漁王世家海鮮火鍋料理 西環

漁王世家海鮮火鍋料理 評價 相片

當晚預先訂位慶祝媽咪生日, 一家八口食火鍋放題,每人$168, 有大人連一個歲半BB, 諗住唔使煮, 夠方便。

地下大堂接待好有禮貌, 裝修都OK, 由於有兩位成人未到, 我地先攞左位, 坐底後有一個男性主任來問我地合共幾多人, 我地無計BB話八位, 佢就計埋BB話九位, 我阿妹只不過想澄清收費有無計埋BB之麻, 點知個位主任就發脾氣話:我要知你地幾多位, MARK番落張單度呀嘛!態度非常惡劣, 語氣非常之差, 連我阿妹出名好脾氣都頂唔住。

之後落單點食物, 將張ORDER紙比呢位主任, 佢行到埋來我地張枱, 二話不說就一手搶左我老公手上個張ORDER紙, 今次到我老公頂唔住, 於是望住佢, 點知佢仲怒睥我老公, 由於我地有老有嬾, 費事同佢嘈, 唯有啞忍。

之後要講一下點食物方面, 老實講, 西環酒樓火鍋放題平均只需$100左右一位, 呢度收成$168未連加一服務費, 都算貴啦, 所以我地會對D食物有一定期望, 但好可惜, 食物質素一般, 選擇不多, 最衰就係除左第一張單會來到八成嘅食物之外, 之後所落的單一張都無來過, 由於限食兩小時, 我地就係度白等D食物來, 浪費曬D時間, 差不多夠鐘再追問之下來多一碟得幾片的肥牛，所以到夠鐘我地都無食得飽的感覺。

雖然大部份員工都好好禮貌, 但係食餐飯仲要比錢受氣, 又食唔飽, 我真係覺得好唔抵, 咁樣做生意的手法, 真係不能接受。

所以, 我地全家最後決定, 永遠不會再去幫襯。

近日接受全身檢查，報告竟指我營養不足！雖然自己是為健康而減食，但這結果出乎意料。

既然如此，當然要積極補充啦！（又一個爛藉口 ...）這晚，就選去附近的＜漁王世家＞。

這家正慶祝開業三週年的食肆，老闆是海鮮批發商之一，實力無疑是雄厚；然而開業一輪旺場後，似乎生意不甚理想。

前些時推出了火鍋放題，現在再推出週年九折：八時半前全包價$205，八時半後只需$151。

八時半到埗一看，兩邊的卡座所餘無幾，但大枱和內堂入座率都偏低。

食肆天天營業，總不能靠一週只有一兩次的週末人潮吧？不禁擔心 ...翻出柯打紙一看，食物種類跟以前沒甚麼分別。

先點個芫茜皮蛋湯底，但上桌時發覺不是清湯，而是呈灰白色的；材料是芫茜、皮蛋沒有錯，還有雜菇、豆腐等配料。

一問之下，原來店方為我們「免費升級」為原本要加$30才有的魚湯底！鍋底很大，全程不用加水；我倆舀了一人一碗來喝，確是有魚香和鮮味，至於有沒有用魚湯寶補味，就不得而知了。

雖說是以「補充營養」為名、「喪食」為實，但為免食壞身子，也「喪」不到哪裡去。

最先下肚的幾碟，都是瓜菜和菌類。

有別於＜德興＞的小碟上枱和＜新星＞的大拼盤，這兒的每一碟都份量相當，缺點是難以多試幾味，不然就難免浪費了。

然而，從照片也清楚可見，其材料甚具質素。

吃完這些「健康食材」，其實已飽了大半。

相比之下，我們吃肉就克制很多了：除了拍了照這些，另外就只有炸魚皮、牛腱片和特別聲明是「白豬仔」的午餐肉（一入口就知道所言非虛，吃完才記得忘了拍照！）。

除了材料優勝外，連任飲的都不馬虎；尤其啤酒，竟不是雜嘜而是藍帶細枝裝，我食唔落都要飲番枝！可能客人不多的關係，侍應的服務都很週到，碟收得很快，所有要求都極速完成。

＜漁王世家＞各方面都很落本，以品質做好口碑的意圖很明顯；擔心的只是，若業績仍舊不振，那些兢兢業業的伙計又可往何處去？

我們由九龍專誠去西環試,上到去,好大個魚缸,有一格好多大龍蝦,好吸引我們已訂房,入到房,有電視,我們7個人坐,很舒適,先來白雲鳳找,鴨臣及開胃青瓜,侍應推介招牌梳籮魚湯底,再加豬骨湯底,魚湯真的很鮮,,豬骨湯也不錯,但魚湯較突出,我們也爭先飲魚湯魚生類有梅瑰露酒醉生蝦及一條斤多重大立魚魚生,梅瑰露酒醉生蝦,蝦的腳還是生動的,肉很爽,很香魚缸自選大立魚,擺設得很好看,吃起來質感很好,太新鮮再來火鍋,新鮮鮑魚滑,安格斯肥牛,很有咬口,美國肥牛肉味正,肥大桶蠔滿足,侍應也很細心,提醒我們,先前的立魚魚生頭尾再焦鹽,又香又好味,無浪費又是一個與好友開心滿足的晚餐

