食之劇場餐廳 西貢

食之劇場餐廳 評價 相片

現在不能去旅行，那麼就到一間充滿濃濃日本味的餐廳用餐來止癮吧！日式風的用餐空間，寧靜優雅的氛圍，精巧的擺盤，走進用餐就彷彿置身日本。

前菜3點賣相非常悅目，令人驚豔。

日本水蕃茄，清甜鮮美，味道清新，胃口為之一振。

京都銀杏飽滿，柔韌軟糯，清香可口。

乳酪玉子，口感幼滑，入口帶有乳酪的味道，很特別。

刺身2點北海道鮮帶子佐些許岩鹽，肉身肥厚，肉質柔軟，鮮味濃郁，味道鮮爽帶甜。

金目鯛經輕輕火炙，燒出油脂的香味，增添風味。

肉質嫩滑，油分甘香，味道鮮美。

日式海膽鰻魚茶碗蒸海膽鮮甜，茶碗蒸質地滑順軟嫩，裡面加入了鰻魚，除了充滿蛋香，還滲透著鰻魚的香味，味道非常夾，十分美味。

松葉蟹甲羅燒配多士蟹蓋內放了松葉蟹膏及蟹肉，中間再放上蟹籽，配以烘脆過的多士，每一口都充滿香脆與鹹香的多層次口感，口感豐富。

鰤魚手卷 鰤魚肉質甜美，脂膏豐腴，入口即化，加上手卷用圓筒形可以從頭到尾都吃到餡料，口感澎湃。

沖繩豚肉牛蒡麵豉湯甜品櫻花葉十勝紅豆蓉綿密清香，質感幼滑，紅豆味濃郁。

自家製士多啤梨雪糕口感軟滑，酸酸甜甜，每一口散發著濃濃的士多啤梨味。

高雅寧靜的用餐環境，各道菜式的擺盤都甚具心思，賞心悅目。

每一道菜都高質美味，無可挑剔，性價比可算極高，真心推薦這間餐廳給大家！

入咗西貢唔係一定要食海鮮嘅， 仲有另類嘅選擇 ， 因為亦正嘅關係我哋都唔係好敢去遊客多嘅地方 食嘢， 我哋入到西貢嗰度呼吸下新鮮嘅空氣， 咁啱又係我老公嘅生日， 食好啲一啲都唔那個 ，呢度環境望住個無敵大海景 ，情調十足， 由於呢度係酒店 所以呢度嘅服務質素亦都好高， 只要你一陣食完嘢佢就會好快咁樣幫你清潔檯面 ，會提供手拍畀你清潔！呢度嘅食物質素亦都好高 因為佢哋個廚師都有同我哋對話 講到食物點樣點樣整 感覺到佢哋喺食材嘅選擇同埋烹飪嘅方法落咗好多心機 對廚藝嘅認真值得敬佩呢度嘅環境不得不讚之外 佢哋嘅食物非常之新鮮當日我係去食一啲嘅午餐套餐 佢哋嘅擺設嘅都好靚 好似食緊藝術品一樣， 頭盤係沙律 蔬菜新鮮酸酸的打開了你的胃口， 再嚟一個 金倉魚魚鮫 好入味， 啖啖肉! 主菜就係佢哋嘅鰻魚飯， 聽聞要用佢哋特製醬汁醃咗一晚跟住再將佢燒， 我哋用嘅係新鮮嘅鰻魚，所以食落去軟綿綿 嘅感覺，而且一條骨都沒有， 廚師真係好細心！ 佢哋用嘅米都好好味， 好有米味，而且帶甜，粒粒分明！正！ 最後呢一個 自家製 terimisu雪糕, 完美嘅句號！

平時係坑口入開西貢搭小巴都會經過白沙灣,每次經過既時間都會見到間酒店係海旁,係好奇心既驅使下上網search下果間酒店既時候發現原來酒店旁有間日本料理餐廳.上網見到餐廳內食物好吸引,就即興今日lunch去試下.lunch set一共有4款,一個set包晒前菜,野菜沙律,白飯,味噌汁,主菜及自家甜品.未開始既時間店員先會送上日本白神山水及毛巾,毛巾係乾式既壓縮毛巾,店員會細心慢慢將水注入毛巾內,當水滲入壓縮毛巾時,毛巾會慢慢升脹起變成一條即棄毛巾.餐牌上表明餐廳內所有食物均以日本神山水烹調,白神山水為軟水,據說更能帶出食物原有既鮮味.野菜沙律分量都幾多,蔬菜新鮮爽脆,車厘茄入口香甜而且無草腥味,配上柚子沙律醋汁酸酸甜甜十分開胃.前菜為汁煮牛蒡,牛蒡同紅蘿蔔煮得夠入味得黎咬落仍然保持爽脆.黑豚腩片醬燒丼採用北海道夢之大地黑豚腩片,豚腩片切得好薄,見到肥肉同瘦肉層次分明,肉質新鮮到見到豚腩肉面既光澤.豚腩肉入口香脆,口腔內先會感覺到醬汁醬汁既甜味,後有腩肉甘香既油分會慢慢滲出,腩脂肪香醇而不燥,配上珍珠米一瞬間已經將整個丼合清空.最後配上和暖又香濃既味噌湯十分完滿.自家製Tiramisu雪糕香滑既奶香味先湧入味蕾,慢慢會品嚐到咖啡酒微微苦澀味,質感香滑又唔會太甜.

