Wonderful Restaurant 觀塘

Wonderful Restaurant 評價 相片

相信大家係觀塘返工，嚟呢度餐廳選擇唔多，通常都係買零食入貨。

今次見到有新餐廳，又可以係openrice book定，幾好喎。

食之前會同你confirm多次，會wts 你，服務唔錯。

餐牌上選擇算多種，又未至於難選擇。

西瓜沙律，好靚嘅擺盤，上面好似西瓜啫喱，下層係西瓜，一小口，口感好豐富，似乎啫喱起咗作用，西瓜味出啲。

同事話個湯唔錯，料算多。

Italian sausage spaghetti ，108元，有garlic，第一下小辣，好快就無。

腸仔係辣，但好好食，肉係偏冧身，軟定好啲。

我最欣賞係佢熱碟上，係堅熱，如果意粉掛上多小小汁會更好。

Homemade USA angus beef burger，148元。

同事話唔錯，牛係好食，可惜係蕃薯條無哂，下次試下先。

仲有一點要讚，佢哋係睇到枱客差唔多食哂前菜，先俾指示廚房整食物，係廚師要求，難怪時間咁剛好。

加10元嘅flat white，應該係機沖，味道一般。

加28元嘅花茶，rooibos tea with calendula，同事話飲得舒服。

有高枱低枱，亦可以wts book枱。

這天晚上難得車爸爸收早貼心的他找來一間新餐廳跟我撐檯腳，地點就在觀塘工廠區內的Wonderful Restaurant。

來到餐廳門口和內裏的裝潢完全不像進入了工廠大廈，看得出餐廳挺花心意去經營。

炎炎夏日天來杯冰凍飲品是常識吧！車爸爸選了這枝坊間少見的Capi Blood orange Soda＄18，酸酸香香的而且不會太甜味道不俗耶！而我則選了Rooibos Tea with Calendula＄48，這個金盞花博士茶是Decaf的靚茶，有舒緩濕疹皮膚敏感、改善睡眠舒緩緊張之效，而我則選擇了凍飲喝下完全沒有苦澀味加上金盞花的清香十分舒服。

這兒晚餐只供應三道菜的Tasting Menu＄298/位，我們選好心水食物後侍應便送來麵包盤，這天我們得到的是蒜香多士，口感非常香脆用來配餐湯享用一流！是日餐湯是Mushroom Cream Soup蘑菇忌廉湯，甫上檯那濃郁的菌香撲鼻而來，入口滑溜質感豐厚味道也很香濃找不到可挑剔的理由。

另一客餐湯我們選了Lobster Bisque，龍蝦湯要香而不苦也需要點技巧，這兒的大廚就絕對駕馭到這個龍蝦湯了！Appetizer有兩個選擇我們二人就每款來一客便可全試上了，先品嚐這客精緻的Tuna Tartare！吞拿魚他他吃下嫩口兼鮮味十足，內裡加上香蔥及檸檬汁等材料更能令他他鮮味突顯。

另一份是Softshell Crab Salad，炸至香口不油的軟殼蟹吃下啖啖肉還有蟹羔，配襯香甜芒果莎莎和牛油果醬吃便更加滋味了。

吃至此時餐廳負責人十分客氣送上一份午餐才能品嚐到的前菜西瓜沙律，曾幾何時也在某法國餐廳嚐過黑松露西瓜沙律已經非常喜歡，而這一個版本就更加令我們驚艷了！入口即溶的西瓜慕絲和多汁的新鮮西瓜肉夾雜一片神來之筆的薄荷葉，配上羅勒油的清香完完全全俘虜了我的嘴巴。

吃罷精彩的Appetizer後隨之上檯的是三款Side Dish，當中包括有Mashed Potato、Sautéed French Bean和Sweet Potato Fries各＄48。

香甜的炸番薯條香脆不油膩非常好味道，而法邊豆從來也是我喜歡的菜當然最受落啦！但我更加喜愛這個滑溜又香口的薯蓉，真實的薯仔味道絕非一般開粉的貨色能媲美呢！終於來到我滿期待的Main Course環節！我選上了Sous Vide Pork Rack配上烤新薯和泰國蘆筍，這菜標榜用無添加激素的豬鞍架令我吃得更加安心了。

大廚用了慢煮方式烹調這件厚身到一個點的豬鞍架，切開後那粉嫩色澤和肉汁已經非常誘人，沒多餘的調味吃下更是肉香四射兼沒半點肉臊味確是妙。

大家別錯過跟上自家烹調的紅酒汁和黑椒汁，前者濃香甜美味後者則香辣惹味好吸引！車爸爸這個牛魔王見到這一客Black Angus Ribeye 12oz(另加$100)又怎會不心動呢！12安士那麼大件的安格斯肉眼扒，車爸爸一個人完完全全的K.O.了它沒吃力！大家可想而知他有多滿意這件牛扒吧！而我就最喜歡伴碟香甜到不行的烤蒜頭和爆汁串茄，少少配菜便盡顯餐廳和大廚的心思。

