辣代 觀塘

辣代 評價 相片

之前食過佢地D花甲粉d辣味勁香今一次店員介紹左個辣蕃茄湯，聽到有D怪怪，但我竟然一試愛上，仲要配埋個米通，估唔要勁夾囉！勁好味！老公吃的雞飯，D雞又滑又入味！個湯仲要係真材實料人情味小店，必再幫襯，讚

去開觀塘做FACIAL，經過東廣場，就順便買埋外賣返屋企。

見到呢間辣代主打花甲粉，又有秘撈蕎麥麵、麻辣手撕雞、跟餐又有小籠包、甜品、雜菜拼盤等等，估唔到仲有湯飯添~超多選擇啊真係！！最後買咗半隻口水雞返屋企加餸～即叫即斬，有誠意，等左五分鐘就拎得！返到屋企打開蓋，聞到好香濃既麻香味，食落雞皮夠爽彈、雞肉都好嫩滑，最鍾意佢既秘製花椒麻香而不苦，香料味層次豐富，麻辣兼備，鹹甜得宜，睇上去好似好多紅油咁，但其實油而不膩～

🔸辣代招牌花甲粉 $46🔸自家製雲吞 +$10🔸腐皮春卷 +$10🔸手撕雞 +$10因為近排打風落雨，lunch就喺公司附近嘅東廣場買外賣食，都好多選擇，依間花甲粉係第一次試。

揀完招牌花甲粉同湯底之後，就好似叫車仔麵咁，加其他想食嘅配菜。

揀咗祕製麻辣湯底少辣，麻度辣度都啱啱好，好惹味。

花甲有成十幾隻，食落鮮甜無沙。

加餸揀咗店家自家製嘅雲吞，皮薄饀靚，大大粒好足料；腐皮春卷都幾好味，有三大條；仲有好滑嘅手撕雞～

近來天氣炎熱，食乜嘢都好似冇乜胃口，早幾日去咦藍田重慶小食食咗涼拌粉皮，食完上癮，咁啱又落開東廣場，見到呢間鋪頭賣招牌花甲粉又可配辣湯，就咁㨂咗呢個。

點知嗌腐皮春卷，又賣哂，證明應該係有啲料到，就叫咗個豬膠，佢叫我落麵底，來來去去又係米線，呢間竟然有米通、就叫佢。

等咗五分鐘，碗嘢就煮好，店員都好有禮貌，特登挽住個手捸俾您拎，多謝晒您！嗱！呢啲就係女店員嘅分別！返到屋企嗱嗱臨食，咦！點解無湯嘅，原來底下仲有一層放湯，咁樣就唔怕米通浸耐咗！米通夠彈牙，師傅控制火喉都真係好有水準，花甲又夠鮮，果然係招牌，豬腸都幾好食，仲有要讚下個湯，正！五十六元呢個價錢絕對物有所值，而且仲係一間小店、應該要支持下！我又有新方向了！

星期六喺觀塘做完Facial，就順便睇吓東廣場有乜好食。

呢度有好多小店，啱晒最鍾意發掘美食嘅我😆。

今日幫襯咗「辣代」，佢應該係新開，上次嚟都唔覺眼。

小店主打麵食類🍜，價錢唔貴，平均五十幾蚊就有交易。

我相信佢主力做平日午市上班族生意，所以週末會有少量食物無得賣。

辣代招牌花甲粉($46)，近年非常流行「貝殼粉」，但呢碗其實有些少唔同，因為有湯底揀同可以加餸👍，而且唔係用錫紙包，所以我覺得似車仔麵多啲。

今日返嘅係沙白蜆，而非花甲，殼身重啲之餘，亦更為鮮味，一碗大約有七至八隻。

其他伴菜仲有辣椒、乾蒜同椰菜等。

湯底要咗麻辣蕃茄湯🍅，血紅色有啲嚇人，不過蕃茄味蓋過辣味，係可接受嘅程度，但辣嘢始終有啲油。

麵底竟然有米通揀，口感煙韌又掛湯🍚。

題外話，餐廳會主動分湯，抵讚。

回味秘撈蕎麥綠茶冷麵($45)，依個天氣食冷麵就最適合不過❄️，佢嘅麵量同餸量都幾多。

手撕雞白𠽌𠽌，肉質唔嚡，本身亦已經醃咗味，相當唔錯🐔；豬耳絲則好爽口，唔太硬。

綠茶蕎麥冷麵加入咗青瓜絲一齊撈以提升口感，但麵質就稍為淋咗啲。

冷麵都有得揀辣度，BB辣啱啱好。

酸薑麻辣皮蛋($22)，酸薑唔多，亦唔會太酸，啱晒我口味。

重點所在係溏心皮蛋嘅蛋黃非常流心😍，好正。

麻辣汁喺底，要記得撈匀食，醬汁配皮蛋更能突顯佢嘅麻香🌶。

總括嚟講，東廣場呢間辣辣麵食店幾有自家特色，鍾意食辣嘅人有福了🌟。

我落單時問店員食物會唔會好辣，佢就話辣先係佢哋賣點嚟㗎嘛，而我呢啲初階人士只能淺嚐，不過同樣過癮！

辣代餐單提供川菜, 四川, 海鮮, 粉麵, 米線等推介美食位於觀塘區，餐廳座位數未知人均消費約$51-100，結賬可以用現金,八達通。

您對於觀塘餐廳「辣代」有何 comment？

辣代餐廳詳細資料：

• 辣代地址:
  觀塘成業街7號東廣場地下51號舖
  Spicy Generation, Shop51, G/ F, E Plaza,7 Shing Yip Street, Kwun Tong
• 辣代電話:  
• 辣代價錢: $51-100
• 分類: 川菜, 四川, 海鮮, 粉麵, 米線
• 座位: 未知
• 付款: 現金,八達通
• FB專頁: 辣代 Facebook

更多辣代相關資料:

• 辣代分店
• Youtube
• Facebook
• Twitter
• Google