WaTheater再次食依間高級餐廳，店員服務一流，先送上世界自然遺產白神山地出產的礦泉水，格外清純前菜打開木盒，就有煙燻效果有京都豆乳豆腐十分嫩滑，上面加上牛油果蓉和酸梅醬燒銀杏日本風味，鹹鹹地幾特別燒物松葉蟹肉的甲羅燒配上多士，蟹肉份量超多，搽在多士口感滿足。

蒸碗物鰻魚海膽蒸蛋，蒸蛋又滑又彈蒸蛋滑溜。

甜品十勝紅豆蓉，為整餐畫上完美句號。

看著海灣醉人景色，隱世清幽的環境，十分完美與外邊緊張環境明顯不同#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig

最近出外用餐特別擔心人多密集，臨近情人節先生特意搵到呢間位於西貢遊艇會附近嘅OMAKASE，提早慶祝，避免人流高峰。

餐廳位於酒店地下，面朝碼頭，窗外泊滿艇仔，有種寧靜嘅氛圍。

Dinner menu非常簡單，有「海」、「雲」、「天」三款精選和食晚宴。

我哋揀咗中價位嘅「雲」，包括三款前菜、兩款刺身、一份燒物、一份煮物、三件壽司、湯同甜品，相當豐富。

點好食物後侍應拎出無味嘅消毒紙巾清潔餐枱，喺呢個時勢，呢個簡單嘅舉動真係好令人放心，更令人留下深刻嘅正面印象。

首先師傅會喺人客面前打開木盒，呈現眼前嘅係我哋最期待嘅飄煙效果，仲帶有檀香嘅味道，別出心裁。

盒入係今晚嘅頭盤——前菜三點，從左至右分別係京都豆腐、京都銀杏同鮟鱇魚肝。

凍豆腐係用白神山泉水自家製造，豆味好香，感覺清新，上面有兩隻小小嘅螢光魷魚，鮮味突出，配搭凍豆腐恰到好處；銀杏微暖，口感煙韌，帶有淡淡嘅鹹香，銀杏嘅味道非常突出，同剛剛嘅京都豆腐有好鮮明嘅對比，好有驚喜；鮟鱇魚肝口感綿密，配上特製嘅酸汁減低膩滯感，同時亦令鮮味更加突出。

完成精緻嘅前菜之後，師傅開始準備刺身，食OMAKASE最好嘅地方就係你永遠唔會知道師傅為你準備咩食物，令你可以帶住期待嘅心情，而且坐喺Bar枱仲可以欣賞到師傅不緩不急嘅製作過程，都係一種享受。

師傅為我地準備嘅時令刺身係珍寶牡丹蝦同深海池魚，兩者質素都極佳，牡丹蝦肉質肥美，鮮嫩彈牙；深海池魚肉質爽口，味道鮮甜。

透明醬油亦係一大亮點，恕我孤陋寡聞，透明嘅醬油真係第一次見，非常有新鮮感。

接住落嚟係燒物，食緊頭兩道菜嘅時候已經見到師傅喺遠處默默咁燒緊，不時翻動令各面均勻受熱，非常細心，我哋遠睇仲以為係燒牛扒，原來係燒魚，而且質素極高，入口即溶，香軟嫩滑，油香四溢，配搭嘅醬汁帶微酸，清新解膩。

八爪魚以特製醬汁慢煮三個鐘頭，口感變得軟腍無筋，近乎入口即溶，但鮮味仍然保持。

除咗八爪魚之外，仲有松茸菇、豆腐同白蘿蔔，白蘿蔔軟滑無渣，同樣令人印象深刻。

壽司三貫嘅第一味係帆立貝，肥美鮮嫩，手握壽司嘅飯粒緊緻而非死實，芥末嘅份量亦恰到好處。

第二味係火炙金線鯛，肉質柔軟，魚味偏淡但帶清香，火炙後味道格外鮮甜。

第三味係左口魚裙邊，肉質細膩，油脂豐富，入口即化。

緊接住嘅係豚肉麵豉湯，味道香濃，層次豐富，而且非常暖胃。

最後當然要以一道完美嘅甜品作結，今晚嘅甜品係十勝紅豆羊羹配福岡草莓同雲呢拿雪糕。

十勝紅豆羊羹甜度適中，下層係紅豆蓉，入口非常軟綿順滑，加上金箔點綴，賣相精緻；福岡草莓甜度高，而且非常新鮮，未食已經聞到香甜嘅草莓味，份外誘人，配搭奶香味濃嘅雲呢拿雪糕，非常合襯。

廚師發辦對我同先生嚟講都係一次新嘅體驗，實在係非常難忘，餐廳無論係環境、食物同服務嘅質素都非常高，實在值得表揚。

已經同先生相約，下次週末再嚟食午餐，邊享受海景邊享受美食，過一個休閒嘅下午。

食之劇場餐廳餐單提供日本菜, 法國菜, Fine, Dining等推介美食位於西貢區，餐廳座位數30人均消費約$801以上，結賬可以用Visa,Master,現金,AE,銀聯，Booking訂位可以電話致電 27797797 查詢。

您對於西貢餐廳「食之劇場餐廳」有何 comment？

食之劇場餐廳餐廳詳細資料：

• 食之劇場餐廳地址:
  西貢白沙灣碼頭酒店地下
  WA-Theater Restaurant, G/ F, The Pier Hotel, Pak Sha Wan, Sai Kung
• 食之劇場餐廳電話: 27797797
• 食之劇場餐廳價錢: $801以上
• 分類: 日本菜, 法國菜, Fine, Dining
• 座位: 30
• 付款: Visa,Master,現金,AE,銀聯
• FB專頁: 食之劇場餐廳 Facebook

更多食之劇場餐廳相關資料:

• 食之劇場餐廳分店
• Youtube
• Facebook
• Twitter
• Google