惹味川 觀塘
最後更新:
惹味川推介
只做外賣的川菜店，川菜辛口惹味，推介招牌口水雞米線。
觀塘惹味川
| 餐廳分店 | 惹味川 |
|---|---|
| 地區 | 觀塘 |
| 電話訂位 | 68826804 |
| 餐單 Menu | 粵菜, 廣東, 川菜, 四川, 快餐店 |
| 人氣指數 | 911 |
| 價錢幾錢 | $50以下 |
惹味川訂位位於觀塘區，詳細地址是觀塘駿業街56號中海日升中心1樓C號舖，餐廳寬敞座位數目共有未知幾多個。惹味川幾錢？價錢優惠後人均消費大約$50以下埋單，早餐午餐晚餐惹味川餐單包括有粵菜, 廣東, 川菜, 四川, 快餐店等美食，付款方式有AlipayHK,支付寶,現金付款，Booking網上訂位可以電話致電 68826804 查詢訂座。
惹味川優惠
惹味川 評價 相片
今日叫外賣 分別叫左一個口水雞米線同埋酸菜魚配飯剩係得個白飯好食其他都好失望咩都唔洗講個米線生到脆口 離曬大譜未煮熟就出街 有點兒過份鍾意食脆口野可以幫襯個酸菜魚 仲衰 唔酸 死咸好大味精味 唔推介試個雞勉強可以試下...但一食就知雪雞扒唔惹味 食完流唔到口水....So sad
Home Office一段時間, 好掛住惹味川的雞絲腸粉; 趁住Happy Friday黎個Happy Lunch, 人都醒D; 去到舖頭發現員工和大廚都唔同左, 心諗會唔會中伏呢, 即刻望望個招牌, 依, 一樣喎, 咁都放心左D.咁我繼續落單叫我的雞絲腸粉走辣, 由於店是open kitchen我就見到今次製作的工序與之前的有所不同, 心諗應該唔爭大遠啫.返回公司, 打開飯盒, 嘩….雞絲極小, D腸粉實的的, D醋同麻醬醬汁好似稀釋左水咁; 食落口, 雞絲跟以前無分別, 但個腸粉就好似塑膠咁唔係軟架, 連D醬汁都淡而無味; 所以, 從今之後我想我不會再去了…….失望!
今日行過中海日升中心，紅茶、譚仔附近，見到佢peak hour大排長龍。
唯有睇下附近有咩好食。
係譚仔果層的轉角位，搵到呢間美味川。
本來都鐘意食川菜，口水雞、酸辣粉都係我最愛。
見老闆娘落力推，諗唔到食咩好嘅情況下，決定試一試佢。
落單嘅時候，見到師傅做緊另一張單，佢起勢放飯落個兜度，即時同老闆娘講要少飯，結果係岩岩好食完。
自問自己已經係幾大食，但係都係去到少飯嘅程度。
再講就係個雞。
老實講，一打開個蓋嘅時候，見到唔係紅色、油油地嘅，都覺得幾新奇，竟然有呢種口水雞。
食完至少唔會口渴，雞肉超級嫩滑，好回味！呢個飯都係37蚊埋單，觀塘附近大多都食緊5065蚊，雖然野飲變左紙包飲品，但都依然係抵食之選！一定再翻去食！
惹味川係我喺觀塘返工咁耐，午餐幫襯得最多最多嘅， 因為真係真係冇得輸啊！ 自從發現咗呢間惹味川後， 就好似發現咗寶藏咁， 一來價錢真係好平好平，而家35蚊既午餐真係 買少見少，二來份量仲要好多，三來味道仲要好味，食物質素絕對唔錯，仲有野飲送，真係去邊度可以揾到啊。
你冇睇錯， 亦都唔係相片拉近嘅效果， 而係份量真係好多好多， 35蚊嘅價錢， 分量竟然係一大碟雞，真係一大碟， 每次食都起碼有十幾嚿， 重點係！ 仲要係無骨架！ 好重要所以講多次， 係一大碟冇骨嘅口水雞！而且啲雞肉好嫩滑，真係好好食， 飯量亦都非常充足， 我覺得應該唔止一碗飯， 但我就唔記得咗影， 總之每次食完都係超飽超飽， 好多時仲會食唔曬分畀同事食。
