阿叔小廚 觀塘
地址: 觀塘瑞和街市政大廈4樓C19舖
最後更新:
阿叔小廚推介
尋晚踢完波, 一行3人去o左觀塘瑞和街街市樓上大排檔. 由於其中一個食過知訂, 預先打去留定有冷氣o既檯. 上到去環境一般, 咁街市係咁上下啦. 好在留o左冷氣位(即係有d 部份用透明膠膜圍封), 如果唔係呢d 天時坐外面d 無冷氣位都幾甘…..點菜方面交晒比隻識途老馬發辦. 由於我o地3個都鐘意食辣, 佢就嗌o左兩樣辣o既: 口水雞同痲辣牛尾煲. 另外嗌o左一個唔辣o既狗仔豬手. 當然唔少得大量啤酒啦 !!先o黎o既係口水雞. 食落無睇落咁辣, 味道唔錯但雞就唔算太滑, 整體o黎講都算ok好食. 第二味上o既係痲辣牛尾煲. 呢味就不得了囉!!! 痲辣係我o既至愛, 而佢亦煮得非常出色!!! 夠辣之餘又唔會蓋o左牛尾o既香味! 但最好食唔係d牛尾, 而係煲入面d 枝竹, 索晒d 辣汁, 超正!!!最後一味係狗仔豬手, 可選擇河粉或小唐菜餞底, 我o地揀o左小唐菜. 雖然呢個係唯一唔辣o既菜式, 但味道一d 都唔比前兩味遜色. 豬手好腍好入味, 成味菜o既精髓係個汁, 我唔識形容佢o既味道, 總之香味, 鹹味, 濃度都好出色, 亦同d 豬手好夾. 真係唔識講但really very good!!! 下次會試用河粉餞底.3人3味加10幾支大啤都係$410, 每人唔使$140, 抵到爛!
觀塘阿叔小廚
| 餐廳分店 | 阿叔小廚 |
|---|---|
| 地區 | 觀塘 |
| 電話訂位 | 沒有電話提供 |
| 餐單 Menu | 港式, 中菜館 |
| 人氣指數 | 929 |
| 價錢幾錢 | $50以下 |
阿叔小廚訂位位於觀塘區，詳細地址是觀塘瑞和街市政大廈4樓C19舖，餐廳寬敞座位數目共有未知幾多個。阿叔小廚幾錢？價錢優惠後人均消費大約$50以下埋單，早餐午餐晚餐阿叔小廚餐單包括有港式, 中菜館等美食，付款方式有現金付款。
阿叔小廚優惠
阿叔小廚 評價 相片
尋晚踢完波, 一行3人去o左觀塘瑞和街街市樓上大排檔. 由於其中一個食過知訂, 預先打去留定有冷氣o既檯. 上到去環境一般, 咁街市係咁上下啦. 好在留o左冷氣位(即係有d 部份用透明膠膜圍封), 如果唔係呢d 天時坐外面d 無冷氣位都幾甘…..點菜方面交晒比隻識途老馬發辦. 由於我o地3個都鐘意食辣, 佢就嗌o左兩樣辣o既: 口水雞同痲辣牛尾煲. 另外嗌o左一個唔辣o既狗仔豬手. 當然唔少得大量啤酒啦 !!先o黎o既係口水雞. 食落無睇落咁辣, 味道唔錯但雞就唔算太滑, 整體o黎講都算ok好食. 第二味上o既係痲辣牛尾煲. 呢味就不得了囉!!! 痲辣係我o既至愛, 而佢亦煮得非常出色!!! 夠辣之餘又唔會蓋o左牛尾o既香味! 但最好食唔係d牛尾, 而係煲入面d 枝竹, 索晒d 辣汁, 超正!!!最後一味係狗仔豬手, 可選擇河粉或小唐菜餞底, 我o地揀o左小唐菜. 雖然呢個係唯一唔辣o既菜式, 但味道一d 都唔比前兩味遜色. 豬手好腍好入味, 成味菜o既精髓係個汁, 我唔識形容佢o既味道, 總之香味, 鹹味, 濃度都好出色, 亦同d 豬手好夾. 真係唔識講但really very good!!! 下次會試用河粉餞底.3人3味加10幾支大啤都係$410, 每人唔使$140, 抵到爛!
