Give Me 5 觀塘
地址: 觀塘鴻圖道90號5樓
最後更新:
Give Me 5推介
餐廳位於觀塘工廈內，環境寬敞，適合多人聚餐。以西式菜餚為主。設有2小時任食海鮮，提供燒鮑魚、燒蠔等。
觀塘Give Me 5
| 餐廳分店 | Give Me 5 |
|---|---|
| 地區 | 觀塘 |
| 電話訂位 | 21140343 |
| 餐單 Menu | 西式, 海鮮, 自助餐, 酒吧 |
| 人氣指數 | 1557 |
| 價錢幾錢 | $101-200 |
Give Me 5訂位位於觀塘區，詳細地址是觀塘鴻圖道90號5樓，餐廳寬敞座位數目共有未知幾多個。Give Me 5幾錢？價錢優惠後人均消費大約$101-200埋單，早餐午餐晚餐Give Me 5餐單包括有西式, 海鮮, 自助餐, 酒吧等美食，付款方式有Visa,Master,AlipayHK,支付寶,現金,AE,銀聯,Apple,Pay,Google,Pay,微信支付付款，Booking網上訂位可以電話致電 21140343 查詢訂座。
Give Me 5優惠
Give Me 5 評價 相片
我終於走出沙門氏菌三文治嘅陰霾，呢日再次嚟到觀塘覓食，之前放咗朋友飛機，同佢食番餐好西補數😜。
佢帶咗我去鴻圖道工廈開餐，我第一次去果幢大廈食嘢，發現原來都有幾多餐廳，而且格局無其他工廈咁工廈...。
我以為餐廳個位置幾隱蔽下，晚市會冇乜客人，點知一去到發現氣氛好熱鬧👏。
餐廳仲有得掟飛鏢同篤波，集美食與娛樂於一身！以工廈餐廳嚟講，環境十分開揚，起碼望到街，感覺無咁焗束。
另外，餐廳佔地面積大，因此每張餐枱都夠大，唔會迫，情侶或者一班人嚟都適合，甚至可以Book佢個場地嚟搞Party🎉。
餐廳晚市主要供應二人套餐或者兩小時半任食海鮮套餐($298/一位)，由於朋友唔好海鮮🐟，加上二人餐而家做緊半價優惠($314，另收加一服務費)，好抵食😚。
🥗煙三文魚沙律 Smoked Salmon Salad，沙律有得揀煙三文魚或者鮮蝦，我哋揀咗前者。
沙律造型精美，因為用咗煙三文魚砌咗朵花出嚟；而且沙律亦夠大份，同埋唔會唔夠汁。
🎃是日餐湯Daily Soup，我哋估計係南瓜甘旬湯，望落好似水水哋，但飲落味道都幾濃，唔錯。
另外，餐湯有跟塊蒜蓉餐包，味道正常。
🥩澳洲肉眼扒(8安士)配野菌汁Australia Rib Eye Steak (8oz) with Wild Mushroom，主菜有得揀比目魚、燒春雞、斧頭豬扒或者牛扒，我哋要咗五成熟肉眼扒，後尾先見到人哋嗌斧頭扒都好似好正咁😣。
不過好彩牛扒都幾好食，牛肉味頗濃郁，肉嫩多汁，無多餘筋位及脂肪，算係咁啦😋。
野菌汁亦係誠意之作，因為真係有菇。
配菜有蘆筍、青椒同薯仔等，如果有多啲薯仔會仲好🙈。
🍝意大利西西里茄醬意大利粉伴脆炸軟殼蟹ltalian Style Sicilian Sauce Spaghetti with Fried Soft Shell Crab，意粉份量超多，起碼係1.5人量，而且我幾鍾意佢個🍅蕃茄醬汁，夠晒酸、夠晒濃，有啲似食緊肉醬意粉，但走肉醬。
🦀軟殼蟹就得一隻啦，炸得幾脆口嘅，不過都係意粉出色啲🤤。
