純粹食所 觀塘

純粹食所 評價 相片

上次去觀塘工廠大廈發現高質法國餐後，即刻想發掘多啲工廠大廈嘅隱世餐廳🤭 今次比我發現咗呢間日系素食店！間餐廳行日式木系風，採光充足，亦有唔同嘅打卡位，空間感十足！🌿當日上到去已經8成滿座，我哋好好彩被安排坐全場唯一嘅梳化位👏🏻 坐梳化位唔洗擔心張枱太低食嘢會好辛苦，因為佢張枱係可以調節高度，非常之貼心👀餐牌有分唔同時段，大家記得上網睇咗餐牌想食咩先睇返個時間去☺️ 我哋去嗰時係午餐餐牌，有5款選擇🖐🏻 我同友人就揀咗以下兩款❤️ 手作り冰花麻辣餃子定食 $128全素食嘅餃子一共有8件🥟 個餡有豆腐、芽菜、木耳、日本山椒同12種秘製香料😮 豆腐壓碎營造出碎肉嘅口感，再加上其他配菜令口感更加豐富😛 味道微辣香口。

❤️ 西京燒豆腐配胚芽珍珠糙米定食 $138造型激似銀鱈魚西京燒，爭啲比佢個樣呃咗呀！🤩 佢實質係喺豆腐上面鋪塊紫菜再淋啲汁上去，淨係外觀都比100分💯 豆腐口感厚實，豆味濃郁，比起滑嘟嘟嘅豆腐，個人更鍾意呢款👌🏻另外所有定食都會配兩個季節小菜，我哋今次係枝豆同柚子蕃茄💁🏻‍♀️❤️ 岩塩烤支竹脆片 $32我哋仲叫咗個小食，支竹炸到好香脆乾身，好似食薯片咁好快食哂😋❤️ 特濃黑朱古力慕絲 跟餐+$25最後跟餐叫咗兩個 mousse (原價$38)，朱古力味好濃唔太甜😏 佢另外仲有4款甜品，不過我哋去到時咁啱賣哂，唯有下次再試😌❤️ 焦糖榛子朱古力開心果奶 $58 & 宇治抹茶latte $48我哋仲叫咗兩杯飲品，跟餐叫可以減10蚊！餐廳推薦度：⭐️⭐️⭐️✨ (3.5/5)除咗堂食之外，佢哋亦有自家麵包同曲奇賣🍪 另外咁啱嗰日上去仲見到有workshop😼 呢度整體感覺舒服，星期六日想搵個位同朋友坐低chill 吓，呢度係一個唔錯嘅選擇㗎🌱補返Menu先👇🏻

舒服嘅Cafe多的是，但係呢一間新開嘅真係我近期嘅最愛！！我相信佢一定會成為打卡熱點！👍🏻手作冰花麻辣餃子定食賣相好靚，總共有八件，每件餃子嘅餡料份量都好足，有木耳絲、豆腐碎、芽菜、日本山椒、仲有 13種特製嘅香料，咬落去爽口帶微辣，雖然淡口但卻突顯到唔同程度辣味嘅揮發！👍🏻關東煮定食（加配稻庭烏冬）定食有冬菇、長豆卜、炸豆腐、腐皮卷、紅蘿蔔、白蘿蔔、芋絲、海帶結。

從白蘿蔔嘅色水去睇，就會知道有幾入味，每樣食物都索晒汁，帶甜香，碗邊有黃芥末（以前日本發生過關東煮食物中毒，後來就加入黃芥末，透過佢強大嘅殺菌力令大家重新喜歡關東煮。

）稻庭烏冬好滑溜，su一聲就可以暴風吸入，湯頭較淡，可以去自助區拎七味粉！👍🏻焦糖榛子開心果奶開頭以為會好甜，但反而果仁香嘅味道更重，榛子味道帶點焦香，焦糖味唔係好重，略嫌飲品唔夠熱。

👍🏻冷泡楓糖燕麥牛奶咖啡燕麥奶本身就相對健康，呢杯麥味幾重，奶香較淡，但小編好喜歡加上楓糖既個種蜜甜，飲落口好順滑，落口有回甘，咖啡豆味好濃。

👍🏻黑芝麻麻薯月球撻對於麻薯愛不釋手嘅我，梗係要試一試啦！月球表面嘅凹凸都做得非常袖珍，芝麻好香，半融狀態，切起上嚟好滑，麻薯比較黏口唔厚，為甜品加咗份煙韌感。

👍🏻特濃黑朱古力慕絲細細杯，但係好墜重，慕絲口感厚實，有少少似生朱古力嗰種，要放到入口先慢慢溶化。

用70%黑朱古力味好濃，入口微甜，亦帶微澀，兩個人分享一少兜都非常足夠。

👍🏻👍🏻每個定食都會跟兩個小碟前菜，亦都可以優惠價加配飲品同甜品！👍🏻👍🏻環境好舒服好舒服好舒服，又有適量嘅盆栽點綴，連餐廳用既都係再造紙。

上網見到觀塘新開左哩間咁靚既日式食所，忍唔住即刻約朋友過嚟打卡。

✨食所環境超靚，行日式木系風，有唔同既特色座位，有類似和式榻榻米既位置，有窗邊吧枱，亦有舒適沙發位，而且一直播住柔和既音樂，俾人一種輕鬆放空既感覺，哩到既每個角落都勁岩打卡📸️淨係影相都可以影好耐。