漁王喺西環開左都2﹣3年，我都未幫襯過，見呢排佢有小菜食就諗住同屋企去食母親節飯，點知食到一肚氣！BOOK左枱5位，去到佢竟然俾個4人卡位我地坐，我地同佢講話可唔可以換枱（因為實在會太迫，我地係5個成年人，無小朋友），佢地話，加個位喺走廊位咪得（卡位，喺走廊嗰邊加個位！），結果同佢理論左一輪都換到枱。

叫菜嗰陣，佢地只係俾左張SIMPLIFIED 的MENU 我 （得十幾款餸），我問佢有冇份FULL MENU，個部長答 “呢到係主要既”，我再CLARIFY 嗰陣先有個高級少少的部長過黎話今日係母親節所以無左平時個MENU，算啦。

落單時，我見到有味菜係 ”XXXX 海中寶“，咁就問個呀姐係咩黎，佢話”都係嗰D 野啦，魚蝦蟹嗰D咁“，我問咁即係魚定蝦定蟹，係煲定係炒定點，佢完全唔知，結果都無答到我。

最後落左個套餐，野食係唔差的。

個套餐有刺身，一條老虎斑，雞，扇貝，一個湯羹，仲有兩碟小菜。

佢個刺身係唔差的，有鮑魚仔，幾鮮甜，可以ENCORE的。

套餐有個海皇羹，黎到其實係一個魚湯米線嗰D味精魚湯，飲左一啖已經知道會越飲越口喝，最後成煲無飲到。

條魚好好食。

呢到叫魚王，原來真係只係魚類海鮮類先好食。

食到最後，佢上個跟餐的甜品 ﹣壽飽，放左上枱一陣，忽然間我地見到有一隻小曱甴喺個籠到！（其實唔係好大隻，但都係一隻曱甴！！）我即刻叫個部長過黎，佢第一個反應竟然係撥走佢！！！仲要撥左喺張枱到！！實在太過份，我已經唔係鬧佢有曱甴，問題係佢當下個反應，如果佢撥完彈左唔知去邊咁點算！最後我同個我估係部長呀頭去投訴，佢好似聽完就算，無再理我。

我以後都唔會再去呢間野！

今日契家姐生日,夜晚,約埋佢兩個老友共4個人一齊食餐飯, 慶祝兼高興吓喇. 因為遷就其他香港島區嘅朋友,所以揀咗"漁王世家"其實半年前試過,佢哋嘅菜式唔錯, 所以今晚再去. 結果冇令我哋失望, 契家姐,同佢兩個老友都話去啱地方 !!讚我點菜唔錯! 契家姐開心嘅表情,"盡在不言中".喇!!由"小碟扁豆肉粒"展開序幕, 已經食過不停, 接住係"紅玫瑰活魚刺身" 碟魚上枱嘅時候仲喺郁郁吓...就知新鮮, 每片沾上日本醋一齊食帶出魚鮮甜味, 一口魚片加一口香檳酒更有另一翻滋味.跟隨上嘅係" 野生加拿大龍蝦沙律" 未食睇樣已經好吸引!!!龍蝦切片配以鮮波籮加上日式沙律醬味道無窮...熱盤緊接"紅玫瑰活魚炸魚骨" 非常香口野味, 今晚3位女仕得我一個男人就一定食番火煱喇, 湯底係梳籮魚煲嘅,鮮甜濃郁, 待應温馨提示"先煲滾5分鐘"試一口頭啖湯然後再淥我嘅至愛"肥牛"...今晚碟牛牛..保持水準牛味豐厚!! 仲有佢哋自家製手打"芝心牛丸" "鵝肝墨魚丸"非常有特色. 再來"唐生菜配皇帝菜"食到喱度已經飽飽...最後上嘅係自家制"桂花糕" 好香桂花味, 不過質地唔夠結實,所以同經理反影咗!! 還有一個""鮮果盤" 真係一次滿足哂鐘意食好嘢朋友嘅要求. 漁王世家嘅菜式好有創意, 材料新鮮...所以同大家推介一吓!!!

漁王世家海鮮火鍋料理餐單提供港式, 火鍋等推介美食位於西環區，餐廳座位數未知人均消費約$201-400，結賬可以用現金。

您對於西環餐廳「漁王世家海鮮火鍋料理」有何 comment？

漁王世家海鮮火鍋料理餐廳詳細資料：

• 漁王世家海鮮火鍋料理地址:
  西環皇后大道西455至485號龍暉花園1樓及地下2號舖
  Neptune's Hot Pot, Shop2, G/ F&1 F, Dragonfair Garden,455-485 Queen's Road West, Western District
• 漁王世家海鮮火鍋料理電話:  
• 漁王世家海鮮火鍋料理價錢: $201-400
• 分類: 港式, 火鍋
• 座位: 未知
• 付款: 現金
• FB專頁: 漁王世家海鮮火鍋料理 Facebook

更多漁王世家海鮮火鍋料理相關資料:

• 漁王世家海鮮火鍋料理分店
• Youtube
• Facebook
• Twitter
• Google