🍰藍莓芝士杯配慕絲蛋糕Blueberry Cheese Cup & Mousse Cake，估唔到跟餐嘅甜品都咁有心機，用三色水果朱古力醬裝飾咗隻碟，上面再放咗細細件芝士蛋糕同朱古力慕絲，兩樣味道頗有水準。
最後，仲有兩杯餐飲，檸茶檸水奶茶或者飲品櫃到自己揀🥤。
如果喺Openrice買優惠卷，飲品就可以揀紅酒白酒🍷。
服務方面，店員全部都幾好禮貌，又會主動收碟、落單，但如果上菜慢少少就會好啲🙏🏻。
總括嚟講，呢餐晚餐有驚喜，令人滿意；因為印象中觀塘區同工廈嘅餐廳質素都係一般，但收費就有點兒濫收。
不過Give Me 5🖐唔同，食物味道唔錯，雖則未到好驚艷程度，但都無嘢要彈；加上收費老實，二人套餐收你呢個價就全包(加一服務費另計)，唔會你揀牛扒、食甜品又要再加錢囉。
「Give me five!」，雖然抗疫期間都唔好同人「Give me five」，但食嘢又唔同講法喎餐廳外內雖然係工廈入面，但餐廳環境都幾好，好開揚，座位同座位之間寬敞，咁啱座玻璃枱，望住街境都幾舒服。
食物選擇有buffet有Set Dinner，本身都比佢嘅Buffet吸引，但見佢Set Dinner做緊半價勁抵！咁就食Set啦，見到多嘢食。
Special Set Dinner for Two半價$314原價$628，都幾多嘢食，有沙律、餐湯、Main Course、Pasta、甜品及餐飲。
鮮蝦雜菜沙律食set點少得沙律，本身想叫三文魚，不過是日未有，都唔緊要，鮮蝦都啱食，加上係用千島醬，酸酸尾尾好開胃。
澳洲肉眼扒(8安士)配野菌汁由於我太鍾意鋸扒，所以都叫返牛扒，揀咗五成熟，不過上枱就唔止五成熟，但牛味都可以，計返價錢都抵食。
帆立貝黑松露野菌意大利飯想食Risotto，個人認為黑松露配Risotto 一向係無敵嘅組合，食落香氣會好夠，帆立貝唔係大大粒果種，而係小型size，整體都ok。
甜品拼盤有兩款，分別係藍莓cheesecake同朱古力mousse cake，幾鍾意佢細細件，食完Dinner之後作為結束啱啱好。
自己覺得情侶嚟食好啱，二人set做半價夠哂經濟實惠，成日拍拖出去食飯，消費確係貴，有優惠就抵好多啦！
疫情之下， 所有事情都停擺咁，連出街食飯都變得罕有， 今日好想同朋友仔輕鬆一下，吹下水、打打氣， 觀塘附近就搜尋咗呢間give me 5， 令到整個晚餐變得好勵志。
呢度嘅空間好大而且座位寬敞， 亦有桌球枱畀人玩， 感覺都好relax。
入到去嘅時候店員已經好有系統咁招呼我哋，呢度有自助式任食同半價西餐， 我哋真係要爭取時間好好交談，所以揀咗西餐。
頭盤好豐富有蝦沙律，啲蝦好爽， 配上大量沙律菜及洋葱， 食落去有少少微辣， 配上千島醬，十分醒胃。
熱辣辣羅宋湯， 味道都好濃，但係又唔會好酸， 不落去都仲見到有好多蔬菜， 有咬口。
加上熱哄哄嘅蒜蓉包，加分。
主菜嚟啦斧頭豬扒配玉米糕，超大塊， 斧頭扒出面賣都要三四百蚊一塊， 而且佢有番咁上下厚度，自己整又會怕入面唔熟， 而家半價就食到， 真心覺得好抵。
講返塊扒肉質好林，加上蘋果蓉黑醋醬減低油膩感，味道好夾。
食咗塊扒已經好飽， 好在叫咗個茄汁底嘅炸軟殼蟹煙肉卡邦尼意粉， 每條意粉都沾上茄汁，食落去唔太膩。
最後仲有朱古力慕絲及芝士蛋糕，加上我最愛嘅zero,大滿足。
