淥鼎記 觀塘
地址: 觀塘觀塘道414號壹亞太中心8樓
最後更新:
淥鼎記推介
淥鼎記提供養生火鍋及高質中式私房菜，如花膠鮮雞美人鍋、江南八小碟、海鮮大拼盤、重慶麻辣鮮雞煲、金牌手打丸等，樣樣用料十足。餐廳嚴選最新鮮食材，呈獻優質美味的中式佳餚，用餐更不設時限，讓顧客細味各款美食。
觀塘淥鼎記
| 餐廳分店 | 淥鼎記 |
|---|---|
| 地區 | 觀塘 |
| 電話訂位 | 27555328 |
| 餐單 Menu | 港式, 川菜, 四川, 火鍋, 雞煲 |
| 人氣指數 | 1216 |
| 價錢幾錢 | $201-400 |
淥鼎記訂位位於觀塘區，詳細地址是觀塘觀塘道414號壹亞太中心8樓，餐廳寬敞座位數目共有未知幾多個。淥鼎記幾錢？價錢優惠後人均消費大約$201-400埋單，早餐午餐晚餐淥鼎記餐單包括有港式, 川菜, 四川, 火鍋, 雞煲等美食，付款方式有Visa,Master,AlipayHK,支付寶,現金付款，Booking網上訂位可以電話致電 27555328 查詢訂座。
淥鼎記優惠
淥鼎記 評價 相片
同朋友黎到觀塘食好野,見到係APM行過小小既壹亞太中心8樓有間叫"淥鼎記"既餐廳,有酸菜魚,又有邊爐打,立即打電話去問下有無位再同朋友殺上去開餐!有雞煲,酸菜魚同蟹揀,而蟹煲要早一日訂,好可惜無得試!仲要有刺身,靚牛,海鮮送...真係講都唔信,超抵食!同朋友就揀左酸菜魚試,因為太耐無食過了!火鍋配料都好吸引,選擇又夠哂多!等左一陣,酸菜魚話咁快就到,賣相一流,用料十足,魚又夠多!魚肉新鮮彈口,酸菜醬汁之下仍然食到魚既鮮味,可見餐廳水準之高,因為好多時酸菜魚既魚味又比酸菜醬汁遮住哂!刺身同樣高質,絕對唔係低質貨扮高檔,全部都好新鮮好爽口,我敢話比好多日式放題仲高質!三文魚腩刺身大大舊,同樣新鮮!食完魚同刺身就到火鍋時間,揀左豬骨湯底,用料多,香味濃,高質!仲要有咁高質既牛...同朋友都覺得超級抵食,牛既肥瘦適中,入口有牛味,一D都唔"梅",正呀海鮮又係同樣高質,又鮑魚,貝,蝦,魚,蚌,全部都係新鮮爽口,無腥味怪味火鍋配料特別推介雙滑,墨魚滑同蝦滑都勁足料!食落好有勁!最後仲有甜品送上,為完美既一餐畫上句號!
好中意去觀塘淥鼎記食餐，無論中午餐或晚餐也是喜歡，環境又好又大，坐位又舒服，侍應生又有禮貌。
👍今日選擇御膳十二宮廷式二人晚餐放題，好豐富㗎！ 好適合覺得自己係大胃王呢！😁先來小食前菜先，蒜香青豆角，胡麻醬秋葵，鮑汁雞腳，清清口腔。
再來冷盤時令魚刺身:有三文魚厚切非常肥美， 帶子上面有少許大大粒魚子添，螺片肉好鮮啊！還有虾和池魚。
池魚細細塊廚師好手勢👍好味呀！每件刺身好新鮮，賣相也吸引。
酸菜魚鍋👍👍 酸菜係好多和大豆芽做配菜，魚片係冇骨架，廚師真係好手勢，魚片好滑好鮮味，有少少麻辣味，不食得麻辣味的我都可以接受的，可能魚片係太滑影響喇。
👍花膠鮮雞美人鍋:有三塊花膠，湯味濃沃，未打邊爐先飲返半碗湯先😁正呀👍👍美國雪花牛小排:小牛排細細塊，一淥就熟好正👍最後還有海鮮大拼盤和甜品:海鮮有鮑魚係生勾勾㗎，仲有大大隻蜆呀！好鮮味啊！扇貝，蝦，魚和廣島蠔。
全部都鮮味到不得了。
重有手工丸，叫了兩款味，蝦丸和墨魚丸，好得意大大塊， 而且仲爽口彈牙添。
個肚真係飽到頂住呀，最後食埋兩碗甜品南瓜西米露，圓滿。
✌
疫情暫緩，放工梗係要大擦一餐啦。
之前lunch去淥鼎記食過，一人火鍋set都幾豐富，今次就試吓夜晚嘅任食火鍋。
淥鼎記門面係中國宮廷風格，夠高貴；任食火鍋餐就叫做【御膳火鍋十二宮】，真係夠架勢。
湯底選擇唔算多，但款款靚嘢。
我哋揀咗【花膠美人鍋】。
黃金色嘅鮮美雞湯配花膠，認真養顏啱晒美人。
揀完湯底去攞飲品，除咗一般罐裝飲品仲有竹蔗茅根，清熱降火啱晒。
上火鍋湯底前先食【重慶麻辣雞煲】，打開煲蓋聞到香噴噴，香辣雞肉好惹味，雞煲係任食，唔夠喉可refill。