在香港多個熟食中心當中，個人覺得大埔街市最多選擇，北角渣華道街市的東寶小館，是一個神話，十多年來人氣不減。
現在好些地方用冰凍的碗裝啤酒，這種風氣由東寶傳出去。
還有其菜式也是眾小炒店之參考對象。
更甚者，亦有在東寶出身的廚師，自立門戶開起店來。
其中一間，就在觀塘瑞和街熟食中心內的"阿叔小廚"。
幾位有心的舊同事，在此為小弟慶祝生日，幾年前共事只不過很短時間，反而大家各散東西之後，感情更勝從前。
其實，早幾個月之前看過JAMEL之食評，曾經想過在此安排兩圍窮鬼局，是夜所見的環境，並非預期中理想，只得數檯地方，似乎有點點難度。
店主留了一把長孿頭髮，笑起上來還有點像某位日本AV殿堂級男優，他在東寶小館出身，現今做起老闆來，當然帶來一些帶點東寶風格的味道過來。
本來想來一碟炸榴槤，但季節未到，緣慳一面。
狗仔鴨是東寶名菜，阿叔小廚有一味狗仔豬手。
是沿用順德人烹調狗肉的方法，來處理豬手。
我個人當然極之反對吃狗肉，但用到煮狗肉方式來煮豬手，就非常之歡迎。
帶有濃香的南乳醬汁，將豬手做得入味，豬皮爽而有彈性，膠質亦豐富。
如果學東寶的狗仔鴨，用河粉置底，將醬汁完全吸收，更不用浪費這個濃香的醬汁。
香口菜式自然不能缺少，椒鹽雞軟骨酥化爽脆。
另外的椒鹽鮮魷，外層略厚了一點，吃落還香脆彈牙。
避風塘三寶的賣相夠霸氣，以避風塘炒蟹形式，來處理煎釀三如寶茄子，紅椒，青椒，茄子外脆內軟，紅青椒夠爽口，整碟滿佈金蒜，辣得令人噴火。
在這個時候，當然喝一口冰凍啤酒，才是正經事，是夜我們喝比較淡口味的森堡，貪其易入口，席上並非每個人也有好酒量。
還有油鹽水雞腳，同樣佐酒一流。
沒有肥美的聖子王，只有普通的聖子，以油鹽水來處理，突出聖子的鮮甜味。
此聖子的肉質當然不及肥美，但還是爽甜鮮美，油鹽水則不過不失。
豉油皇炒麵鑊氣夠，但不夠乾身，早年東寶的豉油皇炒麵，高水準到近乎打遍天下無敵手，想起已有三年沒到過，今天的豉油皇炒麵，還好嗎？阿叔的荷葉飯也不賴，並非將飯炒埋一碟，放在荷葉上便算。
這個荷葉飯做得乾身，粒粒分明不糊口，更帶有一點荷香，未必及得上師傅的鴨汁荷葉飯，但已經比大多地方做得更好。
菜式水準平均，價錢亦比東寶便宜，但人氣不算太旺，整夜還有很多檯丟空，反過來場內另一檔，食客甚多。
這一點，我有點替阿叔擔心。
這段時間，不知是否食大排檔式野食上隱，經常尋找炒餸食菜的地方，今次就來到自己住但又不經常在此食飯的區域搵食，正正是觀塘瑞和街街市熟食市場，雖然位處偏僻，不過都有好多客人幫襯。
上到熟食市場，環境比想像中差，但又不是唔乾淨，只是地方比較舊，因為這個街市並沒有裝修過，仍然是以前那麼殘舊。
LIFT門口那檔已坐滿客人，可是今次並不是去那間，而是需要再行入去的阿叔小廚。
阿叔小廚並不是歷史悠久的，所以好多人都未必識。
但主廚是曾經在北角東寶做廚的，所以味道一定番咁上下。
這裡有幾款招牌菜式，都是以前東寶的拿手好戲，再加上這裡的大廚另外創作的菜式，味道當然好，成為了另一間隱世食店。
其實我都只是看見雜誌介紹，突然慕名去試的。
這裡熱賣的菜式是狗仔豬手，煮法是以煮狗肉的方式去烹調，以南乳去炆豬手，味道濃香吸引，而豬手亦因炆煮良久，肉質鬆軟，稔滑可口，並且可以選擇菜底或河粉底，蔬菜索滿了南乳汁，更加好味，這味餸實在是一道送酒佳品。
