SAYAMThai/Bar 銅鑼灣

SAYAMThai/Bar 評價 相片

唔經唔覺已經嚟到五月，過去嘅一年雖然有啲難過... 好想逃避、好想離開🤯 不過深信不如意嘅日子始終會過❤️ 慶幸身邊仲有一班好朋友撐住，實在非常感恩🙇🏻‍♀️🙇🏻之前因為各樣那樣嘅原因，#小秘書 都無見大家一段長時間👉🏻👈🏻 對今晚個飯局，真係有啲期待❤️ 咁耐無見 eee.... 個個似乎都肥咗又瘦咗🤣 好朋友真係唔需要成日見面，只要圍埋一齊就大把話題。

所以一定要搵一間冇限時嘅餐廳俾我哋暢所欲言🤪 咁啱朋友個朋友喺銅鑼灣開咗間泰國餐廳 SAYAM THAI/ BAR，一於去捧下場。

#餐廳地址 明明寫喺 #怡和街，但係大廈正門偏偏開喺 #渣甸街 嗰邊，唔係朋友仔一早溫馨提示，我諗我呢個 #路痴 一定有排搵😅 起初我見到thia bar幾隻字都有啲驚㗎，怕上去會食到二食煙、有啲唔正經嘅人喺裡面🤔 不過上到去先知自己大驚小怪，餐廳不知裝修得幾骨子，正門一大片海藍色做背景，左邊做咗一個細細嘅bar枱，方便啲客飲返兩杯，座位亦都唔會太逼夾。

講番啲食物🍽#Sayam 屬於新派嘅口味，加上精緻嘅擺設，最啱喜歡 #相機食先 嘅我😄 我哋叫咗5個 #主菜、1個 #炒金邊粉，最後再加2個 #甜品🤪 十足十大胃王上身😅 而我就最鍾意佢哋嘅 #炸蝦拼墨魚餅，咬落去啖啖新鮮嘅蝦/墨魚肉混合，好爽口😋 #肉碎生菜包 估唔到原來咁辣，不過包埋 #生菜 一齊食，味道啱啱好😋 #串燒黑豚肉 好惹味😋 #黃咖喱崩沙牛腩 炆得好入味，#薄餅 放上 #咖喱汁 ... 正呀😋 #泰式滷水豬手 口感唔會太油膩，啖啖肉啱晒啲 #食肉獸😉 食到呢度真係飽到不得了，不過見碟 #干炒海鮮粗粉皮 咁有鑊氣，梗係要試兩啖啦🤣 不過 #好戲在後頭，兩款甜品非常出色，#師傅 將 #椰汁芒果糯米飯 砌到成棵花咁，#葉豆花 混入糯米飯，造成一朵紫藍色嘅花，#芒果肉 做花桿，非常吸睛❤️ 不過我最鍾意嘅梗係師傅精心為我準備嘅 #榴槤伴豆腐雪糕 啦，清淡嘅豆腐口味，配上濃濃嘅榴蓮肉撈埋入口... 正呀喂🍃餐廳整體表現都唔錯，係某啲服務員間中擺咗小烏龍，不過絕對誠意搭夠，加上食物味道唔錯，最重要價錢合理❤️ #銅鑼灣 #聚腳 確係一個 #唔錯嘅選擇👍🏻

同址上一手也是泰國餐廳，餐廳名字雖然變了，但可能係同一班底？唔識泰文，但估計「Sayam」係泰文的羅馬拼音，不過，到底是什麼意思呢？餐廳重新開張大約半年左右，裝修簡潔明亮；最具特色就是用了很多張上任泰皇照片拼砌而成的上任泰皇牆畫。

