Acapella 觀塘

Acapella 評價 相片

lunch很喜歡來這裏~$50 已有餐湯，飲品，三餸意粉超划算！😋可是最近去了幾次都是「吃閉門羹」…打電話詢問也無人接聽…😓請問你們還在營業嗎？……還有一張可換餐的印花coupon沒用呢…😭

好食嘅食物，唔難食到。

但有heart嘅廚師，就未必經常能夠遇得到。

情人節我地揀左觀塘一間樓上私房菜，呢間餐廳嘅主廚好有心思，將情人節set dinner嘅幾道菜串連成一個故事，每道菜無論係味道抑或是用料都好有驚喜。

1. 地獄獨個子這道菜用帶子嘅音比喻獨個子（未拍拖之前獨自一人），煎帶子配啤梨蓉，味道異常的夾，中間伴菜有西芹、果仁粒同蘋果粒，以蜜糖拌勻，味道清新。

2. 情迷熱戀第一次試用熱情果做嘅沙律，熱情果果肉酸酸的，味道自然，正好可代替沙律醋。

沙律菜加有鹽及黑胡椒，連埋熱情果肉，再配上巴馬火腿一齊食，特別醒胃。

3. 重拾窩心蕃茄忌廉湯，蕃茄唔會打得太爛，每啖湯都有甜甜地嘅蕃茄蓉，口感豐富。

4. 愛心小禮包就好似情人送嘅小禮物一樣，小巧可愛，亦係我比較喜歡嘅其中一道菜之一。

每隻小雲吞內包有鮮蝦同cream cheese，香蝦味混著cream cheese，因為有清清地嘅雜菜湯，所以一連食五隻雲吞都唔覺得膩。

5. 猶如初見以士多啤梨雪葩加入甜甜地嘅ginger ale來清清味蕾，確係有refresh嘅效果。

6. 脆嫩「魚」18、情場好「duck」意呢兩款主菜扭轉左我唔鐘意食三文魚扒同鴨胸嘅睇法，尤其係前者，我真係好討厭食三文魚扒，因為大部份嘅三文魚扒都好乾。

要令呢塊挪威三文魚扒同「脆嫩」呢兩個字扯上關係，主廚應記一功！魚皮煎得香脆如薯片，魚扒能夠將肉汁鎖住，並沒有煎到全熟所以肉質十分嫩滑。

我敢講呢塊絕對係我食過最好食嘅三文魚扒！鴨胸又係好嫩，嫩到我懷疑係食緊脾肉，鴨胸上面灑上海鹽，中間夾着少少薰衣草嘅味道，以剁碎咗嘅大蔥混入芥辣成為醬汁，提升咗鴨胸嘅肉味。

最後一道菜式「甜入心」，牛奶朱古力片上放上士多啤梨雪糕、藍莓同士多啤梨，再淋上燒著嘅烈酒造成火焰效果。

呢餐食得好開心，最難得嘅係主廚會走出嚟同每一台食客傾計，問佢哋對菜式嘅意見。

我最欣賞嘅係，當我問佢某啲菜式點煮嘅時候，佢完全唔會吝嗇，好耐心地講解。

呢度每一道菜都非常之出色，我會再嚟幫襯架！

幾個月前的生日飯後，昨晚再次拜訪。

晚飯主题及食物再一次讓大厨發版！再一次開心驚喜。

全晚共6度菜，食物主角是野生鱘魚子及海鮮。

1.鱘魚子配牛油果+牛油果酱法包 2. 鱘魚子配意大利沙律菜 3. 香煎大带子配椰菜花酱 4. 即做意大利雲吞，芝士鲜虾餡5. 香煎鱈魚柳配意式香料 6. 即做蛋白檸檬酥皮撻。

感謝大厨的细心安排，食材一流，味道一流，其待着下次的驚喜。

😍😘😍😘很抱歉，第2度沙律忘記了影相😝

Happy Friday 要試下新的餐廳 同事介紹左黎試呢間車仔意粉 $50可以自選三個餸包餐湯包餐飯 呢個價錢 其實真係算抵食 是日餐湯係龍蝦湯好咸 無龍蝦味我揀左煙肉加兩份蘑菇配香草汁意粉上菜速度都算快 份量都ok味道就～無特別香草味係有既 不過吾夠多似係自己係屋企整既意粉同埋我明明無揀洋葱 但入面就加左洋葱呢個有啲吾中意… 見到有all day breakfast都只係$40下次有機會拿黎講下呢個 見隔離枱叫左 個賣相都吾錯！整體黎講 質素對得住個價錢 而且環境 服務態度都不錯

