泰潮 赤鱲角

泰潮 評價 相片

於8月27日去完宮古島旅行回港，回到香港已經下午2點半，好想食返自己鍾意嘅食物，一行5人，打算於機場內食完午餐才回家，見到原來香港機場都有 泰潮 米芝蓮推介過，當然唔好錯過啦，而且哩個時間無乜人，好多位，就決定走入去品嚐海南雞飯 豬手等美食，坐入座位等了又等，最後等了45分鐘，為什麼還未到餐?詢問之下才回覆沒有下單給廚房，這裡的員工真係好犀利，咁嘅服務，就算幾好食都無用啦！因為太攰，最後大家都決定唔再等，離開了食店，最可惜是因為員工的失誤，令我哋無法品嚐美食！

帶父母去機場睇展覽，早去到就醫下肚先，就揀左呢間泰國菜。

初初見佢menu好似好多野揀，點知行到去收銀樣樣都無😅父母就揀左湯粉，我自己揀咖哩飯。

因為睇落有三色咖哩又好似幾抵。

等左一陣就有得拎嗯？圖片只供參考？😂得返一色咖哩，我自己就無乜所謂既畢竟黎得機場附近都唔期望有好高質既野食，但多少有被誤導到。

講返味道，咖哩就唔特別，但有d surprise佢比好多牛筋，牛筋多過腩。

而牛腩我覺得唔錯，肥瘦比例岩岩好，又炆得夠淋唔洗點咬，牛腩質素係有驚喜既。

至於蝦餅，我就覺得一般，無醬點都幾dry，或者我應該問下會唔會有泰式醬😅總括而言，質素唔算好高，但填飽肚都ok既。

👉🏻菠蘿海鮮炒飯🍍🦐💲60都幾多海鮮 有三隻蝦一舊青口 不過冇咩菠蘿😕好多提子乾、腰果同肉鬆 好似好足料但食落硬係冇咩味🤔〰️〰️〰️〰️〰️〰️〰️〰️〰️〰️👉🏻泰式雞肉炒飯🐔💲54泰式個位係邊💩根本就係雞肉炒飯 好少雞又冇咩料 冇色水又冇咩味🌚個飯炒到好油〰️〰️〰️〰️〰️〰️〰️〰️〰️〰️仲叫過pad thai💲62不過冇影相 但都係唔夠香冇咩味 啲粉痴到一patpat都唔知點食🌚食咗三次叫三道唔同嘅菜都唔好食🌚九龍城求其一間都好食啲 分分鐘仲平啲🤡呢間仲要係米芝蓮架 失望到爆 宜家啲米芝蓮係咪好易拎其實 食過好多米芝蓮嘅食肆都唔好食

到亞洲國際博覽館欣賞喜歡的韓國天團演出，心情固然興奮，肚子亦都餓起來。

亞博選擇寥寥可數，不外乎連鎖式三文治店、炸雞店及咖啡店甚或至飯糰店。

友人喜歡吃濃味食物，所以便提議來此。

價格物超不所值是意料中事！味道雖則不過不失，但試一次便足夠。

泰式滷水豬脾飯 滷水汁味道偏鹹，豬脾肉質真心嫩滑，皮亦十分彈牙同時又可補充骨膠原。

不過食物不熱，僅是微暖。

凍菊花蜜{隨餐附送} 冰粒很大顆，已佔了整個杯的七成比率。

菊花蜜甜得很，彷如飲糖水般。

渴了數啖便宣告放棄～

泰式去骨海南雞飯，驟眼望落去以為又比雞翼我，好采係一隻雞中翼配半隻上髀啫。

深黃色去骨雞賣相吸引，擺放整齊有調理。

食味非常肥美滑溜而且彈彈有咬口，雞味鮮甜。

奇怪地雞皮比一般雞為厚，雞油澎湃豐富，好采無肥膏啫！沾上大量泰式酸汁就更別醒神可口啦，忘我地嚼嚼嚼，慢慢享受。

因為上次黃薑飯半生熟索索聲到依家都猶有餘悸，顫顫驚驚的再試試。

第 1 眼既外觀幾靚噃，大膽地試一口！油味黃薑飯濕左少少，但味道唔錯。

泰國酸汁加嫩雞搭上飯糕，夢幻組合！即時好味百倍，味道唔錯，食得過。

醃青瓜粒，酸味微弱，脆卜卜青瓜味清爽帶辣。

整個套餐滿意，$108 又加左價喇！文化差異，排隊買飛啫，洗唔洗鬼殺咁嘈、左推右湧呀！怕無得食咩！途人側目、收銀姐姐黑面、侍應泰國哥哥火起：等一下！等一下！真係要企遠少少。

泰潮餐單提供泰國菜, 小食店, Food, Court, 無翅餐廳等推介美食位於赤鱲角區，餐廳座位數未知人均消費約$51-100，結賬可以用現金，Booking訂位可以電話致電 24469999 查詢。

您對於赤鱲角餐廳「泰潮」有何 comment？

泰潮餐廳詳細資料：

• 泰潮地址:
  赤鱲角亞洲國際博覽館地下05號舖
  Thai Chiu, Unit05, G/ F, Asia World Expo, Chek Lap Kok
• 泰潮電話: 24469999
• 泰潮價錢: $51-100
• 分類: 泰國菜, 小食店, Food, Court, 無翅餐廳
• 座位: 未知
• 付款: 現金
• FB專頁: 泰潮 Facebook

更多泰潮相關資料:

• 泰潮分店
• Youtube
• Facebook
• Twitter
• Google