好燒味 觀塘

好燒味 評價 相片

有時我去買個燒味飯呢都會比同事笑，意思係通常得男仔先會食燒味飯。

女仔食就好似比人感覺頹頹地。

但其實我認為女仔食燒味無咩問題。

而呢間燒味店好似就一改人地對燒味普遍嘅印象。

即刻令人覺得食燒味都可以咁精緻，咁女仔嘅。

我通常都係點燒味雙拼飯，燒肉配慢煮叉燒，叉燒呢係厚切，我自己覺得食半肥瘦最好味，口感鬆軟。

份量亦都幾多，每次都食到好飽。

有一次唔係好肚餓，唸唔到食咩，就點咗呢度嘅叉燒包，味道都唔錯，類似肉夾饃嘅包，中間夾住大大塊叉燒。

認真足料。

依加真係唔敢出去食，只可以叫外賣。

呢間好燒味就係我地外賣List其中一個熱門選項。

多數人如果叫呢間外賣都會揀佢地嘅慢煮叉燒飯，我也不外如是。

我覺得佢地嘅叉燒飯都真係味道唔錯，叉燒唔會乾柴，口感軟淋入味。

個盒第一次睇覺得幾靚，有影下相打卡，但食得已經無視個盒。

但都真係靚嘅。

飯嘅份量唔算多，咁就可以食得輕盈啲，唔會食完飯就覺得身體沉重想訓覺。

不過大食嘅就可能會 覺得唔飽。

我有時太肚餓會點六寶飯食，有六個餸，食落都幾飽。

聽聞佢地嘅慢煮叉燒好耐，今日lunch特登去試下呢間。

我就點咗一份肉燥四寶飯，燒味飯都可以唔點燒味汁，配肉燥汁更過癮。

同埋佢唔係好似傳統燒味飯全部多係肉，仲有幾多配菜，例如青瓜，泡菜。

咁就可以解膩。

燒味味道都唔錯。

幫同事買咗黯然銷魂麵。

佢覺得味道唔錯，我都試咗佢嘅叉燒，口感鬆軟，麵都唔錯，係寬麵，撈上蛋汁，更好味。

味道經過改良，食材配搭亦多加入多種新鮮元素，加上包裝精美，啱晒我地呢啲鐘意買飯盒返office食嘅人。

今日lunch行左遠少少食, 因為公司附近既餐廳都食厭哂黎到好燒味門口, 本身對燒味飯無話特別喜好, 不過見佢裝修又幾靚燒味飯餐廳居然用上女生最愛既tiffany blue, 咁特別一定要試啦佢呢度除左燒味飯之外, 仲有肉燥飯、撈麵俾你揀我就揀左肉燥四寶飯食包括有肉燥、燻蹄、溫泉蛋同涼菜隻溫泉蛋煮得啱啱好, 勁靚勁飽滿一篤落去就爆哂美味蛋黃出黎....肉燥煮得好入味, 撈埋溫泉蛋一齊食估唔到又幾夾燻蹄有四片, 每一片厚薄適中, 亦都非常入味同事都話佢地既叉燒、燒肉都好正, 我見d叉燒都肥瘦適中, 下次可以再黎試下

最近轉左工係觀塘區返工，之前一直都係港島區返工，觀塘區真係唔太熟今日Lunch突然心空來潮想食燒味飯...眼望四周既餐廳都唔似會有好食既燒味飯....加上我自己想搵啲餐廳環境好少少既地方食飯搵下搵下就俾我搵到「好燒味」啦呢間餐廳如其話佢係食燒味既專門店，倒不如話佢似一間cafe或者文青餐廳會更加似不過佢又真係貨真價實既燒味餐廳喎佢地既風格用左好多木元素既風格、tiffany blue既用色同埋餐廳logo係一隻黑豬仔真係估佢唔到佢係一間燒味專門店~我開頭都以為自己行錯左佢地既燒味飯係唔止叉燒、油雞、燒肉呢啲配搭仲有羊肩叉燒、撈麵、為健身人仕而設既去皮雞胸/鴨胸飯等等最新奇既仲有素叉燒....又照顧得幾全面喎食素人仕都可以食燒味...下次可以帶埋食素既同事黎試下，因為我對面食客就係食呢個飯，睇個樣又好似幾ok架!我就貪心啲，叫左個六寶飯，價錢係$74呢個六寶飯有咸蛋半隻+燻蹄同四款師傅精選燒味今日既四款燒味有叉燒、燒肉、油雞同埋燒鴨叉燒同油雞肉質鬆軟，叉燒非常入味，仲要件件厚切，勁滿足燒肉皮脆肉嫩，肥瘦適中，唔錯燒鴨肉香多汁，都係驚喜之作呢個六寶飯真係每款食物都咁出色完全滿足到我想食燒味飯既慾望下次試下其他款式先!

好燒味餐單提供粵菜, 廣東, 港式, 燒臘等推介美食位於觀塘區，餐廳座位數未知人均消費約$51-100，結賬可以用現金，Booking訂位可以電話致電 56064002 查詢。

您對於觀塘餐廳「好燒味」有何 comment？

好燒味餐廳詳細資料：

• 好燒味地址:
  觀塘海濱道77號海濱匯2樓11號舖
  Good BBQ, Shop11,2/ F, Quayside,77 Hoi Bun Road, Kwun Tong
• 好燒味電話: 56064002
• 好燒味價錢: $51-100
• 分類: 粵菜, 廣東, 港式, 燒臘
• 座位: 未知
• 付款: 現金
• FB專頁: 好燒味 Facebook

更多好燒味相關資料:

• 好燒味分店
• Youtube
• Facebook
• Twitter
• Google