今日去咗呢間餐廳，12點開但我11:50到咗，店員邀請我入去坐低等，都係嘅，喺工業大廈外面呆等，真係會熱到暈咗。

入面座位唔算多，但總算有心思，客人係唔會望到廚房係點樣，因為佢已經化身成一架露營車，而枱布都配合返個主題，用紅色格仔布，再加上一幅草牆，的確幾有氣氛！lunch有3款，1款係$40嘅all day breakfast、另一款係佢哋定配料嘅意粉($40)、第3款就係自選配料意粉，$50可以喺肉、海鮮及蔬菜裡面揀3種配料，另加配料每款$5，又叫做「車仔意粉」。

而呢3種lunch set都包湯及凍熱飲品，哇真係好抵喎！龍蝦湯唔要求同其他餐廳嗰啲百幾二百蚊一碗嘅龍蝦湯去比較，呢個湯口感濃度啱啱好，唔會太杰唔會太稀，都有啲龍蝦味，但可能鹹咗少少香草汁雞絲蘆筍蘑菇螺絲粉 ($50)配合返露營嘅主題，係用不銹鋼盤承載，幾有風味！以呢個價錢嚟講，份量算大而且足料。

落單時要求多蒜，本來都冇乜期望佢哋真係會多蒜，點知真係超多蒜，一上菜時香到不得了，感覺非常新鮮熱辣辣！香草汁味道濃郁，唔會太杰；蘆筍冇渣，味道清甜；雞絲好多，但如果冇雞皮會更加好；螺絲粉偏腍身，落單時唔記得要求al dente啲添。

不過整體係好味嘅，可能用橄欖油煮，所以食完都唔會覺得好油膩。

$50有個咁樣質素嘅新鮮炒意粉，老實講，我真係冇野可以再挑剔All day breakfast ($40)老實講，平時閒閒哋一個all day breakfast，都要過$100，你同我講$40有一個？！我真係有啲驚！同行嘅朋友仔叫咗一個試吓，賣相又幾靚喎，用個木托盤上菜，放喺紅色格仔檯布上面更加襯。

份量唔算多，不過for一個普通食量嘅女仔係足夠，厚多士可配紅酒乾蔥牛油或香草蒜香牛油；炒蛋嫩滑無比；漢堡扒同麥當勞嗰塊豬柳有8成相似，感覺好好！一句講晒，$40一個all day breakfast，個牛油唔係俾Anchor或者Lurpak，即係要搣開先有得搽嗰種啊，已經係非常有誠意！喺觀塘食lunch，有湯、主菜及飲品嘅茶餐廳係非常多，價錢仲差唔多添。

但有邊間會有咁企理嘅環境？又有邊間會有店員喺你食緊一個$50嘅set lunch嗰陣，走埋嚟問你佢哋有冇野需要改善，蒜夠唔夠多？又有邊間會咁用心落橄欖油去新鮮煮你嘅意粉？喺觀塘返工嘅朋友，如果想食一餐性價比高、服務好、環境舒適嘅lunch，呢度係你嘅選擇

Acapella餐單提供意大利菜, 薄餅, 私房菜, 主題餐廳等推介美食位於觀塘區，餐廳座位數未知人均消費約$201-400，結賬可以用現金，Booking訂位可以電話致電 36221980 查詢。

您對於觀塘餐廳「Acapella」有何 comment？

Acapella餐廳詳細資料：

• Acapella地址:
  觀塘成業街19-21號成業工業大廈4樓406室
  Acapella, Room406,4/ F, Shing Yip Industrial Building,19-21 Shing Yip Street, Kwun Tong
• Acapella電話: 36221980
• Acapella價錢: $201-400
• 分類: 意大利菜, 薄餅, 私房菜, 主題餐廳
• 座位: 未知
• 付款: 現金
• FB專頁: Acapella Facebook

更多Acapella相關資料:

• Acapella分店
• Youtube
• Facebook
• Twitter
• Google