康竜九州拉麵 銅鑼灣

康竜九州拉麵 評價 相片

諗住入去食碗好正的拉麵, 叫咗個廣島墨魚拉麵套餐, 原來仲有得在麵質同湯底方面選擇, 噤應該冇問題啦! 點知, 職員奉上看到個湯根本唔係豬骨湯底的顏色仲聞到有d肉腥味.跟著食啖拉麵....嘩! 好鬼硬呀! 我選擇適中的程度都咁硬ge? d墨魚都係一般lo, 得d甜味唔係好濃lo!我發誓下次甚至以後都唔去呢間食喇!

是日為day off, 在附近陪frd 剪髮後近近地我 suggested 去這裡吃late lunch, 三時多, 有tea set, 好喎!! 原來這裡有tea set的。

來這裡我一向也是吃豬軟骨拉麵, 這次也不例外, tea set 包普通飲品 (我飲可樂) + 甜品 (一粒雪糕糯米"池"), tea 的豬軟骨拉麵明顯地豬軟骨少了.... 不過 $37 都好抵啦朋友也說拉麵好吃, 她的是牛肉拉麵 冷氣超凍, 但可叫佢adjust

星期六好少放半日，行遠少少食叫左個辣拉麵食（唔記得名）…嗯…都幾香麵身比較硬，但都ok（有次係味千食硬到好似未熟=_=;;;;）不過最大問題係d料，溏心蛋都好食既，仲有粟米同鳴門卷，但d蝦一食落口就知唔係新鮮（冷凍個d？）…好似舊膠咁…orz若果無好料就整第樣啦…個湯都ok，都飲落濃度差d但個特飲…係完完全全個d好渣既糖水，咁既水準仲要賣廿幾蚊…本身…香港真係無乜好食既拉麵…其實我好多時都知好多拉麵唔掂（我對拉麵同義大利粉要求很高w.w），不過我都會抱著一試既心態XD呢間已經好食過好多用味精、或者淡味既但同最好食個兩間別府同八八八比，我覺得呢間既水準都仲差好遠

星期六熱熱地，原本打算食壽司，但經過此店突然又想食拉麵，於是轉軚，其實之前已試過呢間店，都覺得幾好食的，最鍾意佢有得揀麵，有幼麵、粗麵同芝麻麵，仲可以揀埋味濃定味淡、油量同配菜 (可以一次要2或3份溏心蛋)。

我哋兩個人叫左2碗麵同2個小食，友人揀「豚肉軟骨幼麵」，而我就揀左「吉列豬扒粗麵」，2個小食 「燒鯖魚」、「七味豬頸肉」。

我都有試豚肉軟骨，好入味，D軟骨都好淋好容易入口，配埋D湯真是一流，至於幼麵，朋友話都幾爽口幾好啦， 但我覺得粗麵較為有口感，而吉列豬扒就比我想像中好，外層炸得鬆脆，但仍保留不少肉汁，點埋個豬扒汁 (有少許梅子酸味) 仲好味，好過配沙律醬；不過我哋最鍾意的是豬骨湯底，很鮮味同飲得出豬骨的味道，飲完都唔覺得口渴。

本人一向都不好豬頸肉，所以冇吃，但朋友話幾好食，幾爽口，至於燒鯖魚外表一般，但就好香口，醬汁好開胃，即得推介。

食物方面就很滿意，但店內以黑紅色為主，環境較暗，枱面較細，差點兒放不下所有食物，舒服程度一般。

我朋友生日,佢話想食日本野,兩個女仔去左馳名既康竜拉麵食飯.一入到去既招呼真係唔錯,好有日本FEEL...我梗係叫最鍾意既雞亦拉麵.我揀左粗麵,賣相第一觀感真係好吸引!!上次黎食仲係實心蛋,但今次真係好流心麵質好彈牙...湯底好足!朋友就叫左個豚肉軟骨之麻麵...佢話麵質幾好.咬落去真係有之麻味,開頭以為之麻麵就咁有之麻,點知呢個都有驚喜小食叫左牛柳粒....入口有質感>_<!!唔似出面既牛柳粒偏硬..軟硬剛剛好D員工服務真係好好...不斷幫我地加茶氣氛好有日本FEEL,可惜少左D背景音樂..如果唔係可能會更加好同埋大部份都係炸野都幾熱氣...如果多番D菜就VERY GOOD LA今次去真係值得再回味..下次會再去

康竜九州拉麵餐單提供日本菜, 拉麵等推介美食位於銅鑼灣區，餐廳座位數40人均消費約$50以下，結賬可以用現金。

您對於銅鑼灣餐廳「康竜九州拉麵」有何 comment？

康竜九州拉麵餐廳詳細資料：

• 康竜九州拉麵地址:
  銅鑼灣加寧街5-7號地下A舖
  Kouryu Ramen, Shop A, G/ F,5-7 Cleveland Street, Causeway Bay
• 康竜九州拉麵電話:  
• 康竜九州拉麵價錢: $50以下
• 分類: 日本菜, 拉麵
• 座位: 40
• 付款: 現金
• FB專頁: 康竜九州拉麵 Facebook

更多康竜九州拉麵相關資料:

• 康竜九州拉麵分店
• Youtube
• Facebook
• Twitter
• Google