Sodam Chicken 銅鑼灣

Sodam Chicken 評價 相片

冬天咁凍就好想食啲熱辣辣嘅火鍋，留意到銅鑼灣「Sodam Chicken」新推出左個太陽芝士雞鍋，好吸引呢！在座幾乎每枱客人都有叫呢個芝士雞鍋，果然好受歡迎啊！餐廳仲做緊晚上8點半後78折嘅優惠，好抵食呀！太陽芝士雞鍋🧀🍗雞鍋嘅爐邊圍滿炸雞及焗雞，合共有四款，分別係：韓式炸雞、雙重芝士炸雞、炭燒煙燻焗雞及香辣焗雞，每款各3件，合共12件，份量十足，適合同朋友開心share！炸雞外皮金黃酥脆，內裏嘅雞肉仲好juicy，邪惡又好食！焗雞則可品嚐到雞肉嘅原汁原味，啖啖肉，雞味好濃郁呢！熱鍋中間係鮮忌廉、三色芝士及少許香草🌿，店員表示開火後5分鐘攪勻就可以熄火～芝士瞬間同鮮忌廉融為一體，拉絲效果非常吸引！入口香軟棉滑，芝香四溢，同時帶有忌廉奶香，將雞肉沾上芝士一齊食會更加美味小食拼盤呢個拼盤小食以炸物為主，有炸魷魚圈、腸仔、薯條、紫薯番薯年糕。

每款都好香口，最鍾意係當中嘅炸年糕，口感Q彈好煙韌，頗有薯香🍠

買一送二優惠嘅Sodam Chicken！講到明Chicken，除咗炸雞、烤雞、焗雞，全部都係雞，仲有唔同韓風嘢美食，例如薄餅、冷麵、芝士飯... 作為韓風迷嘅我，當然必食炸雞。

貪心嘅我叫咗三拼炸雞：蜜糖芥末、黃金鹹蛋、甜酸。

另一個送嘅主菜就叫千島加勒比薄餅，小菜就泡菜魷魚。

三個人食最低消費係450，所以再加咗個芝士泡菜炒飯，同飲品。

泡菜魷魚比想像中韓國前菜大碟，都幾多魷魚。

值得一讚係泡菜帶少少梨味嘅甜，口感亦好爽脆。

最怕係酸嘅泡菜，呢一點完全唔使擔心。

千島加勒比薄餅係薄身，似餅乾，如果厚少少，會更好。

味道不過不失，有芝士嘅嘢唔會伏。

平時鐘意食厚薄餅嘅母親大人竟然對呢個好有好感，因為食落有新鮮感、唔會太濃味。

芝士泡菜炒飯一開始外貌令我有少少失望，因為唔係平時拉絲嘅芝士。

食落又有少少驚喜，好creamy。

冇拉絲效果有失亦有得，食落唔會膩，更重要係即時食慢少少，都唔會張口。

登登登...主角炸雞經過漏單，終於登場。

炸雞唔油。

炸得剛剛好，外表脆脆地，而肉質亦唔嚡。

某部分炸粉略厚。

一手去食熱辣辣嘅炸雞（當然係用埋手套），一手攞啤酒飲係最有風味。

某部分炸粉略厚。

三個口味個人排名：黃金鹹蛋> 甜酸> 蜜糖芥末。

黃金鹹蛋榮登榜首係因為夠特別得黎又好味，好重鹹蛋味。

甜酸係炸雞必定唔伏item之一，呢度嘅甜酸帶少少辣。

阿爸阿媽最鐘意甜酸。

對於我黎講，如果再甜d仲好。

蜜糖芥末好似排榜尾，但味道係正正常常，只係因為冇一d驚喜位，同埋食到最後飽飽地。

一小插曲係去到先知有最低消費，每人$150，其實每人食$150都合理同剛剛好，可以叫埋飲品。

環境分因為播韓歌MV偏心+1。

總括而言，係可以滿足多個願望嘅韓國餐廳，性價比高！

最近同朋友一齊追韓劇，上星期仲相約到韓國著名炸雞店Sodam Chicken食炸雞！餐廳位於銅鑼灣，環境簡約雅緻，到處播著韓國歌手MV，充滿韓Feel。

我地叫了全新推出的太陽芝士雞鍋 (HKD228) 來開心share。

現隨芝士雞鍋可享 +$1多1件雞 及 飲品買1送1，超抵呀！太陽芝士雞鍋賣相震撼，造形似太陽。

鍋邊放上12件雞，有齊炸雞+焗雞4款口味：韓式炸雞、雙重芝士炸雞、香辣焗雞、炭燒煙燻焗雞。

中間放滿秘製芝士醬、車打芝士及水牛芝士，芝味無窮！透過爐火，芝士好快溶化，正可將長長的拉絲芝士包著雞塊。

當中我鍾意韓式炸雞 及 香辣焗雞，外層一脆一惹味，唔算好辣，肉質嫩滑好juicy；被勁多軟滑芝士包著後，味道沒有互相覆蓋，反而豐富了層次！12件雞已很豐富，於是直接叫買1送1飲品。

