1520放題餐廳 銅鑼灣

1520放題餐廳 評價 相片

本來想book 枱，點知電話一直打不通，走到上已經貼左告示，關門大吉。

太可惜了！！之前食左幾次，味道唔錯又抵食。

我同朋友都好鍾意去的，以後又少左又平又好食既地方了！

間唔中都會同中學同學約食飯見下面傾下計，因為有9折既關係，今次就選擇左去銅鑼灣一間樓上雞煲食飯 😀 限時兩小時，有1830 / 2030兩個時段選擇如果係SOGO對面行入去既，要穿過一條巷仔先去到呢間雞煲湯底都算幾多選擇，23人有半隻雞，4人或以上就有一隻雞,我地有10個人，揀左兩個煲，一個深圳雞煲，一個醉雞煲。

深圳雞煲 係預先已經放左雞係入面，一上檯既時候見到上面有好多好多好多芫茜 ❤❤ （最鍾意食芫茜❤❤），但可惜我坐係醉雞煲果邊試唔到 😞😞😞😞，不過朋友就話深圳雞煲係比較惹味既~~醉雞煲 比較特別，同旺角其他雞煲唔同既係原隻雞碟上，有好香既酒味~~~~~ 湯偏淡有少量中藥材杞子之類。

一黎到我地已經將呢碟雞一次過落哂煲慢慢煮~~~~同多數雞煲放題店一樣，雞冇得任食（我知道有一間係有得任食雞！！ 但經常坐滿冇位或者d雞賣哂。

） 除左雞之外都有其他火鍋配料揀，但肉類就比較少，有肥牛同豬肉，切得非常薄好易就熟，（亦都好易唔見左orz) 餃類 丸類 炸魚皮 蟹柳腸仔等普通火鍋料亦都有~飲品方面有各款汽水，韓國飲品忌廉鮮奶，芒果汁之類，而家好似好多放題餐廳都有韓國飲品，但我始終都覺得味道怪怪地咁。

如果唔想太頂肚食唔得太多野既都可以選擇 烏龍茶，消滯^_^至於調味料就同其他雞煲放題好唔同，1520 只有辣同唔辣兩種豉油揀，冇蔥花或者生熟蒜~傾下計咁就過左愉快既2小時，之前openrice見到呢到既用餐時間捉得好緊，的而且確，距離離大約仲有半個鐘左右就要埋單，話就算食唔哂都唔緊要咁講喎。

在銅鑼灣要找大夥兒吃飯的地方實在不易,剛好看到這家新開沒多久的店,價錢還算便宜便試一下。

訂了 8:30, 到達時己在埋單, 不到 5 分鐘便入座,忘記了點什麼雞煲, 反正就是小辣的 (因有同枱友人不太吃辣)。

雞煲確是小辣, 對嗜辣的人來說是差一點點,還好夠香, 配料也足,雞也尚算嫩滑。

火鍋料選擇不少, 而且基本上都很不錯,鮮蝦算是比較驚喜的,用上了爽口鮮甜的海蝦。

飲品種類也多, 基本的都有,火鍋配酸梅湯見多了,配大澳特產「紫背天葵」還是第一次,感覺還不錯。

美中不足的是牛肉上得太少,無論點了多少還是每次一、兩碟的送來,對食肉獸來說是有點「唔夠喉」,但肉的質素其實很不錯的。

整體水準算是很不錯,特別是在銅鑼灣, 這樣的價錢更是難得。

話說昨日去食呢間野，醉雞窩好足料，材料都好新鮮。

唔怕比人趕既都可以黎食。

點解咁講，因為佢係2小時任食，咁我地係最後一個鐘叫多少少野食，但我地真係食野慢少少，佢係最後半個鐘就話差唔多夠鐘問我地有無野加，無就俾住錢啦，咁OKAY, 我地都俾錢先，再無叫野食同飲野，只係拎埋杯雪糕啦(佢係包一杯雪糕。

