Ben哥米線 觀塘

Ben哥米線 評價 相片

食黎食去都係譚仔，今日轉左新口味就試吓Ben哥米線，今次選擇了麻辣湯底，三餸米線選了豬腩肉，墨魚，紫菜看似是好簡單嘅食材，但麻辣湯底10分濃郁，湯裏還有肉碎口感十足！豬腩肉5分肥5分瘦，入口即溶魯得10分入味！是必食之選墨魚爽口彈牙必配！紫菜好似好簡單但係紫菜給了所有湯汁是最好味的！米線可以選擇原味米線或者五穀米線其他湯底方面還有芫荽紅最愛的芫荽綠色湯底，由於我不是芫荽紅所以我一定不會試😅😜來觀塘記得吃Ben哥米線！

今日同事叫左個芫茜湯底真係無諗過會係咁既樣，成碗滿滿全部舖滿芫茜，大黎到我地不約而同地笑左出黎，真係要芫茜控先攪得掂呢碗野，我都係叫番我最普通最大路既酸辣湯底算喇，佢仲有個新野沙嗲湯底呀！

兩年前左右，已經系觀塘區附近食午餐，而呢間米線已經系轉左手叫做「Ben哥粒線」，但比之前果間。

拿！本來就已經唔系好好，轉埋手就都仲系比想像中一般般。

HKD45 +3蚊 雞肉牛丸芝士腸米線 熱奶茶雞肉有層滑lunlun感覺系面，但咬落軟熟。

(以前系勁鞋🤭)芝士腸無味唯獨個牛丸！系有汁！一般彈牙。

奶茶還可以。

但我就應該唔會再返黎食。

呢間賣點系勝左牛丸，同份量系真心夠多既，雞肉片片咁都系可以，但唔知點解肉面食落滑lunlun。

貌相OK既。

米線同配料好似未煮熟就摞出黎咁，好硬，啲腐竹咬到塑塑聲⋯唔知講乜好。

改名之前幾好食，附近性價比超高之選，而家無嚕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

身為米線控嘅我星期六要去觀塘，知道呢間舖換左手，又係做返米線，當然要去試下啦，未夠1點到達，星期六嘅關係，只得幾枱客，仲要係差唔多食完嘅，中途仲試過包場5分鐘添~因為食過佢前身嘅米線，知道大部分座位都係嚮商場內劃出黎嘅，好open area嘅，得少部份係正常嚮店內嘅位，坐出面商場啲位好熱唔夠冷氣，加上近電梯出入口，空氣冇咁好(之前家人及我都食過幾次佢前身，食完都真係會病，唔知有冇關係)，所以今次坐最入近廚房反而涼返少少呀~一坐低就睇下有咩食啦，本來諗住一個要墨丸，一個要豬軟骨嘅，比單職員時佢話依家有優惠可以3個7蚊餸就47送熱飲，叫十蚊餸就補差額，送熱飲及汽水，凍飲加2蚊，所以就改一改張單，一個叫左呢個優惠餐3餸，7蚊墨魚丸，十蚊軟骨及金錢，另一個就淨米線，可以免費轉五穀米線，咁colorful又新奇，當然試下啦，先黎飲品，我杯檸茶要超少冰，但冰量同奶茶一樣，唯有自己畢走佢啦，米線都好快到，米線份量正常嘅，不過餸就好迷你，先講墨魚丸，我未見過咁細粒嘅墨丸，以為係魚蛋添呀，味道普普通通啦，金錢有四塊，但又係好細塊，同好薄身，好似紙咁薄，我出去食係呢到兩塊合併嘅size為一塊，同有厚度嘅，再到豬軟骨有三舊，同樣係勁細件，兩件合為一件都唔夠出面嘅大件。

一口一啖我都嫌佢細啖呀～味道都係正常夠淋嘅，而個麻辣湯係夠辣嘅，不過唔能夠叮一聲打動到我，我個五穀米線可能唔識睇，我只見到白色，黃色及紫色，搵唔到另外兩款，口感同米線一樣嘅，如果你唔望住食係察覺唔到分別嘅。

總結係性價比低，味精重，食完返到屋企各自飲左700ml飲品都未解到，一直維持到晚上，所以我就唔會再食喇~

Ben哥米線餐單提供滇菜, 雲南, 粉麵, 米線等推介美食位於觀塘區，餐廳座位數未知人均消費約$50以下，結賬可以用現金，Booking訂位可以電話致電 36908902 查詢。

您對於觀塘餐廳「Ben哥米線」有何 comment？

Ben哥米線餐廳詳細資料：

• Ben哥米線地址:
  觀塘鴻圖道78號1樓3號舖
  Ben哥米線, Shop3,1/ F,78 Hung To Road, Kwun Tong
• Ben哥米線電話: 36908902
• Ben哥米線價錢: $50以下
• 分類: 滇菜, 雲南, 粉麵, 米線
• 座位: 未知
• 付款: 現金
• FB專頁: Ben哥米線 Facebook

更多Ben哥米線相關資料:

• Ben哥米線分店
• Youtube
• Facebook
• Twitter
• Google