Aqua Life Restaurant 觀塘

Aqua Life Restaurant 評價 相片

久違地去觀塘覓食聽店員recommend order 左白松露辣肉腸扁意粉.個sauce 好rich 同creamy, 白松露香味好濃郁，有驚喜. linguini 口感都唔錯，唔會太腍，每一條麵都被sauce 徹底包裹，雖然略咸左d 不過係好食. 仲有d 切碎菇同片片咸香辣肉腸.蕃茄湯味道頗為濃郁，酸甜的幾開胃另外order 左個燒鴨胸配烤菜同烤雞意大利飯相比起pasta 兩碟都較為失色. risotto 唔會太腍，個人覺得可以再硬一點…. 可能先食左個白松露意粉，覺得呢碟調味無咁香濃. 雞肉有半雙鋪平左以香料灑面上再roasted. 雞脾位較嫩, 其他部份就乾一點. 鴨胸同樣係店員推薦，同risotto 烤雞一樣外層只以灑上鹽略作為調味。

不過鴨胸肉質都有點鞋同肥肉位都幾油.一邊烤菜，如焗薯同瓜等烤過後帶出其天然甜度，蠻好食最後dessert order 件cake. 薰衣草黑莓呢個組合太特別，好少見有薰衣草作蛋糕食落又ok wor. mousse 真係食到有花香，唔會太甜, 而且$35 slice 亦唔貴，值得一試其實佢地set 都好抵食，包3個main 野飲,salad 同湯等$480.呢度除左西餐仲有日式menu. 所以見帶有日風decoration, 環境都闊落好坐

駱駝漆大廈好多正野就眾所週知😎Aqua Life Restaurant就係其中一間我bookmark左要試既餐廳!! 除左食物吸引，店內既大魚缸仲好吸睛😍 今次嗌左個二人餐 $480 🥗蕃茄芝士沙律🥣是日餐湯x2 (甘筍湯好creamy超好飲😋👍)🐔香草燒春雞(半隻)燒春雞雖然size係比較細，但就係因為細隻，肉質相對地嫩滑😋 即使係雞胸位都好juicy，香草味仲好香濃😍🐟烤三文魚配薯菜因為係刺身三文魚腩，所以唔需要煮到全熟，肉質就更加鮮嫩😋 外皮煎得好香脆，外脆內軟，最重要係一啲都唔腥🤤值得一提係薯菜好好食，烤焗過既表面好香，爽脆得黎勁juicy👍🐷烤豬扒配薯菜依個烤豬扒如果配有醬汁會更完美，不過大家都睇到碟上係充滿肉汁，超juicy呀👍 厚切豬扒啖啖肉真係好正!! 食肉獸表示超滿足😎☕️咖啡或茶x2卡邦尼扁意粉 $118又係我最愛既超creamy卡邦尼扁意粉😍依個意粉足料到呢...菇同意粉一樣咁多😂仲有海量煙肉、芝士、大大塊parma ham，真係食餸都飽😋 一放上枱就聞到勁香...食落味道好夠濃，屋企人略嫌有點咸，不過鐘意重口既我接受到👍同場加映見到美食咀markmark既魚仔🐠拍左勁多條Boomerang🤣好可愛呀!!

起初一入去見到鋪頭「冇職員」，後來至發現原來係共享餐廳同廚房，老闆係對面的廚房，所以餐廳入面混合左日西式兩邊嘅食客😋老闆忙到要不停分身但都好有心機，員工人數係相對地少，老闆將勤補拙，一面做樓面一面煮野食，不得不讚佢嘅毅力😆食物要等耐少少時間，餐廳好好咁準備左啲board game，等我哋可以邊玩邊等（真係好貼心嘅服務🤙）我叫左個Hazelnut Chocolates 🍫唔係太甜，入口岩岩好。

首先黎嘅係一個10oz肉眼扒加烤菜（而菜單會定期變動，所以算係期間限定😂）起初我心諗點解會冇汁嘅，點知一食就發現原來塊扒本身肉汁豐富，唔需要其他醬汁，肉質唔會太韌，依份肉眼扒整得岩岩好，果種口感，應該牙力唔太好既都鍾意，配菜都係好好味🤤俄羅斯烤牛忌廉闊條麵濃味嘅忌廉醬汁配合熱辣辣嘅闊條麵真係冇得輸！只係食就真係要趁熱食，啲醬凍左會略顯油膩同乾架，所以食嘅時候真係要把握時間🤭食飽飽，再玩一陣board game，就到食甜品嘅時間，我揀左個「甘筍蛋糕」，朋友唔鍾意菜... 但係佢都話好食，唔會太甜、 唔會油膩，連佢都推薦呀😍 其實好想試埋其他蛋糕，可惜胃就得一個😭唯有下一次。

