慕茶 觀塘

慕茶 評價 相片

鍾意茶嘅必食！呢間cafe啲食物好多都係用茶做抺茶鮮蝦忌廉意粉我哋轉咗做天使麵，抺茶令天使麵滲透碧綠色醬汁有啲多，不過麵條沁住茶香唔夠飽所以叫咗個小食拼盤，醬料都係用茶做嘅雪糕球可揀唔同味白色係玄米白茶，粉紅色係玫瑰花茶玄米白茶雪糕感覺清雅，有清香feel玫瑰花味雪糕味道芬芳，花香味重

心血來潮事件簿😋（2）係附近的party room玩完之後 聽住附近嘅朋友講依間餐廳唔錯就走左入去試😋依間餐廳的價錢大約都係中等 以夜晚去食為主的價錢都算合理 我地一行人連埋多啦啦本尊總共有六個人（2男4女），叫左依D野食都夠六人份量😌其中一定要推薦嘅一定係芝士焗薯角 鍾意邪惡拉絲嘅多啦啦我就最鍾意食😍仲有我地特登叫左一杯薑茶飲，適逢近排天氣轉涼，杯薑茶又夠味，想止咳同驅寒的朋友就最適合不過啦😉好啦 今集我就介紹到依到 得閒就再同大家介紹下其他好野食啦 多啦😺

今日難得去左觀塘聽talk~唔洗喺中環食貴飯,就喺open rice search 左衣間cafe,上到去無人，不過由於佢一小時候預約嘅人就會來，所以佢本來想拒絕我地，幸好我地應承一小時候交枱就有得食喇～ 一行四人都係因為見到個open rice 勁多人推抺茶意粉，四個人都叫衣樣。

喺嘢食來前，我地可以喺自助水吧沖奶茶咖啡檸水檸茶飲，當然係無限添飲主食來之前，加錢叫左個牛肝菌湯，勁香菇味仲有麵包粒，好好味～😋等候多時抺茶鮮蝦卡邦尼意粉終於來到，好香抺茶味，但是略為甜，由於本人不嚐甜所以感覺麻麻～不過佢上面啲蝦好好食，彈～🦐最後喺fb like 佢page 仲有雪糕送～係焦糖海鹽，雖然好食，但係原本我還有一絲盼望係我喜歡嘅茶味雪糕🍦

一心嚟試下小店，見到環境幾好，雖然食物價錢小店嚟講算貴，一個意粉80幾，乜都唔包，不過當試下，支持下小店見餐廳內唔覺眼有廚房，好奇問下廚房係邊，店員竟然答：放心啦，我地啲食物送過嚟有用蓋遮住架。

我：吓⋯哦講完就走左，我心諗九唔答八好啦，野食嚟，試下個意粉，點知⋯ 只係溫暖嘅，完全唔熱，味道還可以接受，唔差，但唔係好食 同行另一個叫左個蜆肉乜乜意粉 嘩，個蜆肉係冰鮮唔出奇，但仲涼過我個碟，dry dry我好中意食意粉，問佢地拎左支芝士粉，落左幾下，食落口覺得味道怪怪地⋯望一望，支粉個日期😑 問店員，佢地啲態度勁差，呢個係樽嚟架咋，啲粉我地refill 架仲自己兩個店員係收銀位度大大聲講 咁我地真係refill ga 嘛 呢個事實嚟架喎 冇呃佢⋯就一直係我背後講講講左幾分鐘 佢見我唔食，就走埋嚟同我講幫多次，再話如果你擔心，我幫你換過碟我以為佢問我，我過左10幾秒再同佢講唔洗換 佢話已經叫左廚房整其實，友善咁問你廚房係邊，你咪照答囉，完全都冇擔心過食物安全衛生問題第二，好心唔好用呢啲樽refill ，人地一見到個日期，好影響心情，雖然信你，但態度問題同影響左胃口，最後只能說 係啲芝士粉難食，唔係平時食開個種嘅味，唔係pizza hut 個種，呢只係深黃色（或者燈光問題） 食物質素可以接受態度服務不態接受冇encore

中秋節第二日公眾假期，周圍啲cafe一係唔開一係就冇位，偏偏等二日要有presentation，揾唔到地方可以同groupmates傾野做最後衝刺，好彩最後比我地揾到呢間慕茶😆😆間餐廳一入到去好多人，但好彩都仲有位。

雖然環境唔算靚，但係對於一個要趕功課即人黎講，啲間cafe最大優點一定係佢唔趕人走同埋wifi夠快!!!!我地三個人每人叫左一個item就由兩點坐到七點了。

食物方面，我叫左一個甜品，有藍莓芝士蛋糕同埋一個玫瑰花味既雪糕。

呢間cafe雪糕啲味全部都好特別好好食，好似全部都係自家製的。

相對之下，藍莓芝士蛋糕就冇咩特別了。

不過甜品個份量偏細，就咁就58蚊，唔太抵食。

😢

慕茶餐單提供多國菜, 雪糕, 乳酪, 樓上cafe等推介美食位於觀塘區，餐廳座位數32人均消費約$51-100，結賬可以用現金，Booking訂位可以電話致電 62579982 查詢。

您對於觀塘餐廳「慕茶」有何 comment？

慕茶餐廳詳細資料：

• 慕茶地址:
  觀塘開源道55號開聯工業中心A座726室
  Te Momento, Rm726, Blk A, Hoi Luen Industrial Centre,55 Hoi Yuen Road, Kwun Tong
• 慕茶電話: 62579982
• 慕茶價錢: $51-100
• 分類: 多國菜, 雪糕, 乳酪, 樓上cafe
• 座位: 32
• 付款: 現金
• FB專頁: 慕茶 Facebook

更多慕茶相關資料:

• 慕茶分店
• Youtube
• Facebook
• Twitter
• Google