鍋心海鮮火鍋 觀塘

鍋心海鮮火鍋 評價 相片

大葱清酒 x 沙嗲湯底可以揀🦀或🦞或🦀🦞 小朋友才做選擇 why not both  仲包五款海鮮 有青口 🦪🦐鮑魚同🦑甘都係268 好抵食🤭每人仲可以揀四樣火鍋配料 除左火鍋必備肥牛  仲有鴨血 鵝腸！仲選了豬梅肉（瘦款）同雞滑當然唔少得吸湯必備嘅響鈴 竹笙 叫左野就去混醬 佢有一個醬料區 蔥怪表示開心 可以自己無限添加🤭 仲有啲開胃前菜拎 等你等野食同煲湯滾嘅時候有野咬下 好細心wor我地仲發現有自由拎嘅出前一丁 粉絲同indomee!! 好少見麵係可以任拎 海鮮就落曬清酒嗰邊湯底 佢有個表教你要滾幾耐🦞先啦  再到鮑魚同🦑 同🦀 之後即刻飲啖湯 鮮甜到不得了😋😋😋當然海鮮都好新鮮 🦀🦞肉質尤其彈牙！食曬啲配料之後兩個湯都好濃 好適合撈 出前一丁 不過真係飽喇 好乖忍一忍口😜 見倒隔離有花膠雞煲 超吸引 先不過好似要早一日預訂 下次試先

等食牛角放題，點知等太耐，個胃開始唔舒服。

於是去了附近一間海鮮火鍋店，雖然唔係任食放題，不過海鮮好新鮮，好生猛😍推介：龍蝦，鮑魚，生蠔，好鮮味😋竹笙，淮山，牛丸都好出色🥰我地加錢另外叫左吊龍和牛小排。

湯底最值得一讚是大蔥酒味，當酒揮發左變得清清地，配海鮮真係一流🥰🥰當晚都好滿座，我地入完下一檯等左足足30分鐘先有得再去。

自助配料區的涼拌土豆絲好出色，等緊上菜期間忍唔住食左3碟🤭下次要帶埋長輩黎試下，會再encore🥰

情人節同太太食呢間海鮮火鍋前一晚訂位 可惜只係淨返 夜晚八點半 呢個time slot我都明白 情人節會比較多人照殺啦 現在佢冇加價已經第二次去呢間每一次去嘅時候都好期待今次亦都冇令我失望去到每人點在一個 238蚊 set包5款時令海鮮2人包8款附加邊爐食物（豬，牛，菜 etc)5款海鮮都非常新鮮 其中最欣賞個 龍蝦超大隻 超甜美不過沙白有小小沙店內嘅員工都好積極一見到啲湯就快煲乾 就會主動上前加湯加曬分如果唔夠飽呀 餐廳內仲有無限嘅 出前一丁， 超力米粉， 印尼撈麵畀你加

落單前已詢問部分寫加錢菜品是否需要加錢，職員表示菜單上所有菜品第一轉落單免費，不需加錢，追加才需要加錢。

到付款時職員又表示第一轉落單也需按菜單上價錢付款，然後買單多左成400蚊，問返就話問經理，問完又話係職員自己都唔清楚

屋企人好鍾意食海鮮 所以生日時特登book咗鍋心海鮮火鍋黎慶祝下 去到嘅時候唔係太多人所以唔洗等位 佢地有三款套餐 我地揀左龍蝦+沙白 ($238) 同蟹+沙白($218)另外再跟5款時令海鮮(鮑魚/蝦/蟶子/貴妃蚌/多寶魚） 同埋每位4款火鍋配料 全部海鮮都幾新鮮 特別啲蝦臨放落鍋度都仲跳緊架 鮑魚又非常彈牙 另外有個QR code，scan完就會睇到每樣海鮮煮幾耐 配合埋計時器就唔會煮過龍啦鴛鴦湯底就叫左四川麻辣同瑤柱蘿蔔豬骨鍋一濃一淡口味 濃味配火鍋配料 淡味就配海鮮 咁就唔會搶左海鮮嘅鮮味火鍋配料方面有幾樣特別推介⭐️自家製白松露餃 ⭐️黑皮雞樅菌 ⭐️自家製手打蝦丸⭐️福建花菜 呢幾款都係出面火鍋店少見嘅款式 一定要試另外出面仲有自助吧 除咗有火鍋醬料仲有任食嘅涼拌小食同幾款麵類整體都幾滿意 唯一麻麻地嘅地方係某幾個店員黑黑地面 經過叫佢地都扮聽唔到😅

鍋心海鮮火鍋餐單提供粵菜, 廣東, 港式, 火鍋等推介美食位於觀塘區，餐廳座位數60人均消費約$101-200，結賬可以用Visa,Master,AlipayHK,支付寶,現金,銀聯,微信支付。

您對於觀塘餐廳「鍋心海鮮火鍋」有何 comment？

鍋心海鮮火鍋餐廳詳細資料：

• 鍋心海鮮火鍋地址:
  觀塘馬蹄徑5號寶峰大廈地下
  鍋心海鮮火鍋, G/ F, Bo Fung Building,5 Horse Shoe Lane, Kwun Tong
• 鍋心海鮮火鍋電話:  
• 鍋心海鮮火鍋價錢: $101-200
• 分類: 粵菜, 廣東, 港式, 火鍋
• 座位: 60
• 付款: Visa,Master,AlipayHK,支付寶,現金,銀聯,微信支付
• FB專頁: 鍋心海鮮火鍋 Facebook

更多鍋心海鮮火鍋相關資料:

• 鍋心海鮮火鍋分店
• Youtube
• Facebook
• Twitter
• Google