板長壽司 觀塘

板長壽司 評價 相片

今日喺APM行街，四周圍餐廳都好多人，不過呢間咁啱唔使排隊，所以立即衝入去，因為好想搵個位坐下食下野，可以坐低就得了食物覺得好普通，雖然佢價錢唔算貴，不過真係好一般，叫咗個三文魚小卷，覺得佢溶溶爛爛咁樣，比起超級市場嗰啲更醜樣，咁樣就唔得啦，一來貴過超級市場，二來佢應該要高級過超級市場先得㗎⋯所以都有些許失望仲叫咗其他壽司，所有都一般般啦，不過不失，不過食咗第一轉都覺得太一般，所以好快就轉場，去食第二間，唔需要喺呢度食咁多，太一般😂

同屋企人想食日本菜嘅午餐行吓行吓見到板長，就走咗入去*幾年前黎過，經驗係十分之負面啲嘢又難食啲服務又差今日一於睇吓佢啲嘢有冇改善*頭先想講入邊啲座位係極其擠迫嘅跟住就講下重點，食物喇*吞拿魚同海膽都唔算太新鮮整體十分之普通*屋企人叫既鰻魚定食舊鰻魚係彈牙既，好詭異既口感但百零蚊有咁多食物選擇就算啦唉*散叫呢三件壽司正常好多起碼算新鮮少少為呢餐普通到不行、性價比極低既餐點勉強扳回一城*啲位已經迫同場隔離台仲要全程開住喇叭睇片整體用餐體驗都幾差下下次上返樓上食其他日本菜會好啲我估

好耐無見到板長壽司嘅分店，今日行行吓偶遇到就入去食啦😂。

一個人食飯嘅好處係好大機會坐bar枱...係呀！我好鍾意對住廚師食飯，因為可以偷師學藝👨‍🍳👩‍🍳。

今日好肚餓，要有飯到肚。

手機點餐，落咗份「炙燒三文魚腩樱花井定食」，附有麵豉湯、前菜。

魚生方面有三文魚腩🐠丁粒、油甘魚🐟丁粒、炙燒三文魚，其他仲有玉子燒、蟹籽、青瓜，鋪得好滿，遮蔽成碗飯。

👍👍魚生好新鮮，三文魚腩油脂豐盈，色澤油潤；油甘魚肉嫩甘香，入口即溶；炙燒三文魚薄身，味道好香。

我就最鍾意佢嘅醋壽司飯，剛剛好嘅酸味😋，剛剛好嘅粘度😋，就連最後一粒飯都要食埋。

麵豉湯都做得有心思，裏面有蘿蔔絲、冬瓜、海苔，清甜可口。

食物質素越嚟越差已經唔講啦。

服務態度差更加唔講啦。

完全零服務仲要收服務費。

食物完全跟照片不一樣。

啲海膽少到好似接牙膏咁擠出嚟！諗住問吓經理係咪正常嘅。

經理完全吾見人影，送個小員工過黎叫佢評評理佢見到個飯之後都尷尬到笑咗之後咪補番個海膽草草了事咯。

唔會再幫襯！ps完全冇掂過個飯就影嘅相 我冇偷偷地食咗㗎

年三十晚晚上回家食團年飯！但時間尚早先食個下午茶！唔想食茶餐廳、所以又嚟呢間！三點幾到無乜人環境感覺幾舒服！店內雖然大把枱！但一個人就坐壽司吧枱！可以一邊食一邊睇到師傅做壽司！叫了個海膽刺身丼！另外叫了些壽司！這海膽刺身丼望住師傅做好直接遞過來，非常方便！海膽、三文魚、吞拿魚、松葉蟹肉、帶子超足料，好豐富海膽好新鮮，食落去好香甜！三文魚肥美程度唔錯！吞拿魚及帶子都好鮮味！松葉蟹肉碎、我覺得味道很好味！壽司飯都唔錯口感煙韌得嚟又彈牙。

微微酸很開胃。

火炙壽司、又係壽司師傅即叫即做！直接在壽司師傅面前遞過嚟！馬上聞到刺身表面微微燒焦味！這種感覺就是要讓你感受到火炙壽司的魅力！估唔到鯖魚完全沒有腥味而且肉質頗滑！三文魚腩經火炙過、魚肉油脂豐富、蠻不錯的！其他壽司水準也不錯！最喜歡的就係帶子壽司！帶子厚肉味道鮮甜...吃完咁多發酵食物！喝碗暖湯也是個不錯的選擇！這碗味噌湯除了夠熱....湯頭裡面也不少蔬菜！

板長壽司餐單提供日本菜, 壽司, 刺身等推介美食位於觀塘區，餐廳座位數未知人均消費約$101-200，結賬可以用Visa,Master,現金,AE,銀聯，Booking訂位可以電話致電 31481184 查詢。

您對於觀塘餐廳「板長壽司」有何 comment？

板長壽司餐廳詳細資料：

• 板長壽司地址:
  觀塘觀塘道418號創紀之城五期(apm)UC層
  Itacho Sushi, U G,apm Millennium City5,418 Kwun Tong Road, Kwun Tong
• 板長壽司電話: 31481184
• 板長壽司價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金,AE,銀聯
• FB專頁: 板長壽司 Facebook

更多板長壽司相關資料:

• 板長壽司分店
• Youtube
• Facebook
• Twitter
• Google