我係一個好鍾意食川菜嘅人， 特別好鍾意食口水雞， 所以發現呢間寶藏之後就不停幫襯， 佢除咗冇骨而且雞肉好食之外， 個口水雞醬汁仲要非常非常入味， 個人覺得都幾夠辣夠麻， 因為喺出面食咗好多貴嘅口水雞 都係又有骨有冇咩肉，而且唔夠麻辣， 美中不足係佢嘅口水雞唔係凍嘅， 我始終覺得口水雞都係要凍食先好食 。
其實除咗口水雞， 佢仲有好多其他款式， 之前同事有試過花膠、酸菜魚、紅燒肉，全部都係好評，都係份量多而且份量好夠， 自從向同事推介咗惹味川後， 大家食得最多嘅就係佢， 可惜而家已經冇係觀塘返工，無得成日食， 但真心真心覺得好值得推介，所以大推比大家。
PS 佢只係做外賣生意， 如果大家驚等太耐可以whatsapp落定單。
佢嘅位置比較隱蔽， 大家上完電梯見到譚仔後， 再向前行會見到間韓式炸雞店， 再轉入去最角落就係佢喇。
PS2 佢會奉送一包紙包飲品， 印像中好似維他奶要另外加錢， 其他菊花茶檸檬茶都唔使加錢，免費送的。
經外賣自取係呢間落左啲野食，佢專做外賣，店面都冇位俾人食野，甘用openrice落外賣自取，呢間最少要落100蚊，少於100蚊就會需要補差額，所以最好同人夾單。
其實佢啲食物算平，叫好幾樣先會過100蚊，幾抵食。
甘我點左兩盒招牌無骨口水雞，一份手拍青瓜同一份酸辣土豆絲。
全部我都雪完一陣再食，反正呢啲涼拌食物都可以凍食既。
先講小食先。
份手拍青瓜唔辣既，汁主要係酸甜味，有浙醋既味道，青瓜好爽口，好岩夏天食。
睇落唔多，其實好夠食。
然後就係果酸辣土豆絲，先要講打開既時候好驚喜，居然成碗滿哂，好足料，仲要甘平，物超所值。
佢係酸辣帶甜，果汁醬似拍青瓜果汁加啲微辣甘。
啲土豆絲以為會淋哂，其實一啲都唔會，好爽脆，夏天食真係岩哂，下次再叫一定會再點土豆絲。
最後到主角招牌無骨口水雞，冇骨呢下幾方便，淡淡肉，雞件都好滑。
先要講下佢果汁偏麻醬味，而且食到有啲孜然既味道，食落同一般口水雞有啲唔同，但辣味就唔算辣，因為我同屋企人都食得辣，大家都嫌唔夠辣。
份量黎講32蚊滿滿一盒雞，拎返去當一碟餸食都夠一家人食，又係抵食之選。
整體黎講，佢係抵食之餘，質素高既，而且因為我中意食辣野，佢係我食過既口水雞入邊都排到中上既。
建議而家夏天，啲野食可以稍為雪下先食，啲涼拌食物會更加好食又醒胃。
至於啲野食就甘食都有啲寡，可以自己搭配米線、烏冬、薯粉等等主食，我既食法係烚完果即食米線，過一過冷河，再拎佢啲汁醬呀加啲土豆絲、青瓜同雞件黎食，簡單整左果涼拌米線黎食，夏天食真係醒胃。
當然都見到餐廳有得點埋飯、米線同河粉，但始終係外賣，如果唔係即食，而係好似我甘樣隔一陣先食，就好怕啲主食冧哂變成漿糊甘，所以寧願自己搭配主食。
惹味川餐單提供粵菜, 廣東, 川菜, 四川, 快餐店等推介美食位於觀塘區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 68826804 查詢。
您對於觀塘餐廳「惹味川」有何 comment？
惹味川餐廳詳細資料：
- 惹味川地址: 觀塘駿業街56號中海日升中心1樓C號舖 Yummy Chuan, Shop C,1/ F, C O S Centre,56 Tsun Yip Street, Kwun Tong
- 惹味川電話: 68826804
- 惹味川價錢: $50以下
- 分類: 粵菜, 廣東, 川菜, 四川, 快餐店
- 座位: 未知
- 付款: AlipayHK,支付寶,現金
- FB專頁: 惹味川 Facebook
更多惹味川相關資料:
香港餐廳2026推介9月