興旺廚房 西環

興旺廚房 評價 相片

做嘢經過西環， 幾多人推薦嘅雙餸飯。

兩餸一飯$36 ，喺港島區唔算貴。

而且有肉類、海鮮、蔬菜，款式幾多。

呢日我買飯嘅時候都覺得唔少食客都係附近嘅街坊。

我叫咗三餸飯，分別係一份咕嚕肉，一份炸雞，一份宮保雞丁。

雖然三款係肉類，但係味道好唔同，唔知其他餐廳成日都係同一個味道。

咕嚕肉酸酸甜甜，好適合配白飯食。

炸雞係店員推介嘅，我哋即刻食覺得真係好好味，因為係新鮮炸起。

宮保雞丁少少辣幾好味。

整體來講性價比幾高，下次經過會試吓其他餸菜。

早幾日做完嘢喺西環買嘢返屋企食，佢哋除咗有雙餸飯，亦有小炒粉麵食，性價比超級高😍😍😍！高質兩餸飯$36，三餸飯$45，送例湯或熱飲。

鑊氣小菜$48，大熱天時買外賣好過自己身水身汗落手煮。

😆餸菜嘅款式好多，接近20款，多到好難揀，估唔到佢哋仲有開邊龍蝦🦞，真係好誇張。

仲間唔中會有新煮好嘅菜式上架，熱辣辣好吸引😋。

🥢魚香茄子🍆好香魚露同鹹魚味道，豬肉碎嘅份量都唔少，呢款好啱撈飯。

🥢西蘭花炒雜菌清新又健康，亦唔會太油膩。

🥢咕嚕肉酸甜惹味，多肉少骨。

🥢西檸雞啱啱炸起勁香脆，甜甜地好啱小朋友食。

🥢宮保雞丁炒得好香，雞肉又唔會嚡，🌶辣辣地幾好味。

📍興旺廚房 (西環)西環皇后大道西302號地舖

屋企攝咗張「興旺廚房 」嘅傳單，兩餸飯店終於開到嚟西營盤。

星期日出完街好攰，加上天氣好熱🥵，所以就決定去買外賣試吓。

店舖攤晒啲餸出嚟，選擇都幾多，賣相算吸引，當中有唔少海鮮🦐，不過好似價錢就另計。

但我哋想簡單食個快飯，所以嗌普通餸就好了。

我哋買咗一盒兩餸飯($36)同一盒淨餸($48)，包飲品或例湯，價錢大眾化🏡。

豉椒炒蜆，🐚蜆都有十幾隻，雖然唔大隻，但都算肥美。

豉椒味道OK，唔會太鹹。

椒鹽豬扒，🐷豬扒連骨，炒得幾入味，椒鹽香口，而豬扒肉質亦都唔嚡。

烤雞鎚，🍗雞鎚有四隻，外層加咗少少蜜糖拎去烤，所以食落甜甜哋。

粟米班腩，🐟班腩大大件，炸皮偏厚身，粟米汁適合撈飯，鍾意嘅可以試吓叫多汁。

總括嚟講，如果有時候唔想煮飯，兩餸飯店幫到你，價錢經濟實惠，自己買餸都差唔多錢啦🏡，而且款式多，總有一款啱食。

興旺廚房係酒樓廚師開設小菜外賣店，喺西環皇后大道西！ 除咗有兩餸同三餸飯外， 都有其他即叫即煮嘅小菜同粉麵飯，亦可以各種海鮮來料加工收費便宜！ 見到好多人排兩餸同三餸飯，所以都試下！ 款式好多， 菜魚肉都有， 仲有龍蝦食添！ 兩餸飯四季豆四季豆炒得好有鑊氣， 而且夠淋！ 酸甜魚有少少辣， 甜甜哋唔錯， 魚嘅份量適中， 一人食嘅兩餸飯都夠飽！ 唔想食飯好以要淨餸黑醋骨肉質幾淋,，唔會淨係得骨都有啖啖肉，唔會好鞋好實! 👍🏻椒鹽豬扒豬扒好入味， 件數幾多下， 厚身 可算湯或飲品節瓜湯清甜！

打風日，都係喺屋企樓下買外賣返屋企食~依家三餸飯新開張咗一陣，都未試過 今日見佢都有開門，一於就試吓啦！呢度兩餸飯$36,三餸飯$45，已經包括例湯或者熱飲 如果要半邊龍蝦就$55見到啲餸菜都幾靚，叫咗個三餸飯加半邊龍蝦🦞要咗一碗例湯同熱奶茶🥤三餸飯分別係雲耳蒸雞、三色水蛋同埋雜菌豆腐賣相都幾靚，最欣賞係個三色水蛋，蛋味濃郁，非常香滑、底部仲有鹹蛋同皮蛋！有心思嘅菜式～至於半邊龍蝦 都幾新鮮，蝦肉非常彈牙爽口，啖啖肉 份量都唔細～例湯清甜，應該冇乜點樣落味精，收貨～至於熱奶茶就非常濃郁，鍾意飲絲襪奶茶嘅唔好錯過！

興旺廚房餐單提供粵菜, 廣東, 港式等推介美食位於西環區，餐廳座位數未知人均消費約$51-100，結賬可以用現金，Booking訂位可以電話致電 91495472 查詢。

您對於西環餐廳「興旺廚房」有何 comment？

興旺廚房餐廳詳細資料：

• 興旺廚房地址:
  西環皇后大道西302號地舖
  興旺廚房, G/ F,302 Queen's Road West, Western District
• 興旺廚房電話: 91495472
• 興旺廚房價錢: $51-100
• 分類: 粵菜, 廣東, 港式
• 座位: 未知
• 付款: 現金
• FB專頁: 興旺廚房 Facebook

更多興旺廚房相關資料:

• 興旺廚房分店
• Youtube
• Facebook
• Twitter
• Google