【季節旬魚之刺身盛合】款款都係高質刺身，鯛魚魚味濃郁、帶子綿滑、三文魚厚切兼肥美、仲有蝦、三文魚籽刺身，真係豐富。
【海鮮大拼盤】款款海鮮都大大隻，最正係鮑魚，淥完都冇縮水，肉質爽彈鮮甜。
兩隻生蠔都係靚嘢，水汪汪冇異味。
【美國Prime穀飼雪花牛小排】堅係頂級，雪花分佈均勻，食落滿口油香。
火鍋配料有超過40款，剔紙仔落單。
【脆香炸魚皮】真係超鬆脆，當小食又得，蘸完雞湯半脆半腍亦好食。
對於我呢啲食肉獸，當然唔少得【美國精選肥牛】同【黑豚豬肉片】啦。
肥牛嫩滑，豬肉片就肉味濃。
海鮮唔係食完拼盤就冇，【韓國生蠔】同【帆立貝】都係任食火鍋料嚟，叫多啲，咪執輸。
最後仲有西瓜西米露做甜品，透心涼，爽呀。
呢度最好就係唔限時，加上座位濶落坐得舒服，真係可以慢慢歎～
我敢講呢個係我食過最豐富最抵食既放題！咩類型放題？係刺身x雞煲x邊爐！冇錯，係一次過食哂3樣野！呢度既御膳十二宮好似個時鐘咁，由一點到十二點都有唔同野食。
首先有錦繡前菜，前菜都有四碟滿滿的，好在係蔬菜，都幾開胃。
之後就有刺生拼盤，有四款魚生，全部都好新鮮，特別中意螺，切左厚片唔靭之餘仲好有口感好爽口，啖啖鮮味。
之後就可以選擇麻辣雞煲/酸菜魚煲，我地揀左雞煲。
好可惜原來我冇影到相！因為實在太香太惹味，雞肉又好嫩，但其實都幾辣！好在有好多飲品選擇，除左汽水仲有自家製竹庶茅根水，清甜解辣一流。
然後就到邊爐部分，有6款湯底可以揀，我地揀左花膠美人湯，係真係有花膠咖。
個雞湯好甜，唔似有味精，就咁都飲左幾碗。
順住個時鐘繼續有海鮮拼盤，隻鮑魚仲識郁咖，用雞湯完全唔會搶左海鮮既鮮味，反而相得益彰。
然後有美國牛小排，睇個樣都知高質，雪花分佈得好好，食落又重牛味。
然後有手工丸，蝦丸墨魚丸豬肉丸全部膠質好重，所以食落好彈牙，都唔會加咗好多調味料，食落成口味精。
最後仲可以自己選擇唔同火鍋配料同埋蔬菜，後面仲有好多調味料仲可以叫埋飯同甜品，我實在太飽都冇食，但咁樣都已經好滿足！
上次去嗰間日本餐廳食刺身，好似有啲唔夠喉⋯⋯又😬想食⋯⋯但係又好想食雞煲同埋打邊爐🍲？多元化🤨好啲嘛⋯⋯而且老婆都鍾意❤轉下種類⋯⋯保持新鮮感⋯⋯帶佢去呢一間就啱晒啦⋯⋯我真係覺得我自己係一個好老公！位於觀塘壹亞太中心8樓淥鼎記近APM隔離行街都好方便😎好多餐廳都有限時食放題😬我就係貪呢度唔限時！可以同老婆慢慢撐枱腳！🎈飲品任飲🎈40款配料任選前菜共有四款口味！刺身盛合有帶子丶牡丹蝦丶螺片🤨仲有季節性嘅池魚⋯⋯刺身鮮甜👍新鮮！麻辣雞煲我哋❤ 嗜辣⋯⋯選咗大辣🌶⋯⋯超刺激！啱啱好！最重要雞煲可以任添食添⋯⋯雞件非常鮮嫩！湯底有六款我哋選擇咗比較清淡的養生野菌鍋🤨😋海鮮大拼盤有蝦丶魚丶貝殼🐚仲有大大隻嘅鮑魚🤓廣島蠔👍全部都新鮮😎手打丸手打丸最啱打邊爐！雪花牛小排牛小排來自美國🇺🇸⋯⋯肉質細緻鮮嫩！香氣四溢⋯⋯因為實在太飽啦⋯⋯我哋只係加咗一份響鈴和炸魚皮！淮山麵🤓🤩呢個大家一定要試吓👍麵質爽口⋯⋯
淥鼎記餐單提供港式, 川菜, 四川, 火鍋, 雞煲等推介美食位於觀塘區，餐廳座位數未知人均消費約$201-400，結賬可以用Visa,Master,AlipayHK,支付寶,現金，Booking訂位可以電話致電 27555328 查詢。
您對於觀塘餐廳「淥鼎記」有何 comment？
淥鼎記餐廳詳細資料：
- 淥鼎記地址: 觀塘觀塘道414號壹亞太中心8樓 Grand Ding House, 8/ F, One Pacific Centre,414 Kwun Tong Road, Kwun Tong
- 淥鼎記電話: 27555328
- 淥鼎記價錢: $201-400
- 分類: 港式, 川菜, 四川, 火鍋, 雞煲
- 座位: 未知
- 付款: Visa,Master,AlipayHK,支付寶,現金
- FB專頁: 淥鼎記 Facebook
更多淥鼎記相關資料:
香港餐廳2026推介9月