雖然上任泰皇普密蓬已經過世幾年，但餐廳仍然用了他的肖像作為裝飾，可見普密蓬在泰國人心目中的地位是何等尊貴。

菜式選擇相當多，湯、沙律、燒烤、泰式咖喱等等各種款式完全，唯獨欠缺大肉蟹、大頭蝦等較為貴價的泰式海鮮，但這也配合了餐廳的市場定位。

炸蝦混墨魚餅（$68）賣相有點奇怪，中間有一個小洞，以為係 Donut。

爽口彈牙、有蝦味；是好食的炸蝦餅。

炭燒豬頸肉（$88）唔夠香口，亦缺乏了泰式燒烤醬醃制；如果唔係有一小碟特別調製、微微酸辣的醬汁，就完全唔好食。

柚子沙律（$108）與想像中的賣相有所出入，並非一大份、將所有材料混合在一起的傳統沙律，而是分成五小份、一人一份的迷你沙律。

材料有香葉碎、炸香蔥碎、炸腰果、蝦仁及柚子肉，但味道就真的只是一般而已。

急凍蝦仁質素差，欠缺蝦味；炸腰果份量太多，反而重點柚子肉份量就少得可憐。

肉碎生菜包（$128）味道酸辣，但就是只有酸辣，欠缺了其他味道；肉碎炒得唔夠香口、也欠特色醬汁及及泰式香料，只勝在份量夠多。

燒雞(半隻)（$138）不愧廚師推介菜式，雞皮香脆，表面塗上了特製泰式風味燒烤醬，濃郁香口惹味。

黃咖喱崩沙牛腩（$168）配泰式薄餅及焗原個薯仔。

咖喱汁香氣濃郁，唔算太辣，迎合大部份香港人口味。

牛腩份量都算多，但質素麻麻、有筋；炆煮亦未夠軟身，肉質偏硬。

炒金邊粉係泰國最出名的地道炒粉麵飯，味道少少酸酸地、又有少少辣，可以增加食慾。

大蝦炒金邊粉（$138）做到了味道酸辣平𧗾，乾濕度又剛剛好；但那隻大蝦就非常差，肉質有點霉，亦沒有鮮味。

炒青菜有多款可以選擇：芥蘭、通菜、南瓜菜、秋葵或椰菜花；醬汁也有四款：蝦醬、飛天、清炒及馬拉盞，一律 $88。

「飛天」口味太辣，同行家人不是個個能夠接受；「蒜蓉清炒」太普通，欠缺泰國特色；所以揀了馬拉盞炒芥蘭及蝦醬炒通菜。

蝦醬味道唔夠濃郁，不過通菜夠爽脆；又加入了爽口兼微微清甜的椰子芯，由於很少機會吃到，添加了一些特色；整體味道尚算不錯。

兩款炒菜比較起來，以馬拉盞炒芥蘭更加好食，皆因更香濃惹味，芥蘭爽甜沒有苦澀。

雖然在座各人不算大胃王，但七個大人一個小朋友食到捧着肚子也不用 $1,200，還要是銅鑼灣；雖然只是樓上鋪、味道也只是一般，但實在相當抵食。

銅鑼灣新開無耐既泰菜，見到d相d野食同餐廳好似幾靚，就同朋友黎試下😍 餐廳燈光偏暗，感覺好relaxing☺️Menu選擇都幾多，望落似偏西式既泰菜喔！🥘🌶椰青雞湯 $108 for two超濃超香超好味無諗過咁好飲個湯好甜，椰子味好香好多雞肉，肉質都幾滑basically飲完個湯就飽左😂🌶🌶都頗辣喔，但味道真係唔錯！ Highly recommend 🉐🉐🉐 🥩🥗燒安格斯牛肉沙律 $168燒牛肉係主角，沙律只係配菜得少少😂安格斯牛肉屬半肥瘦，眼見都睇到好多肥膏🤭坦白講，偏油偏肥，但不能否認，夠肥所以真係幾香幾好食既🤤煎到表面微焦，香口👌🏻👍🏻唔點個汁都夠味，想thai d 就可以沾埋個thai sauce 食，酸酸地開胃👌🏻 🍗青咖哩燒雞腿 $105青咖喱個調味唔錯，但sauce 既質地偏稀，塊薄餅要浸落d汁浸耐d先索味喔！雞腿煎得唔錯，塊皮煎到脆身，好香口！略嚴雞腿肉有少少唔夠滑！ 下次有興趣試黃咖啡牛肮腩🤤 🥦馬拉盞炒椰菜花 $88椰菜花炒得野味之餘又唔會太油👌🏻👌🏻⭕️餐廳坐得舒服，侍應服務態度很好☺️⭕️d菜砌得都好精緻，價錢唔貴，性價比高👍🏻⭕️地點方便，係怡和街，距離地鐵2分鐘

