椰汁芋頭南瓜、四季豆、烤麩🤤🤤茄子煮得軟腍入味🤤椰汁香氣撲鼻，南瓜綿密清甜，芋頭口感粉糯💖必試‼️•⭐️炸物推介：豆沙芝麻球、南瓜餅、芋蓉地瓜球炸物嘅外皮好香口，而且唔厚粉，內餡天然微甜🤤•⭐️素壽司蘇壽司有好多款式例如三文魚、吞拿魚、加州卷、蟹棒、煙鴨胸等等～用蒟蒻仿製出三文魚同吞拿魚，非常有心思🤤💖•⭐️甜品推介：朱古力布朗尼、泡芙、桂圓雪耳桃膠Brownie口感濕潤，味道香醇濃郁，必試‼️泡芙cream富奶香，外皮微脆👍 桂圓雪耳桃膠味道清甜，非常養生🤤整體嚟講食物頗出色，款式多樣化，令人目不暇給🤤‼️用餐環境好舒服，坐位濶落👍餸菜亦會keep住refill，確保新鮮同熱度～取餐嘅時候亦必須佩戴口罩同埋店舖提供嘅膠手套，食都食得安心啲💖店舖資料名稱：樂園素食地址：銅鑼灣謝斐道535號Tower 535地庫B04號舖前往方法：銅鑼灣站D1出口

2020年12月31日 星期四嚟到2020年嘅最後一日，好想食返健康嘅食物，因為呢一年感覺好似肥咗好多，希望新一年可以健康返少少，於是就同老婆去咗銅鑼灣睇吓有冇健康食物嘅餐廳最後我哋決定食素食自助餐，因為呢一間餐廳嘅價錢實在太抵，新開張價錢再有八折優惠，每人加完一之後都唔使$80 ，就可以任食任飲見到食物區都有唔少嘢食，左手邊嘅係欖角炒飯，色香味俱全，飯炒到一粒粒分開，好夠火候，而右手邊嘅係蒸腸粉，可以配搭唔同嘅醬汁，蒸得啱啱好，唔會太靭之後有豉油王炒麵，夠晒鹹香，雖然唔係好多配料，但係都見到落足心機煮，因為麵好有咬口，同隔離嘅炒烏冬一樣，夠彈牙除此之外當然唔少得蔬菜，有煮茄子，茄子煮得好腍，配搭埋素肉，食落去同真嘅魚香茄子冇乜分別右手邊嘅係雞髀菇炒四季豆，可能落咗豆豉嘅關係，所以炒得好惹味估唔到素食自助餐都有中式老火湯飲，係粉葛赤小豆牛蒡湯，見到成個煲都落足料，所以成個湯都好濃郁，夠晒清潤同下火冷盤方面，竟然發現有壽司食，原來係素壽司，即係有素三文魚同素吞拿魚，食起上嚟當然冇真嘅咁好食，不過味道都大致相同，感覺唔錯下面嗰層分別喺唔同嘅炸物，有炸芋頭球、炸一口蘿蔔糕、炸春卷同蔬菜天婦羅等等，大部份都炸得好香口，而且食落去唔會太油膩，啱晒小朋友食最後不得不提有滷水豆腐，因為真係浸得好入味，豆腐咬落去充滿滷水汁，用嚟送飯真係一流就算我每樣拎少少返嚟食，都要食三至四轉先可以嘗試得晒，於是最後又飽住個肚走

餐廳：樂園素食 (銅鑼灣)地址：銅鑼灣謝斐道535號Tower 535地庫B04號舖呢間素食餐廳——樂園素食開咗兩個幾月，主打午市、下午茶同晚市嘅素食自助餐，疫情期間做緊八折優惠，中午嚟食計埋加一都係$70一個人，難怪吸引到咁多人啦😎衛生方面，疫情期間要求食客拎嘢食都要戴上口罩同即棄手套，以減少病菌散播嘅機會，亦令到食客食得安心啲🥰。

而野食方面，佢地keep住都有六七十款食物，仲會每日更換部分唔同嘅食物，務求每日都比到食客驚喜🎊，就算長期嚟都唔會厭😆。

而每樣食物亦痴有顏色標籤，標明食物含有咩嘅類別，例如奶類、蛋類等，咁就可以方便到唔同種類嘅素食者👍呢度嘅素食千變萬化，就連腸粉、桃膠糖水、天婦羅同壽司都有，特別介紹吓佢哋嘅三文魚壽司，原來係用咗蘿蔔蓉再加上蒟蒻粉整成似到十足十嘅壽司🍣，初頭真係俾佢個樣呃咗🤣我特別鍾意佢哋夠晒入味嘅薑醋蛋😍，啲薑仲要唔會好辣，依家咁凍嘅天氣食就啱晒暖身🔥；另外鹹菜胡椒湯超足料，飲落有陣陣嘅胡椒香，比鹹菜同酸菜中和左唔會好嗆喉，味道調校得好好😋作為咖啡愛好者☕️，好surprise佢哋呢度竟然有用豆奶製成嘅咖啡；加上佢哋Refill菜嘅速度真係好快，真係值得大家嚟試吓，性價比超高🤩

樂園素食餐單提供粵菜, 廣東等推介美食位於銅鑼灣區，餐廳座位數未知人均消費約$101-200，結賬可以用現金，Booking訂位可以電話致電 26331386 查詢。

您對於銅鑼灣餐廳「樂園素食」有何 comment？

樂園素食餐廳詳細資料：

• 樂園素食地址:
  銅鑼灣謝斐道535號Tower535地庫B04號舖
  Paradise Veggie, Shop B04, Basement, Tower535,535 Jaffe Road, Causeway Bay
• 樂園素食電話: 26331386
• 樂園素食價錢: $101-200
• 分類: 粵菜, 廣東
• 座位: 未知
• 付款: 現金
• FB專頁: 樂園素食 Facebook

更多樂園素食相關資料:

• 樂園素食分店
• Youtube
• Facebook
• Twitter
• Google