兩草 銅鑼灣

兩草 評價 相片

Overall好好食，又平又正。

我同朋友叫左加央多同肉餅飯。

佢個多士雖然要等一段時間，但係包焗得脆又唔燶。

肉飯勁推！！我食左係超驚喜，又多肉汁又軟，仲要超大份，正

小籠包胡椒肉骨茶☕️($35)呢個菜為食妹都係第一次見, 淨係見到個名都已經流曬口水🤤 肉骨茶既湯夠曬胡椒味所以有少少辣, 但係感覺係健康既辣😌 小籠包本身都有好多湯汁再加埋個皮掛左肉骨茶既湯完全係完美, 呢個組合好成功🤩香煎脆邊蛋肉餅飯🍳($35)食物如其名, 煎蛋既邊真係好脆, 口感超好🤤 肉餅夠軟身而且半肥半瘦再配埋個醬汁好夾🤗 再整爛個蛋黃用蛋汁撈曬成個飯就簡直係一個完美既飯豬油渣溫泉蛋撈飯♨️🥚($30)呢個飯完全冇油膩感,而且豬油渣好鬆脆撈埋落個飯度幾有趣,呢個都算係特色菜因爲其他地方比較少見到💁🏾‍♀️另外仲叫左魚餅,超好食超彈牙超香脆, 必點呀😍 食物既份量都係偏細份,所以男士們未必食得飽, 但係我覺得絕對值得一試, 我覺得我會再次幫襯😃

上次路過見要排隊就試下佢食左個叉燒炒蛋飯個汁幾好食但係就係普通叉燒同蛋咁囉不過個咖央多士又幾好食既夠脆又唔會太甜不過男仔就未必夠食因為佢個碗都有啲細我男朋友食完一碗就唔多飽仲有叫左肉骨茶好重胡椒味 我個人覺得幾好食但因為未食過當地既肉骨茶所以係香港黎講都好食既不過又真係坐得好逼咁岩又遇到一枱百厭細佬食得都唔多舒服

去完銅鑼灣圖書館， 想搵d平平地既輕擎嘢食， 朋友提議行過隔籬大坑食肉餅飯，未食過就去試下。

本來係openrice睇相見裝修好有特色， 點知去到原來搬咗鋪， 裝修一般但地方大咗少少， 估唔到都係要排一陣隊。

入到去兩個人嗌幾樣嘢share咁食， 因為佢每碟o野都係一人份量。

先講個 (肉骨)胡椒肉骨茶，胡椒味比較重，屬於重口味嘅一種， 入面有四件排骨， 每人兩件， 但我個人比較喜歡重藥材味嗰隻 ~香煎脆邊蛋肉餅飯呢個真心幾好食，有啲住家餸味，$35真係交足功課，個肉餅好香口， 蛋同肉餅加豉油飯一齊食，可能好啱我口味，直情唔想分畀個friend~香煎魚餅本來我唔食嘅，因為我本身唔食魚，但朋友話煎得好香口完全唔腥，所以最後都食咗一半~油菜晚飯點都要食啲菜，可能因為多人幫襯，連菜都好新鮮，清甜爽口，不是一般既頹菜~最後想講，以一間小店黎講，幾十蚊有咁嘅飯食，香港而家好難搵到，唔能夠要求到米芝蓮級數，但好有香港地道嘅味， 兩個人食三餸一湯飲埋支可樂，都係$115，仲想點!

今日識得嚟呢間小店試食，全靠open rice嘅指引，最近多咗食評講呢間小店。

其實佢個名“兩草”都改得幾特别，最初以為係兩個男孩子經營。

幫襯完先知原來大部份小食的價錢係廿蚊，即俗語“兩草”，有意思！雖然搬咗新舖，座位仍然好擠逼，唔會令人坐得舒適。

屬於食完要即走的經營模式。

店内所售的食物款式不多，小食及飲品一般的售價约廿蚊。

今次我揀咗香煎魚餅$20、咖央多士$20及羅漢果水$20。

本身我好鍾意食煎魚餅，貪佢香口得嚟又唔油膩。

呢度將魚肉煎到金黃色，外脆内軟，又唔會過火，恰到好處。

再加上翠綠的葱花，增添清新的口感，令食味提升。

值得一試！咖央多士烤得夠薄脆，但相對無乜咬口，對喜歡厚多士的朋友可能覺得不是味兒。

咖央醬的食味與其他食店有出入，只有濃烈的椰絲味，但又唔算太甜，整體唔算吸引。

一試無妨！自家製的羅漢果水有驚喜，羅漢果味出眾，味道濃烈，真材實料，沒有溝水開稀的成份。

非常適合宜家嘅天氣，清心解暑。

值得一試！食咗咁多野，賣單正是兩草、兩草又兩草。

今時今日經營成本上脹，工資丶舖租及食材價格都不斷上調，所以一眾愛吃和懂吃的老饕要好好支持這些小店經營呢！

兩草餐單提供港式, 新加坡菜, 馬來西亞菜等推介美食位於銅鑼灣區，餐廳座位數未知人均消費約$50以下，結賬可以用現金，Booking訂位可以電話致電 27966868 查詢。

您對於銅鑼灣餐廳「兩草」有何 comment？

兩草餐廳詳細資料：

• 兩草地址:
  銅鑼灣銅鑼灣道126號地舖
  兩草, G/ F,126 Tung Lo Wan Road, Causeway Bay
• 兩草電話: 27966868
• 兩草價錢: $50以下
• 分類: 港式, 新加坡菜, 馬來西亞菜
• 座位: 未知
• 付款: 現金
• FB專頁: 兩草 Facebook

更多兩草相關資料:

• 兩草分店
• Youtube
• Facebook
• Twitter
• Google