海王老記 路氹城

海王老記 評價 相片

真心提醒：深夜完全無嘢食都唔好試呢間！坐低大半個鐘都上唔到一碟菜，催單侍應淨係識講就到，再催佢哋就直接掉頭走⋯⋯點嘅送菜實在唔複雜：鹽水菜心乾炒牛河椒鹽豆腐泡椒饞嘴蛙我林，點都上到鹽水菜心掛？開頭話多單排隊，我理解～再等一陣，見到我落單先等位果台都開始食，咁條隊倒轉排嘅？我地再催，佢地就話就到啦～跟住索性全部人遠離我地台，唔理我地，咁係咩服務態度啊？！其實真係漏左單或者出錯，咪誠懇道歉，我體諒嘅。

但係直接隔離我地呢台人，咁同趕客都無分別啦，咁唔歡迎，最多唔食咯～

夜晚十點幾響威尼斯人睇完show，心情興奮關係又想食野呢間老家裝修得好有中國味道，一枱一櫈加餐具都好似古時店小二年代咁，乾淨企理版老記有小菜粥粉面等，價錢比一般中菜廳高50%，豪至二千幾三千一隻既10頭鮑魚都有供應！明顯主打中國豪客！牛雜撈面$90牛雜處理得乾淨，但不夠入味。

麵份量多，質地夠爽，但彈牙欠奉。

配湯不是平常的碱水味清湯，是大地魚湯雲吞蝦籽撈麵$90沒有蝦籽味，雲吞是珍寶級，蝦也夠大隻，但又是鮮味欠奉。

還是配上大地魚湯才好吃！二人平均消費二百起，性價比不高，如不是時間短促，應不會再幫襯

晚上在威尼斯人度假村觀賞子華表演，之前在酒店內用膳。

因下午時段飽吃太多美食，本想挑選一間粥麵店簡吃，結果有點中伏感覺。

海王老記門面及內裡裝潢充滿中國特色，部分餐椅無背靠，舒適度一般喇！入門前以為是一間普通粥麵店，及後才發覺餐牌主打鮑參翅肚，粥品麵食是有的，但多是數百元一碗的貴價粥麵，目標顧客群明顯是我們國內的同胞。

最後點了一碗泥鯭粥及一碟乾炒牛河，價錢尚算合理。

泥鯭粥粥底綿身，帶微甜。

泥鯭較碎身，清甜中帶少許苦味。

乾炒牛河色水勻稱富光澤，牛肉腍身幾好味，水準不俗。

早兩個禮拜前，表弟好有心地請肥表哥去澳門威尼斯人睇小巨肺G.E.M.演唱會！我地落船只有半粒鐘食飯，所以不加思索就決定喺最近會場o既粥粉麵檔度食，速戰速決。

海王老記由門面，到餐廳入面，以至洗手間，所有枱櫈，餐具，裝修都富有濃烈o既中國色彩，而且愛國得一Ｄ都唔老套，好有意思！唯一o既問題係店內唔夠空調，未開始食野，ＸＯ都已經大汗疊細汗；依個問題喺洗手間入面更加嚴重，焗到異味沖天，衛生分當堂大打折扣。

　燒鵝瀨粉（$85）：喺賭場入面食野都預左貴架啦，好彩$85碗燒鵝瀨粉都有隻鵝脾食，瘦就瘦Ｄ，不過條氣都叫做「gurr」Ｄ。

上湯味道非常味精，瀨粉正常。

超瘦o既燒鵝脾肉又乾又嚡，個皮又唔夠脆，失敗！全場o既服務生態度都不甚友善，精神又不夠，效率亦不算高。

當晚有段小插曲，估計因為小肥太心急去睇靚女，飲最後幾啖湯時冇留心，居然哽骨，唔上唔落，嚇到表弟不知所措！好在ＸＯ身體機能反應勁，哽骨後數分鐘內自動波地狂嘔，嘔返舊骨出黎。

整個過程當中，旁觀者就多，不過冇一個人幫過我，只有表弟送上紙巾及問候，真係覺得人情冷暖呀！依碗咁貴o既燒鵝瀨粉食到ＸＯ咁有陰影，試問點可以評為抵食呢？！

好好味的水餃麵水餃足料湯底都好好味好正的豬手撈麵豬手好諗好抵食

海王老記餐單提供粵菜, 廣東, 酒店餐廳等推介美食位於路氹城區，餐廳座位數未知人均消費約$101-200，結賬可以用現金，Booking訂位可以電話致電 +85328828333 查詢。

您對於路氹城餐廳「海王老記」有何 comment？

海王老記餐廳詳細資料：

• 海王老記地址:
  路氹城澳門威尼斯人度假村大運河購物中心1032舖
  Old Neptune Restaurant, Shop1032, The Grand Canal Shoppes, The Venetian Macao- Resort- Hotel, Coloane- Taipa
• 海王老記電話: +85328828333
• 海王老記價錢: $101-200
• 分類: 粵菜, 廣東, 酒店餐廳
• 座位: 未知
• 付款: 現金
• FB專頁: 海王老記 Facebook

更多海王老記相關資料:

• 海王老記分店
• Youtube
• Facebook
• Twitter
• Google