另一必食推介，除了講必食之外，就是必食。
不要以為這味避風塘三寶只是好普通既煎釀三寶及舖滿炸蒜，可是一吃驚為天人，無論紅椒、青辣椒及茄子皆非常鬆化，炸的脆漿很薄，絕對食唔到漿糊皮的感覺，而且紅辣椒唔辣但帶椒香，青辣椒沒有去核，令本身青辣椒的辣味出哂黎，實在食得過隱，茄子則大件夾抵食，每一件都有非常出色的水準，而不能錯過的是那些炸蒜，是新鮮炸起的，顏色金黃，味道完全沒有油溢味，而且脆口惹味，剩以炸蒜也可送飯。
而醉鴿則有別於坊間的醉鴿，坊間是以花雕或紹興酒作底酒去浸製，可是這裡的出品欲非常芳香，原因是加入了玫瑰露酒，比坊間浸製出的醉鴿香上百倍。
雖然乳鴿體型細小，但都不失肉地，只是肉地稍鞋口。
夏天進食一定是好時候，因為全隻醉鴿皆是冷製。
如果好辣者，有一味推介之作麻辣牛尾煲，當一放入口，辣味即時湧出，隨之而來的是麻的感覺，全身有如火燒，真有正宗麻辣的感覺。
每舊牛尾都充分索滿了辣汁的精華，雖然辣，但亦嚐到鮮甜既牛味及鮮味。
但要數最能吸收精華所在的是白蘿蔔，每塊都煮得入味，而且無渣，吃得大呼過隱。
奉勸食唔到辣的朋友，千萬不要嘗試，只會落得辣到胃痛的下場。
蔬菜當然不能缺少，叫了啫啫芥蘭煲，芥蘭爽脆鮮甜，醬汁濃香惹味，再加上煲仔之效果，香味四溢，份量亦相當之大。
這間食店價錢實惠，每人八九十元，已吃得相當飽肚，值得一再光顧。
更多資料：http://hk.myblog.yahoo.com/zyskc/article?mid=1694
無影相AR,,,男友睇MAGAZINE介紹,就去了,因為我地食的時間早,無咩人又5使等位!!!!2個人都細食,就嗌左招牌]>河粉底,河粉超夠獲氣,正...豬手又夠入味,又夠林,推介....叧外就係黃金軟壳蟹,好甘香,一上台已經比佢嘅香味吸引,炸得都好乾,唔覺油....下次再試!!!!!!!!PS:老板娘好NICE...主動介紹招牌菜,又5 HARD SELL~
聽朋友講官塘街市4樓有間新野開左,於是星期六,一行四人前往,上到去行到中間位置先搵到,哇!好多野食係九龍區都冇,我地首先叫左" 醉鴿", 好香而且好入味,之後又叫左 "狗仔鴨",好特別未食過,再叫 "避風塘三寶〞〝麻辣牛尾煲〞,好正,最後再叫左一樣正野......就係〝炸溜漣〞,外脆內暖十分好味。
佢仲有好多好味野不過已經好飽,唯有下次再黎。
阿叔小廚餐單提供港式, 中菜館等推介美食位於觀塘區，餐廳座位數未知人均消費約$50以下，結賬可以用現金。
您對於觀塘餐廳「阿叔小廚」有何 comment？
阿叔小廚餐廳詳細資料：
- 阿叔小廚地址: 觀塘瑞和街市政大廈4樓C19舖 阿叔小廚, Shop C19,4/ F, Shui Wo Street Municipal Services Building, Kwun Tong
- 阿叔小廚電話:
- 阿叔小廚價錢: $50以下
- 分類: 港式, 中菜館
- 座位: 未知
- 付款: 現金
- FB專頁: 阿叔小廚 Facebook
更多阿叔小廚相關資料:
香港餐廳2026推介9月