今晚約了K食dinner, K喜歡週遊列國，好嘢食唔少，所以揀餐廳都有少少壓力，咁啱有同事介紹Sayam Thai俾我，佢話同一般泰菜不同，咁我又不妨試吓。

餐廳環境整齊又乾淨，座位闊落，開揚又舒服！柚子沙律$108~擺砌精緻，把柚子，腰果和蝦放在一片欖葉上，整齊又美觀。

蝦非常爽脆，連埋酸酸甜甜的柚子和脆口的腰果，還有清香的欖葉一起吃，無論口味和層次都非常豐富，我和K都很喜歡。

鹽燒海魚$248~一般泰菜館都是用鱸魚，但我地今晚好lucky, 食到新鮮的盲槽魚，魚肉非常滑嫩，由於在魚肚內塞了很多香茅一起燒，所以有淡淡的香茅味，蘸泰式酸辣汁真是超美味。

蒜蓉炒秋葵$88~除了秋葵外，還有紅蘿蔔和椰芯，用蒜蓉，炸蒜和沙薑一起炒，味道非常濃郁惹味椰芯好爽口，秋葵亦很濕潤，看似很普通，但其實有花心思，好味！椰芯原來一棵椰樹只有一個，是椰子的精華，營養價值很高，而且清甜又爽脆。

有些人不喜歡食秋葵可能因為秋葵內的黏液，但炒過後的秋葵明顯無咁多黏液，而且充滿蒜香和沙薑味，好正！最後的驚喜是餐廳經理送的椰汁膏，椰青味好香好濃郁，好好味！

今曰試試一家新開幕的泰國菜。

一步入餐廳，就被那雅緻的氣氛吸引著。

餐廳採特色的窗戶設計，配上木色桌椅和金屬吊燈，感覺時尚又舒適。

在柔柔的音樂和幽暗的燈光下進餐，別有一番氣氛。

這個椰青雞湯差不多每枱必點，，一於試試看。

Tom kha gai椰青雞湯$108/2位椰子雞湯以粉藍色小湯煲盛著，十分可愛。

湯汁奶白，口感香滑，有著椰子奶香，還有蕃茄、青檸的酸香，完全唔覺辣，很醒胃。

再吃一口雞肉、蕃茄和香茹，十分豐富。

Gai yang$138燒雞這燒雞即點即燒，所以製作需時。

嘩！這燒雞真好吃！原來是用了花奶和椰汁醃製，先慢焗廿分鐘，然後再燒！怪不得燒雞格外香口嫩滑，就連雞胸肉也不鞋口，尤其沾上那特調的酸甜醬汁，酸酸甜甜加微微的辣，更加滋味，好味道！Pad Thai $138大蝦炒金邊粉大蝦大大隻，蝦肉鮮甜爽彈，啖啖肉。

pad Thai 炒得很好！pad Thai 的材料雖然基本：有旦絲、芽菜、花生、豆腐乾和韮菜等等，但金邊粉炒得乾濕有致，口感具彈性，而且酸酸甜甜的，真的越食越想食，推介！要吃得均衡，少不了蔬菜馬拉盞通菜$88這馬拉盞通菜和平日吃到的味道不一樣。

通菜炒得軟嫩香口，配上特製馬拉盞醬料和椰子肉，既有蒜香，又在香辣中透出陣陣香草和椰子氣息，惹味可口。

估唔到在繁華的銅鑼灣中，找到一家別緻泰菜，可以和朋友慢談細嚐，是愉快的一夜。

SAYAMThai/Bar餐單提供泰國菜等推介美食位於銅鑼灣區，餐廳座位數65人均消費約$101-200，結賬可以用Visa,Master,AlipayHK,支付寶,現金，Booking訂位可以電話致電 25777298 查詢。

您對於銅鑼灣餐廳「SAYAMThai/Bar」有何 comment？

SAYAMThai/Bar餐廳詳細資料：

• SAYAMThai/Bar地址:
  銅鑼灣怡和街22號3樓
  SAYAMThai/Bar, 3/ F,22 Yee Wo Street, Causeway Bay
• SAYAMThai/Bar電話: 25777298
• SAYAMThai/Bar價錢: $101-200
• 分類: 泰國菜
• 座位: 65
• 付款: Visa,Master,AlipayHK,支付寶,現金
• FB專頁: SAYAMThai/Bar Facebook

更多SAYAMThai/Bar相關資料:

• SAYAMThai/Bar分店
• Youtube
• Facebook
• Twitter
• Google