一番 銅鑼灣

一番 評價 相片

食嘢除咗要好味之外仲要啲乜呢？ 我覺得就係 service， 我冇話環境唔重要只係不過香港寸金尺土 裝修費又貴, 所以呢我覺得 service 係好重要嘅， 咁我又冇講過話要人哋鞠躬，洗死人嗰種， 我只係要求侍應生唔好黑面， 唔好話叫都唔應咁就得啦。

新年過後的某一日，父母帶咗我同家姐嚟呢度食日本餐， 咁我哋如常咁嗌咗啲壽司之類嘅嘢啦， 父母就叫佐支清酒飲， 我哋主要係嗌咗啲三文魚壽司謝，海膽軍艦， 同埋一啲刺身咁啦， 其實啲味道都唔錯嘅， 啲壽司夠醋味而且又唔容易散開， 而且呢度啲魚係長個壽司飯好多嘅， 所有嘢我都覺得唔錯而且幾好味。

只不過係落單嘅時候，我曾經嗌咗大鰻魚壽司，就係咁樣就出事啦，呢個壽司好耐都未嚟， 咁我就問侍應點解咁耐都未嚟呢， 我阿爸幾番追問之下，個侍應生就話，因為係個後生女嗌嘅，所以就以為唔係真係要點嘅單，我真係火都嚟埋， 喂！ 我係中學生，唔係幼稚園生呀！ 我點單你當我發噏風呀， 我真係唔知呢啲係乜嘢道理囉 ！？ 到最後 ，當然嗰件大鰻魚壽司都嚟咗， 味道係好味呀不過都大打折扣啦，心情都影響曬。

我覺得 service 好有問題。

鍾意食日本嘢嘅我，經朋友介紹下就試下呢間！入到去有居酒屋嘅感覺，雖然地方細細個招呼好熱情，店入面都有好多日本人客所以好似去咗日本咁。

味道都好地道，真係好似去咗日本食居酒屋咁，嗌番杯啤酒飲下…當然要嗌燒飯糰同燒秋葵啦！好味吖！燒飯糰好香好脆囗！我本人好鍾意！當然仲有我愛嘅秋葵…燒到剛剛好！燒甜薯仔……好甜！整體都好好味！好享受！好日本！值得再食！

一入店鋪已經有服務員親切地招待，服務員同客人就好似朋友既感覺，相識很久。

店內播住日本歌曲，裝潢亦好日本風格，有一個小小既L字型bar枱。

食物款式好多，本想叫4款，5款菜式，但服務員怕份量過多，貼心地建議我地食完唔夠先再點菜有前菜附送(忘了影相)，有中華沙律同類似納豆既東西。

再泥玉子燒!!🍳店員建議將豉油倒進蘿蔔蓉，玉子燒熟度剛剛好，再配上蘿蔔蓉，味道非常夾，減少膩既感覺，不錯👍大跟小既assorted sushi🍣其實只差$60，分別多左海膽同拖羅壽司，用料新鮮，尤其拖羅，入口即溶，抵食之選!海鮮鍋🍜係之前見到有食評家推介，上菜後更驚喜既係，配料非常多，有三文魚，蠔，蝦，魷魚，豆腐，菜，湯底濃，整個配搭好好剛才都講，服務員同顧客就好似朋友一樣，傾得盡興，店員送左每人一杯梅酒🍶成餐飯好完美，服務態度好好，值得番桌😊

第一次寫食評，估唔到係朋友阿鬼做㕑師嘅一番。

而以下某些圖片可能會出現係食家糖不甩Natalie 食評內，因為當晚佢係飯腳之一。

今餐食嘅野係㕑師作主(Omakase)，事前我係有俾當晚帶嘅餐酒阿鬼師傅即我朋友做food pairing 嘅，當晚菜單如下:前菜: 芥末八爪魚、螢光魷魚、酒糟芝士、玉子燒刺身: 日本粟米、日本空運秋刀魚燒物: 煙肉車厘茄、燒牛脷、燒大葱豬腩、燒雞肉丸、蒲燒帆立貝、燒麵豉豬朳炸物: 天婦羅大蝦和食: 汁煮漢堡朳、牛肉飯卷物: 軟殼蟹卷前菜嘅芥末八爪魚同螢光魷魚屬不過不失之作。