這間餐廳實在是性價比超高，而招呼和食物質素也令我們很享受，我還想再上去試埋他們的午餐呢！

今日落大雨諗住喺附近搵間餐廳食個LUNCH, 誤打誤撞見到呢到開咗間新餐廳, 當然要去試食下, 呢到六月頭新開張, 所以上到去都好新既裝修, 1:20左右去到唔駛等位, 但都坐滿8成人, 環境都好舒服, 冇壓迫感, 亦冇油煙味, 成間餐廳座位都唔算多, 大概可以坐到20人左右價錢方面都算中上價, 仲要加一服務, 最貴係漢堡要$148, 飲品凍熱都要加$10, 梳打加$15, 花茶就加$28, 今次叫咗一款意粉一款雞試下意式臘肉意大利麵 味道有少少辣, 臘腸份量都好多, 一啲都唔慳成條臘腸上碟, 味道唔硬感覺似潤腸類香煎雞胸配烤薯,露筍配黑椒汁 份量都算多, 雞胸肉幾好味, 唔會鞋口, 煮得剛剛好, 感覺件雞胸肉有調味過先煎, 好入味, 露筍揀咗呢款幼嫩既, 煮熟後唔會好老, 都爽口餐湯 忌廉磨菇湯, 幾好飲跟餐沙律 感覺好特別, 賣相睇得出有構思過, 上層係啫喱下層係西瓜, 綠色既汁係薄荷味, 黑色圓點係醋嚟檸檬梳打水 就咁睇好似同水冇分別, 但飲落係酸酸梳打嚟, 其實佢攞上枱時係玻璃樽既梳打水, 即係倒落杯之後攞走個樽, 所以我影唔到個樽, 話晒都加咗$15, 我覺得有啲唔值, 我見梳打水有柚子味, 橙味同檸檬味, 我估橙味應該係橙色, 影出嚟應該好睇啲, 我見議下可以加片檸檬落去, 另外果兩款就加橙片, 柚子片咁, 起碼賣相都吸引啲拿鐵瑪奇朵 味道還可以, 面層係泡, 飲到中段已變回齋啡既色總結 : 有機會會再去試埋飯同漢堡, 見到漢堡都好吸引, 而且薯條係蕃薯薯條嚟, 唔係間間餐廳都會整, 期待下次去時會有所改進或突破, 我問過餐廳呢到一個月先轉一次餐牌, 而7月將會係19號轉餐牌

租工廈做餐廳係觀塘好common, 但唔少工廈餐廳嘅環境都裝修得好靚, 起碼燈光, 佈置都係有心思嘅先呢間餐廳談唔上有裝修, 充其量只係將一個工廈貨倉執乾淨就變左餐廳, 唔係有幅水泥牆就叫簡潔風架嘛......食物嘅味道係可以嘅, 但正面嘅評價真係得咁多, 份量可以話係極孤寒, 食物選擇種類都唔多飲品嘅味道相當普通, 即使係要加錢嘅都係......有時餐廳食水深真係唔介意, 坐得舒服環境靚可以打卡大家就唔介意貴一啲, 但環境普通, 食物成本又低, 掃QR code落單仲敢收人加一, 觀塘區大概有一大堆工廈餐廳嘅質素係比佢地嘅好......

今日happy Friday同同事出去嘆返個lunch先毅力工業中心最近新開咗間西餐廳經過見到即時有位就決定食依間了餐廳大約有20個座位午餐12:0016:00餐廳時不時會更新menu點主食會送餐湯/沙律🥗沙律：蕃茄配酸啫喱酸啫喱好特別呀咬落去有酸味再咬啖蕃茄感覺好新鮮如果沙律菜多返少少份量就好啦🍝野菌蘑菇意大利粉 $108 另收+1服務費意大利粉炒得好乾身野菌蘑菇份量都足夠炒得好香📍Wonderful Restaurant 🔍觀塘觀塘道396號毅力工業中心2樓F號舖

Wonderful Restaurant餐單提供西式等推介美食位於觀塘區，餐廳座位數未知人均消費約$101-200，結賬可以用Visa,Master,AlipayHK,現金,Apple,Pay,Google,Pay，Booking訂位可以電話致電 94698880 查詢。

您對於觀塘餐廳「Wonderful Restaurant」有何 comment？

Wonderful Restaurant餐廳詳細資料：

• Wonderful Restaurant地址:
  觀塘觀塘道396號毅力工業中心2樓F號舖
  Wonderful Restaurant, Shop F,2/ F, Everest Industrial Centre,396 Kwun Tong Road, Kwun Tong
• Wonderful Restaurant電話: 94698880
• Wonderful Restaurant價錢: $101-200
• 分類: 西式
• 座位: 未知
• 付款: Visa,Master,AlipayHK,現金,Apple,Pay,Google,Pay
• FB專頁: Wonderful Restaurant Facebook

更多Wonderful Restaurant相關資料:

• Wonderful Restaurant分店
• Youtube
• Facebook
• Twitter
• Google