喰楽 觀塘

喰楽 評價 相片

🥢觀塘新開親民價錢食關西風高級壽喜燒🥢有無人好似我哋除左鐘意打邊爐之外都一樣咁鐘意食壽喜燒，美味甜甜鹹鹹的醬汁，加上入口即溶的牛肉，想起都流口水，所以一直好想搵間好食的壽喜燒專門店，精細美味的前菜小鉢，仲有專人在面前即席料理，可以享受廚師為你煮出完美的牛肉，最近觀塘隱藏版美食地帶，駱駝漆大廈工廈內，靜靜的開了一間日式壽喜燒的店，一於去試試🥢餐廳裝修環境簡潔感覺燈光柔和，似日式家庭咁舒適，店子雖然是不大為了要保留空間感，店內只設有四張檯，檯與檯之間用上藤做的間隔美觀之外，亦照顧到客人可以有私人空間慢慢食野傾計🥢呢到Set Lunch 最平$108 已經有交易，仲要唔收加一，見到旁邊檯一人一鍋感覺都唔錯，今日放假可以慢慢嘆一於試吓質素高的澳洲同日本和牛B.澳洲M9黑毛和牛 (100g)$298C.日本產A4 和牛（120g) $458附前菜、野菜拼盤、日本雞蛋、米飯、甜品🥢坐低時店員會放底兩杯熱茶，天氣凍冰冰先飲一口暖暖胃，原來是清新蜜桃味茶，已經覺得印象加分，點完餐後會有三式前菜，會因時節而變化，今天提供是炙燒雞卷、醃蘿蔔、仲有小柱刺身，炙燒雞卷仲有熱的感覺，將雞肉燒得香口且帶點油脂香氣，自家醃製的味道爽脆酸甜平衡得好好，而小柱用特別調製過的醬油，啖口更能突出鮮味，估唔到樣子精緻而且非常有心思🥢廚師拿來gas 爐及壽喜燒鍋過來，原來呢個鍋是非常之重的鑄鐵鍋，因為鍋厚導熱均勻，燉肉熬湯，效果都特別好，其後上了兩盤油花很美的牛肉和蔬菜拼盤，師傅雖然很年輕，感覺談吐很斯文有禮，亦細心問客人味道如果或會否過甜可以再調出合適的口味🥢這裡是香港比較少的關西風味的壽喜燒，關西風是由肉開始煮，首先在鍋子上塗上牛脂肪，把牛肉放入壽喜燒加入已預先調好味道的醬油，輕輕一灼再沾上打勻的生雞蛋液來食用，牛肉加上日本蛋的味道香氣濃郁，甜甜的很好吃，配上的白飯很快便掃清光🥢最後的會加入新鮮蔬菜拼盤，個人認為食壽喜燒必須要有春菊菜先叫正宗，雖然呢隻菜未必個個都鐘意食，但吸收了醬汁的味道會更易入口的，另外還有葛絲吸收曬牛肉及蔬菜精華，到最後若果意猶未盡，師傅可以加入美味白飯及雞蛋煮成一鍋美味的雜炊，雖然入口比較甜，但絕對是滿滿牛肉精華的感覺🥢甜品今天是簡單的啫喱，已經很圓滿感覺，整個套餐覺得配合得很好，店員親切有禮，師傅亦很好著重交流，親民價錢可以品嚐到高級壽喜燒的感覺，有興趣的朋友可以預先訂枱試試

最近去左位於觀塘新開既喰樂 @kuuraku_sukiyaki ，呢間主打日式既壽喜燒同定食🍱 去到門口好驚喜哦～完全似日本地道好清雅既小館咁🎏 一入去，簡單的優雅，好靚🎎 日式屏風間隔住每張大枱，間隔出私人空間俾每一枱既客人可以更放心盡情談天，品嚐美食，另外亦有酒櫃放滿了唔同既清酒～睇得出有心思去擺裝飾呢..我地係食lunch set既，每個lunch set都包有三式前菜同甜品~ 我地點左:🍲關東壽喜燒鍋定食配白飯 日本A4和牛Shabu Shabu set with rice Japanese A4 Wagyu碟和牛真係好靚! 壽喜燒鍋裡面已經放有唔同既菜、金菇、豆腐、蔥等等，壽喜燒既湯底其實就是甜豉油🥢另外亦有一碟三式前菜，包括肉丸同豆，仲有一碗生雞蛋俾你可以點蛋液來食呢! 先講講日本A4和牛，紋理好靚，放在鍋裡煮一煮再食，肉質細緻，好嫩，唔駛點醬都食到濃郁既肉味! 再點一點蛋液，增加層次感呢! 呢個真係唔錯!! 最後仲有一杯甜品，其實就係抹茶奶凍🍮，食落好香滑，濃濃既牛奶，賣相其實係就咁白色，所以係食落去先知原來係抹茶味! 好清香! 都係第一次食抹茶奶凍～呢個set真係好正啊..🍱 日式燒肉定食配白飯 日本A4和牛Yakiniku set with rice Japanese A4 Wagyu呢個有驚喜哦!! 唔好睇佢就咁一碟燒和牛咁，食一件，哇入口即溶，超好味! 那陣油花，和肉香，完全不能抗拒🤩 超讚!!! 必須大推!! 然後原來仲有牛舌!! 好香!! 口感唔錯!! 配埋佢既燒汁，送飯食真係停唔到！配菜仲有kimchi🤩 呢款定食又係有一碟三式前菜同一杯抹茶奶凍~ 大滿足..見到隔離枱點左個蒲燒鰻魚定食，好足料咁，堆到好高咁，下次試下先！呢度環境好舒服，位子好寬敞，環境清幽，員工態度都很nice哦! 都會細心講解食物! 不過呢度既位就比較少，當日下午來到都滿座，仲要一枱枱客走完仲繼續有，證明小店口碑好👍🏻 大家來觀塘覓食又多個選擇了

