潤匯燒臘茶餐廳 西環

潤匯燒臘茶餐廳 評價 相片

耐唔耐都會來炒幾個小菜返屋企食，昨晚又不例外，不過今次選擇堂食。

由於平時食開，所以對呢間店有啲期望。

先講我平時外賣食開嘅小菜有：魚香茄子，燒腩仔，涼瓜煎蛋，都係食過不只一次的。

先講魚香茄子：起碼食過4次，裝滿成個發泡膠盒，通常都食剩可以留下餐（因為太大份）燒腩仔：起碼食過3次，脆卜卜，不太肥，作飯前小食一流涼瓜煎蛋：起碼食過3次，涼瓜不苦，蛋很滑，不油膩另外之前食過一次紅燒豆腐，不過豆腐係「叔」嘅，亦都因為呢個經驗，今次唔敢叫豆腐回歸正傳，今次3個人叫咗2個小菜套餐（即係小菜+飯）同1個小菜。

土魷蒸肉餅套餐（$61）份量好似少過外賣，味道不錯枝竹斑腩煲套餐（$68）淨叫煲要78，幾好食，份量很足夠涼瓜煎蛋（$61）以呢個價錢同份量嚟講真係好貴，而且沒如前幾次般幼滑，還有點油淋淋睇到呢度都唔係好差啫，返到屋企先發覺有問題成晚都很口乾，很明顯頭兩碟有很多味精，這也解釋了為何我會覺得整得好食下次，要揾過其他店食小菜了*整體評ok, 係因為以前好食，但今次真的失望了

茶記黎講環境算幾好，燈光夠光猛冷氣亦夠大，可惜除左環境冇野值得提。

睇個餐版有幾個種類，有燒味類同蒸飯類。

而喺蒸飯類下面有行字寫住凍飲+$2但其他類就冇既，於是問下個阿姐其他包唔包野飲，點知佢一句得埋黎就話"咪寫左咯，自己睇啦"真係有啲燥，於是我叫左個肥叉切雞飯，個飯黎到我見冇薑蓉我就好好聲氣問有冇薑蓉，點知佢竟然同我講"要就早啲講啦"果野真係火都黎心諗你叫杯檸茶唔同佢講要檸檬?之後就成碟飯收走幫我加，碟飯啲叉燒非常干身咬落去亦好硬，而且味道過咸，好明顯係燒過龍。

啲雞又普普通通唔係特別出色，成餐飯愈食愈燥

潤匯燒臘茶餐廳餐單提供港式, 燒臘, 茶餐廳, 冰室等推介美食位於西環區，餐廳座位數60人均消費約$50以下，結賬可以用現金。

您對於西環餐廳「潤匯燒臘茶餐廳」有何 comment？

潤匯燒臘茶餐廳餐廳詳細資料：

• 潤匯燒臘茶餐廳地址:
  西環西營盤正街1-7號寶豐大廈地舖
  Yun Wun Restaurant, G/ F, Bo Fung Building,1-7 Centre Street, Sai Ying Pun, Western District
• 潤匯燒臘茶餐廳電話:  
• 潤匯燒臘茶餐廳價錢: $50以下
• 分類: 港式, 燒臘, 茶餐廳, 冰室
• 座位: 60
• 付款: 現金
• FB專頁: 潤匯燒臘茶餐廳 Facebook

更多潤匯燒臘茶餐廳相關資料:

• 潤匯燒臘茶餐廳分店
• Youtube
• Facebook
• Twitter
• Google