在家 觀塘

在家 評價 相片

做完嘢，一點九先食得飯，反而過左繁忙嘅食飯時間更好，店鋪只得我同另外兩枱客，座位鬆動唔焗促，一腳踢嘅女工作人員，近廚房張枱坐左位小朋友玩緊手機，應該係佢嘅小朋友，感覺就好似返左屋企食飯咁。

先上附送嘅前菜同湯有驚喜，湯好濃郁嘅龍蝦湯味，入面仲有海帶同豆腐，開開胃，更期待佢個主菜。

凍香茅茶清新解渴。

食完前菜同湯，主菜旋風滑蛋炭雞丼就即上，好快手樣子超靚好吸引，滑蛋唔會話好生，撈飯食一流，揭開滑蛋層，入面好多雞，食到最後一啖飯都有雞可以一齊食，雞扒好滑好味，飯有黑白芝麻鋪面增加口感。

個飯看似細碗，但食落都好飽。

唔收加一，$98可以食到咁豐富嘅午餐，好高汁。

係度食咁耐，都未食過呢間，同事話係幾好，不過就係懶無黎。

除左滑蛋飯，佢都有其他嘢食。

入到黎都幾平靜，呢度嘅人細聲講，個環境都幾日式。

座位比我想象中少，主要係4個角落，幫襯個日唔算多人，所以又唔會話好密。

先黎個湯同小食，好耐無飲麵鼓湯，正！（好掛住日本呀）小食都ok。

同事嘅，由於大家好耐無食日本嘢，特別滋味吧。

同事嘅，賣相唔錯，佢話味道都唔錯。

我嗰個係旋風滑蛋炭雞丼，98元。

上面呢層滑蛋不得了，好靚，味道不錯，又唔會話生。

打開就係炭雞，好香，啖啖肉，不得了！店內會有時令茶，我飲嘅係香茅茶，以為泰式嘢，點知又夾喎，完全係解膩。

原本我係叫牛油果，但店員好好，講牛油果未夠熟，另外點。

對食物嘅質素堅持，我幾時都贊成！

一早係openrice book左台 午飯時間黎食好彩有book 因為都好多附近返工嘅人食 全間滿哂座位方面真係好逼 兩人台得兩張左右 其餘都係大台可能因為想預多人嘅gathering同埋for 夜晚嘅私房菜如果想食丼飯記住午市黎 因為晚市係做私房菜招牌旋風蛋鰻魚丼 $98就咁睇個樣都覺得佢好吸引食落味道真係唔錯 蛋入面仲有好多鰻魚另外個鰻魚汁唔會太咸  quite good!三色丼飯 $98呢個飯真係好麻麻 魚生有極重雪藏味 食唔到魚鮮味 一般般

今日同個好耐無見既朋友食飯，係觀塘區，識食一定係去工廈搵好野食！查人想食日本野，上網search 觀塘 工廈 日本菜，就搵到呢間 在家。

最中意去小店，家庭感好重。

舖頭都唔難搵，apm轉去駿業里兩分鐘就到。

舖頭好細，只有二十個座位左右，裝潢係日本家庭風，有好多酒樽，感覺都好chill。

入到去已經聞到一陣鮮味，呢度主打係食魚生飯既。

飯未到先來一碗暖笠笠既麵豉湯，一飲就知真材實料，應該係用鮮蝦頭做底，係極鮮味同鮮甜，好濃好夠味，但一d都唔唔咸，飲完都無渴。

料方面有羅白、海帶同豆腐。

飲完好滿足！令我更期待個飯。

飯方面，我叫左S3，有一舊加拿大海膽，兩隻蝦，四塊魚生、三文魚籽同玉子燒，料唔算話係最最新鮮（無計本人剛東京回來，築地的壽司實在太好味），但都算係新鮮，唔會有雪味Up味既情況，中上水準。

朋友叫左S6，係蟹膏配海膽，佢果碗就有兩舊海膽、蟹膏同玉子燒，佢話蟹膏要配好多飯食，我自己試過一次係第二度食蟹膏飯，都係比較咸同濃味，我諗都係蟹膏既一貫表現啦！兩碗飯仔細細咁，但食完都好飽，飯係有少少醋撈過，粒粒分明既。

wasabi係正宗生磨果種，所以唔會太攻鼻，豉油都係淡味，唔會搶左食材既鮮味！總括黎講我比4粒星既，價錢少貴但食得出係靚食材！有機會可再戰！

旋風滑蛋炭雞飯 $98一上枱 視覺效果好震撼💓份量好大 外貌亦好靚滑蛋做得好出色 唔太油配埋啲蔥花好好味炭燒雞腿收埋咗喺裏面 本身以為得好少 但其實都有五六舊 雞肉好嫩滑❤️好似食緊平時啲日式串燒咁樣🤤加埋珍珠米一齊食 口感豐富 亦都好飽好滿足😆😆雖然等待時間長少少 因為人手唔多 但係食到咁高質素嘅滑蛋飯好值得！

在家餐單提供日本菜, 海鮮, 壽司, 刺身等推介美食位於觀塘區，餐廳座位數30人均消費約$101-200，結賬可以用AlipayHK,支付寶,現金，Booking訂位可以電話致電 39967685 查詢。

您對於觀塘餐廳「在家」有何 comment？

在家餐廳詳細資料：

• 在家地址:
  觀塘駿業里10號業運工業大廈14G室
  Dining At Home, Room14 G, Yip Win Factory Building,10 Tsun Yiplane, Kwun Tong
• 在家電話: 39967685
• 在家價錢: $101-200
• 分類: 日本菜, 海鮮, 壽司, 刺身
• 座位: 30
• 付款: AlipayHK,支付寶,現金
• FB專頁: 在家 Facebook

更多在家相關資料:

• 在家分店
• Youtube
• Facebook
• Twitter
• Google