值得一捉呢度嘅服務生都好殷勤、有禮貌， 整晚嘅感覺非常良好。
經過四月後，多日沒有本地確診個案，不少食店重新開業，觀塘Give Me 5是其中之一。
餐廳之前已經有做二人套餐半價，重新開業後繼續優惠。
鮮蝦雜菜沙律鮮蝦與雜菜均爽脆鮮甜，經千島醬汁調味，甜甜酸酸的更加可口。
是日餐湯 蒜蓉法包忌廉湯濃杰適中，配上鬆脆蒜香法包，十分滋味。
美國斧頭豬扒配玉米糕伴蘋果蓉黑醋醬斧頭豬扒乃帶骨豬鞍，切開內裡肉質依然粉嫩，入口味道濃郁爽口。
斧頭豬扒份量頗大，兩人分享食用剛好。
蘋果蓉帶甜而黑醋醬酸香，與斧頭豬扒配搭很匹配。
帆立貝黑松露野菌意大利飯黑松露與野菌各具不同幽香，襯上忌廉汁感覺不會太飽滯，入口香濃軟滑。
芝士蛋糕配朱古力慕絲蛋糕芝士蛋糕質感結實，芝味十足，入口軟滑。
朱古力慕絲蛋糕口感幼滑，味道香濃。
抗疫期少咗出去食飯，好掛住西餐同牛扒，今次嚟到一向評分高嘅「Give me five」，都聽唔少朋友介紹過。
餐牌有二人set同自助餐兩款，我哋唔算好肚餓，加上二人set做緊半價，每人只係百幾蚊，就揀食二人set。
環境十分寬敞，一入去就見到自助Bar，落地玻璃對住街景好開揚，仲有鏢機同桌球，見到環境即刻加分。
Special Set Dinner for Two $628(原價) 現半價$314包括沙律、餐湯、主菜、意粉/意大利飯、甜品及餐飲。
鮮蝦雜菜沙律、餐湯沙律都好大份，鮮蝦有五隻左右，沙律以千島醬調味，我個人不嬲比較鍾意千島醬多過沙律醬，所以對我來講零舍開胃。
澳洲肉眼扒(8安士)配野菌汁主菜四選一，揀咗食牛扒，叫咗五成熟，但控制熟成度都可以更好，上枱牛扒偏熟，幸好牛肉不韌，亦冇太多渣。
帆立貝黑松露野菌意大利飯意粉或意大利飯就三選一，想食意大利飯。
份量二人剛好，帆立貝採用較細粒，份量都多，意大利飯唔算好濕身，煙韌度可提高，整體味道唔算濃郁。
藍莓芝士蛋糕併朱古力慕絲蛋糕芝士蛋糕正常，但朱古力慕絲蛋糕就略甜咗啲，不過仲包甜品真係好抵食！總括然而，半價$314食齊由前菜、主菜、意粉及甜品真係好抵，每人$150左右，仲要環境唔錯，趁優惠快啲嚟！
Give Me 5餐單提供西式, 海鮮, 自助餐, 酒吧等推介美食位於觀塘區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE,銀聯,Apple,Pay,Google,Pay,微信支付，Booking訂位可以電話致電 21140343 查詢。
您對於觀塘餐廳「Give Me 5」有何 comment？
Give Me 5餐廳詳細資料：
- Give Me 5地址: 觀塘鴻圖道90號5樓 Give Me 5, 5/ F,90 Hung To Road, Kwun Tong
- Give Me 5電話: 21140343
- Give Me 5價錢: $101-200
- 分類: 西式, 海鮮, 自助餐, 酒吧
- 座位: 未知
- 付款: Visa,Master,AlipayHK,支付寶,現金,AE,銀聯,Apple,Pay,Google,Pay,微信支付
- FB專頁: Give Me 5 Facebook
更多Give Me 5相關資料:
香港餐廳2026推介8月