和泰居 銅鑼灣

和泰居 評價 相片

突然想食泰國菜，男朋友話上次曾經與朋友到和泰居這間泰式樓上私房菜聚餐，發覺很好吃，所以今日便上來一試。

這餐廳位於銅鑼灣白沙道的一座唐樓內，仍保留著舊式唐樓的設計，連升降機都是拉閘式的，這古舊的升降機我只在工廠大廈看過呢！想不到在銅鑼灣這個繁華的地點仍保存着。

餐廳在５樓，每層只有一個單位，所以一出升降機便可看見。

但因為餐廳的大門及鐵閘關上，而且門牌名稱是通泰優質食品公司，而非和泰居，令我們有點卻步，最後要再致電確定地址。

私房店內沒有其他客人，餐廳格局完全是家庭式的，放眼一看只有４張枱及兩間寫着“會議室”的房間。

我們自行選了角落的座位，然後老闆娘便遞上餐牌。

點餐期間，老闆娘送上一籃蝦片，蝦片脆身微辣，很好的餐前小食。

我們點了兩款食物：招牌咖哩牛腩及招牌泰皇雞。

咖哩牛腩呈吸引的橙色，很杰身，用來佐飯一流！咖哩帶微辣，椰奶味重，內有很軟身的薯仔，而且牛腩亦很淋很入味，很好吃！然後是招牌泰皇雞。

這泰皇雞實在令人驚喜。

首先是每件雞已經很貼心的事先去骨，而且它附上一種秘制醬料，吃出來是用麵豉、冬菜、蔥、炸蒜做成，用來點雞很惹味！雞肉嫩滑，味道有點兒像鹽焗雞，但又比鹽焗雞多了一種層次，很回味！最後是甜品。

今天是紫米糕，軟硬適中，只嫌甜了小許。

第一次有衝動寫食評，呢度地方不大但人情未十足。

每一個餸都見心思，連上菜都要講究攞位。

平時唔飲冬陰公湯的我，今日都忍唔住添飲。

泰式小食拼盤樣樣都熱辣辣，跪卜卜。

柚子沙律 啖啖柚子肉其他樣樣都水準十足份量十足，必定要回來再試。

咖喱蟹 新鮮肉蟹加惹味咖喱汁，完全停唔到口。

買左團購去食泰式私房菜位處銅鑼灣, 但大廈真係舊得太恐怖,大家看下圖你係睇到部電梯向上移動的,雖則唔係未見過,但門都冇隔開睇住幅牆向下移動,真係第一次經歷, 好恐怖一坐低就比左一大兜蝦片,蝦味重, 但有些已淋左整體來說是還好, 很有趣的味道三色小食拼盤的串燒還不錯,主因是泰式花生醬是本人最愛~而牛肉也不錯,半肥瘦,口感不會過柴,可惜雞豬均過火,太乾味道太死實春卷有蘿蔔, 粉絲等,熱辣辣吃下去口感豐腴而蝦餅彈牙有咬口可惜泰皇雞實在不行,大家見到半隻雞的份量竟然如此地小,而且雞冇雞味,明顯是因為用上了雪藏雞,而重點是醬油只是一些辣醬+油,令人非常失望泰式炒粉皮,今次真係做左粉皮,面層雞蛋煎到老到阿媽唔認得,因為老, 所以超硬身,咬開都難茄醬過多, 仲酸過夏門炒米,粉皮超硬,懷疑佢冇乜煮過只係雪櫃拎出黎炒兩炒就算,成個菜色完全100%係敗筆