整體嚟講，作為一間主打西方菜色嘅餐廳，雖然選擇上唔多，但係我覺得貴精不貴多，反而感受到老闆好用心去預備每一種菜式，而作為一名客人，係度食野係感到開心同滿足，亦令我好期待下一次食其他嘅唔同菜式。

觀塘區返工，吃盡無數工廈餐廳，這間新開的當然要一試，亦令我遇上曾經在中環素菜西餐的大廚這間是集合西式+日式的餐廳， 有刺身飯，拉麵等日本菜，亦有意粉，牛扒等西餐選擇餐廳主要日式木系裝修為主，地方夠闊落，最吸引有個大大的魚缸，養了幾條不同品種既魚，食住意粉欣賞魚游來游去，賞心悅目Menu 選擇多，有日式/西式選擇先點刺身拼盤每款魚生夠新鮮，正餐廳推介日西crossover ,壽司，海膽魷魚刺身，澳洲肉眼牛扒，牛扒剛好我要求5成熟，肉汁juicy , 壽司刺身夠新鮮，一次過滿足兩種口味水牛芝士意大利粉 (必食推介）炒香的意大利粉加入香濃水牛芝士，蕃茄醬，半溶芝士，彈牙意粉，十分惹味，令人一食難忘Ice Latte 香滑奶泡，不太甜，正合我心意曾經去過中環一間素菜西餐，吃過一道令人難忘的意粉，今次係觀塘竟然遇上同一位廚師，再次令我吃回那種味道，十分驚喜

環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫 📝免加一➖➖➖➖➖➖➖➖➖➖➖➖➖➖➖秋風起，又係添置衫褲鞋襪嘅時候🤣黎駱駝漆隨時隨地可以買到荀野最重要嘅係，商廈隱藏左吾少隱世高質小店！呢間「Aqua Life Restaurant」可以話係我近期內最滿意嘅一間西餐雖無華麗奪目嘅環境但有超高水準嘅美食.🔸白松露辣肉腸扁意粉 $78一上枱，香氣隨即撲鼻而來每條意粉都沾滿濃郁嘅松露香獨特嘅幽香，加上creamy嘅味道，令人一食上癮配上大量菇片，蒜粒，辣肉腸味道更立體之餘，口感亦更為豐富👍廚師巧妙地選用扁意粉口感爽滑煙韌，硬度恰到好處更重要嘅係可以鎖住湯汁.🔸香草烤春雞 $98廚師係春雞嘅外層上搽滿香草再去烤焗雞皮嘅油脂幾乎燒走哂剩底薄脆鹹香嘅外層😍外層底下嘅雞肉Keep到嫩滑又富肉汁外焦里嫩且香草味十足無論係口感定係味道，真係好出色🥰.🔸餐湯。

沙律。

飲品套餐包埋餐飲，南瓜忌廉湯同黑醋沙律忌廉湯入口綿密，豐富嘅南瓜蓉令口感十足👍沙律加入黑醋調味，越吃越開胃.🔸蛋糕品嘗哂所有美食後，我地覺得吾夠喉所以再嗌多個蛋糕🤣蛋糕共有九款，每件都只係$35炸🥳馬塞爾朱古力蛋糕完全有諗過，明明係蛋糕但食落嘅口感好似食緊朱古力仲要係入口即溶，朱古力味極為濃郁🥰蘋果金寶芝士蛋糕都好推薦👍由切餅側邊可見入面有好多蘋果粒，非常足料🙈芝士味濃密口感緊實，入口清新香甜連餅底都柒上蘋果香🙆‍♀️

Aqua Life Restaurant餐單提供西式, 樓上cafe等推介美食位於觀塘區，餐廳座位數未知人均消費約$101-200，結賬可以用現金，Booking訂位可以電話致電 63483593 查詢。

您對於觀塘餐廳「Aqua Life Restaurant」有何 comment？

Aqua Life Restaurant餐廳詳細資料：

• Aqua Life Restaurant地址:
  觀塘開源道60號駱駝漆大廈3座6樓T號舖
  Aqua Life Restaurant, Shop T,6/ F, Block3, Camel Paint Building,60 Hoi Yuen Road, Kwun Tong
• Aqua Life Restaurant電話: 63483593
• Aqua Life Restaurant價錢: $101-200
• 分類: 西式, 樓上cafe
• 座位: 未知
• 付款: 現金
• FB專頁: Aqua Life Restaurant Facebook

更多Aqua Life Restaurant相關資料:

• Aqua Life Restaurant分店
• Youtube
• Facebook
• Twitter
• Google