馬達餐廳 跑馬地

馬達餐廳 評價 相片

打完波後, 一行8人(6大3小)去搵食, 行行下不如試下呢間啦!打開餐牌, 見d野食都幾正, 又有海南雞飯, 又有牛柳鐵板餐等等..我地叫左:鐵板牛柳餐, 大蝦龍脷柳2個, 德國豬手餐, 帶子石班沙律...前菜都有餐湯同包, 當然開心啦, 點知d主菜就出哂事...所有餐, 點解都係同一個味既???我食既係牛柳餐, 但係鞋到爆, 我食唔落...試下妹妹的帶子石斑沙律, 但唔知點解, 我搵唔到沙律,只有一埋蒜蓉炒什菜, 沙律呢???家姐件豬手, 仲要係好大陣腥味, 全部都蓋有厚厚的蒜蓉汁.再試下個仔的大蝦龍脷柳, o個d細蝦唔知點解有好大陣味, 我諗, 係雪左超級耐的雪蝦..大蝦仲過份, 個頭同腳已經黑無再黑, 個蝦身亦霉得無可再霉, 我敢講, 起碼係一個星期前既貨, 我已經唔敢食了!我地各人都竊竊私語, 盤算緊點樣埋單(因為成間餐廳已經得返2檯客, o個位老人家侍應又非常十分咁熱情咁睇住我地食, 仲係咁問我地點解食唔哂, 咁我地唯有叫佢比個盒我地, 係咁意包左其中一份帶走)返到去係咁刷牙, 一口都係蒜蓉味...唔平嫁, 成$90幾蚊一個餐, 但我地真係唔知食左d咩囉!仲有, 個廁所, 非常惡劣, 我唔敢帶個仔去, 要轉去公廁, 詳情唔講喇, 總之10分為非常惡劣, 佢有11分啦! 請, 都唔會再去!

路過見肚餓, 見佢似老字號, 入去醫肚我另一半要咖哩牛腩飯, 佢食左幾啖, 表情好唔滿意咁, 佢好少咁喎"你試下..."嘩.....飯是隔夜的嗎 ? 又硬又冷 .... 牛腩當然也唔好食接著我要的是芙蓉炒飯來了, 賣相真不錯, 食落....無味既 ..... 再食.....鹹到苦.....今時今日落鹽, 可以攪成咁..... 另外, 白飯更係不知所為實在食不下去......我們再望下四周食客,腦內充滿問號....他們會是街坊客嗎?

Went there last week after class with my friends.It looked like a pretty cute cafe.We sat down and they immediately gave us hot tea.We ordered the oxtail spaghetti, chicken congee, and the hainan chicken.I must admit that i was truly impressed.The food took around 1015 minutes, but good things take time The spaghetti was delicious and the congee was rich with chickenflavour (NOT MSG).The hainan chicken was awesome and tasted like the traditional type instead of the cheap wannabe ones at other hk restaurants.my friends and i were extremely satisfied for it was good food at a reasonable price.A must comeagain!!!

　　　在跑馬地閒逛，週日的跑馬地，比我想像中人多。

行人都很悠閒。

　　　幾年前曾在這家餐廳吃過一頓價廉美味的下午茶，今次則想試吃午餐。

　　　我要了免治牛肉意粉套餐，真的使我很失望。

　　　先說餐湯羅宋湯，材料很充足，但湯鹹得幾乎無法入口，我吃罷了湯料，大半碗湯就無法再喝下去了。

餐包尚有可吃之處，勝在夠熱，但我不喜歡他們把牛油一大塊的放在碟邊，即使沒有獨立包裝的牛油，他們可以把那茶匙的麵包置於碟子更中央的位置。

　　　　主菜肉醬意粉，料足，又是敗在一個鹹字，而且碟底浮出了一層油。

　　　真的很失望。

　　　但這家餐廳環境舒適，座位寬敞，是可取之處，我坐在那裏看完了兩本書。

　　　如果侍應的制服可以乾淨一點，給客人的印象的感覺會較佳。

一連兩天都揸車到跑馬地馬達食Lunch, 無錯, 唔係傻咗, 第一天是回味很多年前嚟過, 第二天則是食過番尋味! 還記得年青時也曾經常三五知己到這裏吃飯, 食過乜就不太記得清楚了, 都係d星馬印食品啦...講番噚日, 一步入餐廳, 發覺無乜唔同, 但同事話已經裝修過了, 但我看只是多了個寬屏電視吧!坐下後, 看看餐牌, 午餐或快餐選擇頗多, 價錢也很合理. 我們一行五人, 有d叫咗咖哩, 有d叫白汁, 我就叫咗牛脷燴意粉+紅湯!熟口熟面的侍應不一會就把湯和餐飽送上,個紅湯不是太濃, 味道就淡咗少少, 但個餐飽就真唔講得少, size比個餐湯碗還要大, 個飽很軟身, 還暖的, 塗上牛油後的確美味非常!還未享受完個飽, 主菜已送上來了第一眼望上去, 有點失望我期望的牛脷是兩三大片煎得香香的, 但碟中的牛脷已切成一條條和茄汁混和了! 幸好吃落口都幾腍, 而意粉是有用茄汁兜過的, 絕不馬虎!整體嚟講無乜唔掂, 是一份滿意的午餐!今日老細揸住架車, 高談闊論地回味着他昨天吃過的咖哩雞, 於是又到跑馬地去! 經過老細的一番吹噓, 三人一同都係叫了咖哩雞, 但今日我就轉飲白湯,個湯忌廉味有點不足, 又係有d淡, 應該可以做得好d嘅!依舊有巨型餐飽奉上, 我就搣咗一半嚟飲湯食, 另外留番一半點咖哩! 很快三碟咖哩雞也放到枱上,濃烈的咖哩夾着椰香撲鼻而來, 我趕快把那另一半餐飽點落咖哩汁裏, 咖哩入口果然美味, 又香又辣. 老細的確無介紹錯, 因他是馬來西亞人, 佢話呢度d咖哩簡直係正宗過正宗! 滿意的我埋單後, 心想應該很快又嚟食過了!

馬達餐廳餐單提供新加坡菜, 咖喱等推介美食位於跑馬地區，餐廳座位數50人均消費約$50以下，結賬可以用現金。

您對於跑馬地餐廳「馬達餐廳」有何 comment？

馬達餐廳餐廳詳細資料：

• 馬達餐廳地址:
  跑馬地黃泥涌道19號恆豐大廈地下
  Motor Restaurant, G/ F,19 Wong Nai Chung Rd., Happy Valley
• 馬達餐廳電話:  
• 馬達餐廳價錢: $50以下
• 分類: 新加坡菜, 咖喱
• 座位: 50
• 付款: 現金
• FB專頁: 馬達餐廳 Facebook

更多馬達餐廳相關資料:

• 馬達餐廳分店
• Youtube
• Facebook
• Twitter
• Google