成間餐廳得四張枱 每張都有屏風隔開令每枱客人都有自己嘅私人空間唔想換門釘嘅話 最好早啲打去預約喇🦦🔖 日本A4和牛關東壽喜燒鍋定食無諗過呢個價錢 仲會有咁精緻嘅三款前菜更加無諗過蛋卷上面仲會有黑松露囉😍至於肉方面 有1大塊肉眼 4塊牛肩脊牛肉脂肪分布平均 紋理完全SHOW到幾咁肥美一放入鍋 等大約幾秒就已經瞬間食得! 入口即溶!就好似食緊三秒響鈴咁快😆 初初感覺得幾塊肉 仲擔心會食唔飽點知食埋鍋菜同白飯 就已經飽咗添😂正當想埋單起身走人之際 侍應提我哋仲有甜品未食 OH! 係伯爵茶雪糕! 仲要係日本架!真係食到好滿足 呢個價錢嚟講 值回票價呀🤩

朋友知道喜歡吃壽喜燒，他就最近他公司附近新開了一間專門吃壽喜燒的店，叫我可以去試試！今天剛好要到觀塘拿東西，就趕緊來試試了！關東壽喜燒鍋定食—日本Ａ４和牛（１６８元)這個定食的價錢不錯，以能吃上日本A４和牛來算，真的算是不錯，沒試過日本和牛的也可以以不算太貴的價錢試到！日本A４和牛看到雪花就知道沒有騙人！和牛一共有３片。

和牛在鍋裡燙約１０秒到，再沾上生蛋汁，一口吃下去，完全就是入口即熔的感覺，蛋汁令到和牛更加嫩滑，又有蛋香，再吃一口飯，真的非常過癮！這裡用的也是日本米，有米香，粒粒分明！鍋裡還有很多蔬菜，有生菜，娃娃菜，金針茹，洋蔥和大蔥，都浸滿了湯汁，吃起來特別鮮甜！這裡還很特別的用上了百頁豆腐，不像平常的嫩豆腐，百頁豆腐會吸滿了湯汁，會吃到比較濃的黃豆香，也很不錯！定食包括了三款前菜。

櫻花蝦再燒香的玉子燒，味道很特別又香甜。

醃芽菜加了海蜇，酸酸辣辣的，很開胃。

還有的是牛舌，牛味挺濃的，又彈牙！三款都很不錯！甜品是海鹽雪糕，味道比較清新，帶一點點的鹹味，質感也很幼滑！

人在 觀塘駱駝漆大廈 , 食乜好 ? 當然係去 "喰楽 Kuuraku" 食 Shabu Shabu 最好 ~餐廳的裝修簡潔中帶有和風 , 乾淨企理 ~ "Shabu Shabu set 關東壽喜燒鍋定食" (定食附三色前菜、牛肉、鷄蛋、白飯、甜品) , 有三種牛肉供選擇，日本A5，澳洲 M9，美國產牛 ....我選擇了 日本A5 和牛 $168 : 賣相不俗 , 三色前菜是 雞卷、汁燒帶子、燒玉子 , 各款前菜都頗精緻且美味 ; Sukiyaki 的食材豐富 , 湯頭味道香香甜甜 , 很不錯吃 ; 日本A5 和牛 , 最喜歡它的鮮嫩軟綿 , 入口溶化的口感 ~甜品 : 伯爵茶 雪糕杯 ~本篇完 ~

喰楽餐單提供日本菜, 火鍋等推介美食位於觀塘區，餐廳座位數16人均消費約$201-400，結賬可以用現金，Booking訂位可以電話致電 34279059 查詢。

您對於觀塘餐廳「喰楽」有何 comment？

喰楽餐廳詳細資料：

• 喰楽地址:
  觀塘開源道60-62號駱駝漆大廈3期9樓H號舖
  Kuuraku, Shop H,9/ F, Phase3, Camel Paint Building,60-62 Hoi Yuen Road, Kwun Tong
• 喰楽電話: 34279059
• 喰楽價錢: $201-400
• 分類: 日本菜, 火鍋
• 座位: 16
• 付款: 現金
• FB專頁: 喰楽 Facebook

更多喰楽相關資料:

• 喰楽分店
• Youtube
• Facebook
• Twitter
• Google