Caffe Kenon 銅鑼灣

Caffe Kenon 評價 相片

每次到銅鑼湾做運動，時間許可的話總愛到這間位於街角的小型Caffe吃個早餐，雖然位置不太就腳，但就是因為人流不多，永不會嘈吵，可以悠閒的享受吃。

早餐的選擇雖不多，但卻能表現出餐廳對食客的誠意，多士每次都烘得金黄香脆，從沒令我失望，配上温熱適中的炒蛋，就成為我每次路經吃早餐的不二之選。

因為有朋友推薦呢度的焗豬，今日係附近，所以就過左來試試。

午餐叫左一個焗豬扒飯，一個煙三文魚蕃茄汁意粉（類似名字），分別都係＄78，可以揀咖啡／茶／橙汁／忌廉南瓜湯。

我順返上菜次序講。

忌廉南瓜湯：完全係粉溝水開出來的味道，仲要d水唔夠熱，個湯只是微暖。

好差，飲完之後好驚之後個d野全部都係伏。

橙汁：咁梗係知唔會係鮮橙汁啦，但係又係衰到好似飲緊康鈣c。

煙三文魚蕃茄汁意粉：其實意粉個味道正常既，要讚一讚意粉岩岩好唔會過淋。

但係我無諗過會係d全熟既三文魚碎。

成碟野，係靠個幾條芽苗菜令佢正常少少，fresh返少少。

焗豬扒飯：佢claim係招牌架，個賣相都ok，熱辣辣咁上菜。

d芝士夠多，飯係炸底（好彩），但就偏爛，其實mix埋佢d茄蓉一齊食都唔錯。

豬扒係厚切的！但係真係好乾身，同埋寧願豬扒唔洗咁厚，可以多返少少飯，因為豬扒同飯個比例唔太balance，男士未必夠食。

總括來講，我唔會話呢餐好難食既，但cp值偏低，雖然而家出面好多cafe都係100蚊煮碟垃圾pasta出來，佢未至於要＄100。

但個焗豬唔岩口味。

所以都唔會再返來。

但我未試過啲咖啡，可能好唔錯，如果係想靜靜地飲杯咖啡，食少少野，一個人坐下或同朋友傾下計，唔高要求都可以考慮。

平時經常行過見到這家咖啡店，有日平日想食西式早餐，又唔想食太貴，便走入去試試。

上面係輕盈早餐 ($38)，有新鮮沙拉，2塊烘烤好的多士，一隻雞蛋任你選擇怎樣煮，早餐再包飲品一杯，叫了美式熱咖啡。

這裡的咖啡略微偏苦，雖然我是覺得還好，但未必人人喜歡。

下面是豐盛一點的選擇，有沙拉、蕃茄、腸仔、烘多士。

($44)另外，見有人叫了炸魚柳早餐，目測好似略嫌太油膩，但味道就見仁見智了。

以銅鑼灣地段食茶記以外的早餐來說，性價比算是高了。

👍🏻

以 $75 連加一可以坐得舒舒服服,雖然食物稱不上出色, 但吃下午茶就一切從簡, 亦無須要雞蛋裡挑骨頭。

西班牙辣肉腸, 雜菌芝士焗鬆餅件沙律是即叫即焗的, 材料並不豐富, 但非常香口, 誠意搭夠, 唔係太餓既話份量就剛剛好。

Cappuccino奶泡稱不上奶滑, 但咖啡甘香帶微甜, 反而唔錯。

一早去到銅鑼灣等朋友，未到就搵間咖啡館坐下，呢間咖啡館未試過，成日搭車經過，今次來到試下，去到只有一枱客，入內坐低，淺木加白色簡約光猛舒服，因為之後仲要食飯，所以揀個最簡單嘅早餐，店員好快上菜！脆多士（果醬/花生醬）配雙蛋（$34）餐牌話兩款醬，店員無問就比果醬，蛋可以炒蛋/太陽蛋/反蛋，又無問直接比炒蛋，我完全唔使煩，炒蛋剛剛熟，唔老（自己唔鍾意連蛋液都未熟嘅「滑」蛋）多士脆，士多啤梨果醬現貨，味道正常！Mocha:夠熱，瓦杯存熱好，飲到尾都熱，朱古力味唔強，咖啡香濃，飲到微甘！好醒神！食晒朋友未到，繼續坐都唔會催！自己攞杯水繼續悠閒坐！如果店員問多句就加晒分！

Caffe Kenon餐單提供意大利菜, 咖啡店等推介美食位於銅鑼灣區，餐廳座位數30人均消費約$51-100，結賬可以用Visa,Master,AlipayHK,支付寶,現金,八達通,銀聯，Booking訂位可以電話致電 26181738 查詢。

您對於銅鑼灣餐廳「Caffe Kenon」有何 comment？

Caffe Kenon餐廳詳細資料：

• Caffe Kenon地址:
  銅鑼灣堅拿道東29號地下A舖
  Caffe Kenon, Shop A, G/ F,29 Canal Road East, Causeway Bay, Causeway Bay
• Caffe Kenon電話: 26181738
• Caffe Kenon價錢: $51-100
• 分類: 意大利菜, 咖啡店
• 座位: 30
• 付款: Visa,Master,AlipayHK,支付寶,現金,八達通,銀聯
• FB專頁: Caffe Kenon Facebook

更多Caffe Kenon相關資料:

• Caffe Kenon分店
• Youtube
• Facebook
• Twitter
• Google