玉子燒同酒槽芝士就相當好味！！！玉子燒係手工卷嘅，唔係日本超市買倒嘅甜蛋，手卷玉子燒如果煮果個人控制火候唔好，會做到外面燶裏面老到鞋口，但圖中嘅玉子燒外軟內嫩，真係一啲都唔容易做，極品！酒槽芝士第一次食，壽司檔師傅講呢個前菜係用酒糟混入一啲切碎嘅吞拿魚筋，再放上芝士上面，"腥"+"羶即"魚"+"羊"鮮也！呢個真係絶配！如果10分係滿分，呢兩個前菜我会俾11分！粟米刺身好甜，但個人覺得有啲渣。

秋刀魚又係當晚激賞嘅菜式，魚新鮮冇腥味，入口魚肉結實，好鮮甜，飛機貨零啥唔同；街市賣10蚊3到4條果啲完全係天淵之別，果啲係比較腥同可能因為啲肉雪過，肉質好鬆。

當晚秋刀刺身將我對秋刀魚嘅觀感完全扭轉！至於燒物，煙肉車厘茄、燒大葱豬腩及雞肉丸普通，雞肉丸仲比較鬆。

一番招牌串燒燒牛脷保持水準，外脆內軟，非常juicy，其實一條牛脷只有大概三份一嘅肉(後舌) 部份可做串燒，要做倒一串好嘅燒牛脷成本唔輕！麵豉豬朳，入味，唔乾有肉汁，水準之作！蒲燒帆立貝，燒汁惹味，帆立貝燒至約四成熟，好嫩滑鮮甜，食得出係來自日本或加拿大嘅刺身級靚貨！天婦羅大蝦，本來係我非常期待嘅，但係就真係好失望，蝦炸得老，又冇"拉花"，梗係要問下大㕑點解会失水準。

得到嘅答案係佢特登按我要求買啲大隻嘅海蝦來整，但落銅鑊時就因為鑊較細炸得唔夠均勻，老左！而且拉唔倒花，至於乜野係"拉花"，遲啲再寫篇食評解釋。

全晚高潮所在，汁煮漢堡朳，同桌飯友讚口不絶。

個人非常鍾情於呢味"日式西餐"，喺香港及日本本土餐廳都食唔倒咁好味嘅！朳好入味好焾，個紅酒香草汁校得好好好味，聽聞秘訣係要炇完浸住過夜先夠入味。

最尾來嘅軟殼蟹卷，蟹好鬆脆，份量幾大，當然味道亦係同行朋友亦大讚。

後加左個牛肉飯，呢個飯我之前食過好多次，個牛肉汁係自家秘制嘅，本應超好食嘅，但今晚個汁校得只屬一般，牛肉係用美國安格斯牛肉，好焾滑兼有牛濃郁牛味，如果果晚唔係因為啲汁有多少失準，呢味又係神級作品！甜品係送嘅雲尼拿雪糕，普通。

當晚自攜嘅飲品

粟米刺身正呀!好鮮甜,好爽口,第一次吃留下非常好印象,完全不夠喉好想再吃,但叫得太多了。

order左個assorted sushi大我們2人,都夠飽了..特別推介:海膽軍艦,拖羅個小卷不太歡喜由於本人較揀食(因為有生洋蔥)飯都做得不錯,較為chewy,不太酸。

我們兩個還大膽叫了個滑蛋牛肉飯,實在太滿足了!! 雞夠滑,但飯太早到了,都凍了.可能熱吃會正好多。

刺身粟米真係好好食,師傅話不是經常有的。

一番餐單提供日本菜, 壽司, 刺身等推介美食位於銅鑼灣區，餐廳座位數20人均消費約$101-200，結賬可以用Visa,Master,AlipayHK,支付寶,現金,AE,JCB。

您對於銅鑼灣餐廳「一番」有何 comment？

一番餐廳詳細資料：

• 一番地址:
  銅鑼灣軒尼詩道525號澳門逸園中心12樓
  Ichiban, 12/ F, Macau Yat Yuen Centre,525 Hennessy Road, Causeway Bay
• 一番電話:  
• 一番價錢: $101-200
• 分類: 日本菜, 壽司, 刺身
• 座位: 20
• 付款: Visa,Master,AlipayHK,支付寶,現金,AE,JCB
• FB專頁: 一番 Facebook

更多一番相關資料:

• 一番分店
• Youtube
• Facebook
• Twitter
• Google