(左) 提子特飲 (HKD58)  |  (右) 青蘋果特飲 (HKD58)特飲好大杯，放有彩色雪條，十分夢幻，入口清新透心涼。

太陽芝士雞鍋最適合三五知己一齊食，仲可食多幾款美食，確是人生樂事！

講到食韓式炸雞，我一定係直接諗到「Sodam Chicken」唔單止香港出名，餐廳原來係韓國已經擁有70間分店咁多！呢排佢地出咗個Semi buffet，直接同FD搵日Lunch過嚟拆餐勁★★★★★韓式炸雞半自助午餐 $118(小童$68)主菜可選炸雞/焗雞/芝士泡菜炒飯/辣炒年糕/韓式涼拌水冷麵/牛肉炒粉絲今次我地２個雞肉控叫咗個全雞宴😹😹蜜糖芥末炸雞炸雞外層炸得夠鬆脆，但內裡雞肉仍然仲keep到勁嫩滑口感，咬落勁juicy！蜜糖嘅味道十分濃厚，淨係聞都覺得甜蜜蜜💕食落蜜糖嘅香甜同雞肉嘅鮮甜，襯到一絕👍🏻👍🏻多返D芥末味就更加惹味perfect池啦~雙重芝士焗雞呢款焗雞就偏芝士鹹香，一樣咁正以雙重芝士烤焗再灑上可可脆片做裝飾脆卜卜嘅外皮配上濃郁芝士香嘅鮮雞，超級lamlam脷焗雞size比炸雞更大件，好在佢地d雞係冇骨不過用手套大食特食同樣過癮！自助沙律吧+薄餅+飲品自助吧比想像中更豐富，淨係沙律都有好幾款菜任君選擇仲有特別D嘅韓式粉絲﹑蘋果吞拿魚螺絲粉等等當然仲有最多人爭食嘅薄餅，皮薄酥香得嚟仲有極邪惡拉絲芝士😍真係會令人忍唔住食多幾塊......飽晒🤤🤤Sodam Chicken整體評分★★★★★地理環境★★★★★服務★★★★食物★★★★★價位＄＄

成日見到sodam chicken既廣告真係好燒 好吸引🔥🔥 今日放假終於有時間黎試下喱個炸雞放題！炸雞放題除左有唔同口味既雞食仲有Pizza，海蜇，白蘿蔔等等既前菜，唔怕食雞食到厭🤪仲有唔少小食可以選擇！食個紫菜薯條先！炸雞同焗雞既肉質都好嫩，一啲都唔乾，就算係炸雞都好有肉汁，個炸漿唔會好厚炸雞方面， 我鍾意檸檬柚子炸雞，酸酸甜甜好開胃！炸雞肉滑依然，juicy!炸雞味道上，炸雞面頭既少少醬汁因應我地叫炸雞既味道沾滿醬汁，唔會太重口味，唔錯！特別鍾意食咸蛋黃醬焗雞！咸香口味，唔會熱氣！我個人鍾意食焗雞，感覺上無咁熱氣，加上啲醬汁會多啲，容易滲透落件雞到，啖啖都有醬汁嘅味，好好食，好jeng🤤👍🏻👍🏻

Sodam Chicken餐單提供韓國菜, 韓式炸雞等推介美食位於銅鑼灣區，餐廳座位數70人均消費約$101-200，結賬可以用Visa,Master,AlipayHK,支付寶,現金，Booking訂位可以電話致電 27280200 查詢。

您對於銅鑼灣餐廳「Sodam Chicken」有何 comment？

Sodam Chicken餐廳詳細資料：

• Sodam Chicken地址:
  銅鑼灣耀華街3號百樂中心7樓
  Sodam Chicken, 7/ F,3 Yiu Wa Street, Bartlock Centre, Causeway Bay
• Sodam Chicken電話: 27280200
• Sodam Chicken價錢: $101-200
• 分類: 韓國菜, 韓式炸雞
• 座位: 70
• 付款: Visa,Master,AlipayHK,支付寶,現金
• FB專頁: Sodam Chicken Facebook

更多Sodam Chicken相關資料:

• Sodam Chicken分店
• Youtube
• Facebook
• Twitter
• Google