買左團購去食泰菜,去到樓下坐電梯時真"驚"喜.電梯我想有成50年,要手動拉閘果種,可想而知係咩心情.去到門口重特別,冇招牌,只有一個招牌寫着xx食品批發,泰式烹飪中心,完全唔係"和泰居".好驚!打電話聯絡後,證實冇去錯.環境真係好家庭feel,有3間房每間可以坐810位,另有台4張.家具完全係你家中所用嘅一樣,只係好似打爛左買左第二款回來填補一樣.叫左:金柚沙律,泰式酸辣活蝦刺身,三色拼盤,冬蔭海鮮湯,泰式海鮮炒金邊粉,香酥牛油雞翼,芒果糯米飯金柚沙律$68:餐牌寫係$65比錢時收你$68,價錢改左餐牌又唔改,金柚幾香甜,有幾重椰絲味,味道可以.泰式酸辣活蝦刺身$88:生蝦幾新鮮彈牙,可惜細隻左D.三色拼盤$108:有蝦餅,春卷,沙爹.問左沙爹要選擇嗎?待應話牛豬雞咩都會有,唔使揀.最終出來只得兩雞兩豬,冇牛.蝦餅好食,蝦肉新鮮彈牙,但好細粒.春卷普通.沙爹個醬幾好食.冬蔭海鮮湯$95:唔夠酸唔夠辣,只有甜,重要只係比D好普通嘅蝦放湯.泰式海鮮炒金邊粉$78:似蛋包飯,得果幾隻蝦就叫海鮮.蛋好老又乾,金邊粉味道普通.香酥牛油雞翼$62:完全失敗,冇牛油味,只係冇味嘅炸雞.芒果糯米飯$65:芒果超細隻,味道好在幾甜,糯米飯內裹鹹鹹地幾特別,椰漿香甜比較對扳嘅一樣.最後餐前收費小食$25:入來時完全冇話要收錢,只係放低就算.到埋單先知要比錢.整體真係唔會再來囉!

朋友聚餐,不亦樂乎,有日朋友係有線一個節目COCO蔣怡介紹呢間餐廳,搞到佢超想食泰菜,所以就BOOK呢間喇打左電話去訂枱,所以唔洗等一個字............爽................,我哋11人,佢俾咗間房我哋‧環境算唔錯,係CWB呢個地方食飯,有房真係難得泰姐仲拎左2兜蝦片俾我地做餐前,辣辣地,好惹味,今日我哋全程飲泰啤so happy,其實當日個個都餓鬼投胎,唔所以我哋嗌咗喪多野食正題喇>>>>HEEHEE1.木瓜沙律 (好清新,味蕾感覺一流2 鹽燒牛脷 (好香,質感厚厚的,好似食日式居酒屋個d .gd)3.生蝦刺身 (呢個本來叫一碟,點知要encore蝦好大隻,爽口,但個辣汁先係主角,簡直正到爆4 超級大拼盤 (蝦餅好彈牙 ,魚餅好重香葉味,春卷好脆好香好多料,沙爹串燒......好一般不過不失,下次散叫好喇5 海鮮冬蔭公 (超好飲,好正宗,料又多.呢刻好掛住佢添6 香草大虎蝦 (隻蝦好多肉好似龍蝦仔咁大嚿好味道呀,勁勁勁7 鹽燒青魚 (呢個咪COCO介紹個嗰 lor,條魚用錫紙燒,估唔到一打開好吸引,好香好嫩好多汁,好好味呀8 XX介蘭苗 (炒得好香又唔老,但下次要叫少d油9 噴靚咖喱牛 (咖喱可以咁好食,同出面D咖喱唔同味架,跟埋蒜茸包薄餅,好食到喊10 魚湯浸菜 (個湯勁多豆腐,菜係娃娃菜,魚湯勁濃11 香草燒羊架 (燒得好香好靚,呢度都有羊食,無話可說.正12南瓜船(講真我之前未食過未見過,亦唔鍾意南瓜,但一試難忘又好靚,最後我叫多2個回家孝敬父母wahahaha..............................完美既ending...............................

和泰居餐單提供泰國菜, 咖喱, 私房菜等推介美食位於銅鑼灣區，餐廳座位數60人均消費約$101-200，結賬可以用Visa,Master,現金。

您對於銅鑼灣餐廳「和泰居」有何 comment？

和泰居餐廳詳細資料：

• 和泰居地址:
  銅鑼灣白沙道10號5樓
  Tokyo Chilli House, 5/ F,10 Pak Sha Road, Causeway Bay
• 和泰居電話:  
• 和泰居價錢: $101-200
• 分類: 泰國菜, 咖喱, 私房菜
• 座位: 60
• 付款: Visa,Master,現金
• FB專頁: 和泰居 Facebook

更多和泰居相關資料:

• 和泰居分店
• Youtube
• Facebook
• Twitter
• Google