食所內仲有唔同既小食同產品可以購買，今次我同朋友就叫左個餃子定食同甜品share。

🍱手作冰花麻辣餃子定食 $128哩個係素食黎既，餃子既餡料有豆腐、芽菜、木耳、日本山椒同13種秘製香料，皮略厚，味道香辣好食，辣勁十足，定食配兩款季節小菜，今日係枝豆同埋蕃茄仔，蕃茄仔比醋浸住，食落甜甜酸酸，正好解辣。

追加$25黑朱古力慕絲🍫慕絲質感柔滑實在，黑朱古力味勁濃郁，放入口好似食緊黑朱古力咁。

🥧宇治抹茶麻薯撻 $58麻薯撻皮鬆化，好似曲奇餅咁，抹茶慕絲軟滑，麻薯夾心煙韌綿軟，食落更有口感。

☕️純粹真·焦糖榛子朱古力開心果奶 熱 $58榛子同開心果味道濃郁，帶有榛子既甘香，整體味道唔會太甜。

🥛純粹真·香蕉朱古力開心果奶 凍 $58（跟餐$48）哩個好適合鍾意香蕉既人士，香蕉同埋朱古力既味道都非常突出，味道香甜。

整體黎講，餐廳環境真係勁靚勁舒服，無論自己一個黎食嘢休息下，定係同朋友嚟傾下計，都非常合適，非常推薦。

🌟溫馨提示🌟餐廳食飯時間人流真係非常多，如果想去或者想坐特別位置既話，記得預早book位。

𝒩𝑒𝓌! 觀塘 • 純粹 | 日式純蔬食手工料理 喫茶店🍵純粹空間最近開放WALKIN堂食! 主打手工日式素食，”EAT CLEAN”概念，奶類飲品分別由豆乳、開心果奶製成。

仲有自家製果醬、曲奇、冰皮月餅、純素產品、碗碟等。

部分產品Keto friendly!!💯空間感大同木系日式設計令人放鬆心情，可以好好享受空間同食物。

屋形座位自成一角，梯間塔塔米記住除鞋 店員非常親切! 一定會再嚟😍➠ 海鹽青瓜薄荷檸檬梳打$58➠ 冷泡珈琲$38呢到只有一款咖啡選擇~Cold brew淡了點~青瓜梳打係微甜的，但我Keto可以走甜😍味道好清新!! 薄荷味同青瓜味都好濃🥒推介!📍純粹觀塘工業中心四期10樓Q室開放星期五、六、日、一WALKIN堂食:✧ 朝食(09:0011:30)✧ 午餐(12:0014:30)✧ 午後食(14:3016:30)✧ 可預訂晚間私房菜: 4位起(19:30入座)其餘日子時間：開放租場／工作坊／活動租用

好喜歡呢間「純粹」，好近地鐵站，但第一次去嘅時候都幾難搵，不過好在遇到一個好心嘅叔叔教我哋喺邊度搭lift🥰搭咗一部好舊式工廠大廈嘅拉鐵閘電梯，由一個好舊式嘅環境踏入「純粹」，真係好似去到另外一個完全唔同嘅空間，簡樸日式木系風，非常舒服，空間感好大，好寧靜嘅感覺，佢係一間純素食所，只開星期五至星期一，去嘅朋友記住睇清時間，唔好摸門釘，另外，真係要讚吓佢哋嘅服務態度非常好，每一樣嘢都會好清楚解釋比你聽食物係啲乜，有乜特別，令你食到落口除咗覺得好食之外，亦都會覺得好健康😍有機楓糖可可藜麥燕麥窩夫$108 （轉冷泡咖啡 +$28） 用上藜麥燕麥，外面脆，入面唔會好似平時食嘅咁諗，但好有質感亦好香，配上有機楓糖，健康又好食👍🏻1. 宇治抹茶芝士蛋糕 $62 好有抹茶味，但一啲都唔似平時食芝士蛋糕會覺得好heavy嘅感覺。

2. 冷泡玫瑰炭燒烏龍茶 $$38 淡淡的烏龍茶香又有少少玫瑰花香，好清新嘅感覺3. 檸檬咖啡冰梳打$58 佢係檸檬梳打，加上咖啡冰粒，清新口味4. 純粹真、70%黑朱古力有機豆乳 $59 因為係用70%黑朱古力，所以一啲都唔太甜5. 冷泡咖啡 佢係用偏nutty 嘅豆，好啱我口味總括嚟講，佢嘅定價唔係平，但係食物好健康好有質素，而且環境真係好，係好值得一去再去嘅地方👍🏻

純粹食所餐單提供日本菜, 西式, 素食, 甜品, 糖水, All, Day, Breakfast, 日式西餐, 私房菜, 樓上cafe, 網店, 食品分銷等推介美食位於觀塘區，餐廳座位數30人均消費約$51-100，結賬可以用現金,payme，Booking訂位可以電話致電 65121088 查詢。

您對於觀塘餐廳「純粹食所」有何 comment？

純粹食所餐廳詳細資料：

• 純粹食所地址:
  觀塘觀塘道436-446號觀塘工業中心四期10樓Q號舖
  that's it., Shop Q,10/ F, Block4, Kwun Tong Industrial Centre,436-446 Kwun Tong Road, Kwun Tong
• 純粹食所電話: 65121088
• 純粹食所價錢: $51-100
• 分類: 日本菜, 西式, 素食, 甜品, 糖水, All, Day, Breakfast, 日式西餐, 私房菜, 樓上cafe, 網店, 食品分銷
• 座位: 30
• 付款: 現金,payme
• FB專頁: 純粹食所 Facebook

更多純粹食所相關資料:

• 純粹食所分店
• Youtube
• Facebook
• Twitter
• Google