翠華Eatery 赤鱲角

翠華Eatery 評價 相片

今日經過翠華，又未餓，唔想食佢既飯，最後叫左個奶油豬！$20 😬😬😬唔算貴，不過味道真係好一般，個包又硬，而且佢又唔算焗得熱！成件事似自己買左個厚身既麵包，再查練奶同牛油。

😂😂😂只能說無咩特別。

不過係港珠港都無其他選擇食咩啦

翠華...呢個名我細細個就聽過啦...呢句野絕對唔誇張....今時今日香港....18區..一定最小一間翠華旅遊區...例如尖沙咀有34間都唔出奇今次被安排到港珠澳大橋呢面見客...成個大堂....除左711..就係翠華係餓既情況..好啦...翠華我來啦...食香港人最愛既焗豬72蚊...等左30分鐘...好新鮮...熱辣辣味道好正常...但係...D汁實在太小太小...下面D飯完成無可能有汁拌到....塊豬扒算大但唔夠厚身..以呢個價錢黎講..算係失望由於成個大堂得一間餐廳..所有要食野既遊客都集中係到..環境都偏向嘈雜..食完都唔想坐多陣休息了

1562019 (Sat)晚,同老公返到香港,由於大家都唔肚餓,但都要食少少嘢,過晒入境關到出口附近,原來有間翠華,佢話不如喺喥買一份餐兩個人食.啊.咁佢買咗$60.00嘅XO醬海蝦球撈麵同$20.00一支嘅凍奶茶.等咗4分鐘,職員將XO醬海蝦球撈麵拎出嚟,睇見份量唔多,海蝦球就大大隻,我飲啖湯,好重味精味,之後都飲到魚味,但胡椒味更重,最後重見到有好多胡椒.撈麵味道好濃,但好彩唔太鹹;海蝦球爽口但冇味,靠加XO醬食,但XO醬莫講話唔辣,就連惹味都冇,想點?味道: 0.78分凍奶茶就好正,茶味夠同滑,不過唔夠凍.味道:5 分

唔掂我用自助點餐，去完旅行，好攰，諗住點完餐等下有得食我點海南雞飯，坐低果刻仲清晰聽到取餐既員工開咪叫收銀海南雞飯仲有三份。

咁寫得，就知道劇情話之後就緊係冇啦，但點解我等佢取餐等咗十幾分鐘，然後仲要佢出冧巴啦，我諗住去攞海南雞飯啦，先同我講「冇」呢？請問我可唔可以俾零個星代表佢唔得呢？還是會有人以為我唔記得俾呢？真係俾一粒星都俾多咗。

跟住係我個 4 歲仔要飲佢個紅豆冰啦⋯⋯紅豆唔夠林，唔夠大粒，椰汁味多咗少少，冇冰，呢啲係我既感覺，而我個仔就冇話唔好飲，只係飲咗兩啖（為解喝），成杯我飲晒。

所以我既評論係冇話我個仔講既，係我講既。

返返去個飯，結果換咗豬軟骨飯，賣相唔吸引，冇需要吸引你啦，抵步香港得佢一間。

啲豬軟骨係林既，但味道好三尖八角。

係唔係真翠華黎架？我有係荃灣食過，唔係咁架喎⋯⋯

翠華Eatery餐單提供港式, 快餐店, 茶餐廳, 冰室等推介美食位於赤鱲角區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,銀聯,Apple,Pay,微信支付，Booking訂位可以電話致電 28915586 查詢。

您對於赤鱲角餐廳「翠華Eatery」有何 comment？

翠華Eatery餐廳詳細資料：

• 翠華Eatery地址:
  赤鱲角順暉路33號港珠澳大橋香港口岸旅檢大樓地下316號舖
  Tsui Wah Eatery, Shop316, G/ F, Passenger Clearance Building, Hong Kong- Zhuhai- Macao Bridge Hong Kong Port,33 Shun Fai Road, Chek Lap Kok
• 翠華Eatery電話: 28915586
• 翠華Eatery價錢: $51-100
• 分類: 港式, 快餐店, 茶餐廳, 冰室
• 座位: 未知
• 付款: Visa,Master,AlipayHK,支付寶,現金,八達通,銀聯,Apple,Pay,微信支付
• FB專頁: 翠華Eatery Facebook

更多翠華Eatery相關資料:

• 翠華Eatery分店
• Youtube
• Facebook
• Twitter
• Google