Gali 觀塘

Gali 評價 相片

總結1. 印度風味咖哩 唯當中肉量較少 建議一人一客2. 印度烤餅好味 送汁一流早排上網睇左一堆不同種類嘅咖哩食評睇到心郁郁就決定著呢間Gali位置些少偏僻 係工業大廈頂樓午餐時段有人叫外賣 堂食都唔多人叫左羊肉咖哩同特大咖哩角白飯亦轉左做蒜蓉烤餅羊肉得四舊仔 加少少薯仔個汁味道唔錯 但有少少稀特大咖哩角真係好大 擺盤亦非常吸引可惜食落去入面嘅薯蓉較乾 都可以用點咖哩汁下次有機會我會另外加印度烤餅而唔會轉到冇左個飯 感覺浪費左啲汁

今日星期五，跟同事一齊買了這間咖哩外賣返公司食。

我地係用whatsapp下單ge, 大家可以早d落單，因為客服未必即刻有時間睇，我12點whatsapp下單，12:20pm才有人回覆，好彩12:45pm都有得拎。

上到去拎見到堂食都full,亦有一堆人係門口等緊外賣，而我直接入去就有得拎啦😁拎果時先比錢。

叫了奶油咖哩雞，及香料咖哩吉列蝦，其中一個要由白飯+$15轉了6塊蒜蓉烤餅。

奶油咖哩多汁，雞件有4大舊，係好大舊😂，味道吾錯，香料咖哩會有辣味，比較惹味，但個汁比較少，點烤餅應該就吾夠了，炸蝦有4隻，但炸蝦浸左係汁入面都淋曬，所以介意淋左ge人就不適宜叫炸嘢了。

我覺得白飯撈汁好食d，烤餅有d似pizza個底，吾係我style。

同埋6塊烤餅對我黎講有d多，都幾飽🤪總括黎講係值得一試嫁!有人share幾款咖哩會比較好😊

幾正宗嘅印度菜喜歡服務態度食物味道中上水平唔記影蒜蓉牛油雞翼今晚最出色嘅菜色外皮炸得超鬆軟下次去會再叫CP值超高會再去試其他菜式兩個人食左三樣嘢188蚊仲要加多15蚊有六塊跟餐薄餅老公試左印度奶茶有香料味夠特別

一入到黎見到勁多人排隊，原來唔使攞飛，直接排隊就得，等咗大概10幾分鐘，店員好友善，特登安排入面一張卡位俾我同一位朋友，店舖環境闊落，衛生良好，整體乾淨企理上菜速度非常之快，大概等咗5分鐘左右啲嘢食就到。

叫咗香料咖喱軟殻蟹，加$15轉左6塊蒜蓉烤餅，仲叫咗個黃姜烤雞印度香料炒飯，送兩支嘢飲。

全部價錢大概係$150左右，個人認為物超所值，份量非常之足，兩個女仔食會飽到食唔晒$72香料咖喱軟殻蟹：咖喱味道香甜，唔知用咗咩香料，但係以覺得好特別，齒頰留香，食到停唔到口，成隻蟹放落去，好足料，軟殼蟹脆脆地，夾埋餅一齊食增加層次感+$15白飯轉烤餅（有得揀蒜蓉or奶油）烤餅係必食推介！蒜蓉好香，烤餅睇落靚（好似一舊舊雲咁），外皮金黃，比一般烤餅厚而且煙韌有咬口，烤餅內層偏軟，有啲似食麻薯波波，而且6塊餅差唔多手掌咁大，點咖喱食，非常之飽肚$65 黃姜烤雞印度香料炒飯，雞肉好多，好嫩滑、juicy、入味，香料味道比剛才提及嘅咖喱更加突出，有特別食到香茅味，薑味唔係好明顯，只係炒飯偏油，食完成嘴油，個人認為如果乾身少少會好啲，不過唔影響佢好食，各種香料好配合，鍾意濃味嘅人仲可以撈少少咖喱食，多重味覺享受超級驚喜，一定會再返嚟食

Gali 前身係 Rainbow Eat，係觀塘少見嘅印度菜食店，以前做外賣為主，一直未有機會試，而家搬咗鋪做埋堂食，當然第一時間走去幫襯。

新店位於工廈高層，地方簡潔寬敞，窗外風景甚為開揚。

叫咗個奶油咖哩雞，配白飯同罐裝飲品，加十五蚊可轉烤餅，本來想揀蒜蓉烤餅，問咗職員，係我麻麻鍾意嘅 Naan，於是就揀奶油烤餅。

咖哩汁味道香濃，充滿奶油同香料嘅香甜味，唔油，唔太辣，亦唔會死鹹，係我鍾意嘅口味😍。

入面有五大塊雞肉，份量算多，雞肉軟腍入味，好食。

沾埋烤餅一齊食，超豐富超正👍。

食哂烤餅，仲有唔少咖哩汁剩，如果唔係仲有街去，一定會攞佢返屋企，第二餐煮個白飯撈埋佢食😂。

Gali餐單提供多國菜, 薄餅, 咖喱等推介美食位於觀塘區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 68571097 查詢。

您對於觀塘餐廳「Gali」有何 comment？

Gali餐廳詳細資料：

• Gali地址:
  觀塘駿業里6號富利工業大廈14樓B號舖
  Gali, Shop B,14/ F, Fully Industrial Building,6, Tsun Yip Lane, Kwun Tong
• Gali電話: 68571097
• Gali價錢: $51-100
• 分類: 多國菜, 薄餅, 咖喱
• 座位: 未知
• 付款: AlipayHK,支付寶,現金
• FB專頁: Gali Facebook

更多Gali相關資料:

• Gali分店
• Youtube
• Facebook
• Twitter
• Google