) 我地諗住食埋就走啦，點知D 服務員就因為出面有幾個人等緊就係咁同我地講食快少少啦, 出面有人等緊，要坐我地個位。

(明明間餐廳仲好多位，圓台位都無人坐)之後佢就會5分鐘同我地講食快D, 然後過左15分鐘就黎清我張台，問都唔問就連個煲都拎走埋我，仲要係我前面望住我食。

我唔明我食得慢有咩問題，我無再加單你又收左我錢，你無理由要趕我走，出面既人要等位，有咩理由要趕客走﹖ 即係我未食完野就因為2個鐘就要我走﹖ 我食咁多間放題都係收左錢唔再加單，你食完未自己離開張台囉~有D咁既例未食完就要趕人走﹖ 如果係公司規矩唔該你寫係門口到，等D客睇到，而唔係催人走囉。

出面得個十個客(1班中學生) 就係因為要坐我地張大台就趕我地走，仲要係咁講出面好多人等緊，咁旺角瓊華個D餐廳未好唔得閒，成日都要同D客講好多人等快D走﹖ 佢地要等，唔通就唔等得，一出升降機就開始計時2個鐘﹖ 如果我係D 出名既BLOGGER/明星, 佢地仲會唔會咁趕我地走﹖ 就唔怕我會寫衰佢地? 我唔知OPENRICE 會唔會肯POST 我篇野出黎，但真係食到成肚火。

 真係離晒大掃!

我同我嘅朋友都好鐘意食雞煲，基本上一個禮拜都會食一次，都算幾瘋狂。

由於想試新，就搵到呢間，見食評都好好，就去試下。

餐廳係樓上鋪，唔算大，裝修設計似韓式餐廳。

因為8號風球關係，餐廳得我地兩個客人，後來黎多左兩台，環境好舒適，冷氣亦好夠，不過如果多人嘅話就唔知啦。

雞煲有好多款式，有辣同唔辣，我地就揀左成都麻辣雞煲嘅中辣。

火鍋嘅配料都好多選擇，分左8類，應有盡有，我覺得已經好足夠，而且都好新鮮。

飲品方面，選擇唔多，最普通嘅忌厘鮮奶，紅茶，烏龍茶。

。

最緊要有我最愛嘅冬瓜茶~主角出場啦~由於我地都唔係相機食先嘅人，所以食到一半先記起 呢度嘅雞煲同其它餐廳唔同，佢本來就有湯，但雞嘅味淡左少少，如果想要濃味d,應該等佢收少少水先食。

但雞肉好滑，亦無好似其它餐廳咁大大件，適合女仔，可以斯文d食，中辣亦無想象中咁辣，就好似小辣咁。

因為佢本身有湯關係，所以可以落火鍋配料，會吸曬雞汁，好正加湯之後，正常湯底會淡，但呢個無餐廳會每台一瓶湯，等你可以自己加，好方便。

呢度亦有飯後甜品雪糕。

總括而言，算係滿意，唔會失望噶一餐

1520放題餐廳餐單提供港式, 川菜, 四川, 火鍋, 雞煲等推介美食位於銅鑼灣區，餐廳座位數75人均消費約$101-200，結賬可以用Visa,Master,現金。

您對於銅鑼灣餐廳「1520放題餐廳」有何 comment？

1520放題餐廳餐廳詳細資料：

• 1520放題餐廳地址:
  銅鑼灣怡和街22號3樓全層
  1520 Restaurant, 3/ F,22-24 Yee Wo Street, Causeway Bay
• 1520放題餐廳電話:  
• 1520放題餐廳價錢: $101-200
• 分類: 港式, 川菜, 四川, 火鍋, 雞煲
• 座位: 75
• 付款: Visa,Master,現金
• FB專頁: 1520放題餐廳 Facebook

更多1520放題餐廳相關資料:

• 1520放題餐廳分店
• Youtube
• Facebook
• Twitter
• Google