嘻意 西環

嘻意 評價 相片

厚切黑毛豬扒湯意粉＋黑松露炒滑蛋配意式厚多士🙈$40我就好少過海，難得過黎，而咁啱有野做，就食得豐富少少😂豬扒夠厚身，而且幾入味。

炒蛋夠哂滑，配埋個油多，真係好邪惡😂整體味道唔錯，啱哂我口味。

而且大大份，又飽肚，幾抵食👍

行過見到呢間餐龐主打意式加日式食品，裝修又新淨企理，所以就走左入去會一會到底佢胡蘆裡面賣咩藥。

等位唔算太耐，等左兩張就入得。

入到去見到每枱都叫左隻燒春雞，再睇下餐牌，原隻燒雞都係賣68蚊，差d忍唔住叫左隻，但無飯無麵始終到喉唔到肺。

由於呢間餐廳西餐又有，日式野又有，揀左好耐，最後叫左個鐵板雞扒餐，盛惠78蚊。

講返個鐵板，送到黎都感覺有d水準，首先係個鐵板夠哂熱，但可惜佢就凍黑椒汁另上，呢到扣少少分。

鐵板餐跟珍珠飯、薯條、煎蛋、雜菜同舊蕃茄，咁多配菜的確係幾有誠意，希望佢可以繼續keep住！我幾欣賞舊雞扒燒完（或者煎完）再用芝士焗既做法，令到成塊扒既味道豐富好多，同時佢既雜菜都唔係齋烚，而係用雲腿絲炒過，雖然略為多水，從小處見大處，整體上我都比佢正評。

如果喝餐有埋飲品或者湯既話就真心無得彈！

店舖裝潢光猛, 打西日式餐廳旗號我order咗個咖哩牛坑腩飯, 咖哩聞起嚟都香, 食落非常淡我太太點咗個鮮蜆煙肉黑蒜香草意粉, 一嚟到, 就係一碟港式炒意粉囉, 成碟嘢有四粒好似手指尾塊指甲咁大嘅蜆, 煙肉一塊都食唔到, 而且我太太係見佢英文寫black garlic and cream sauce先嗌呢個, 結果係乾炒咁乾另外仲叫咗個西西里龍蝦湯, er, 係蕃茄湯囉啲嘢食本身唔係難食嘅, 只係同個名不符, 唔係你以為係嘅食物囉如果你對食物有要求, 我唔會recommend, 我自己唔會再嚟, 但如果只係為飽肚, ok的

有時間同老婆撐枱腳食下午茶餐 睇個價錢牌 都唔算太貴 點了兩個餐 一個咖哩牛坑腩 其實唔使講大家都知係牛肋條嚟㗎呢 另一個係紅酒燴牛肉 兩個都配飯飯都份量幾多有碗半 咖哩嗰個 煮得好好味 好香 唔太辣味道恰到好處 紅酒嗰個有少少失红洒落得多咗啲有啲酸 兩杯飲品就差咗啲啦因為用膠杯所以好快就會凍咗 但整體嚟講同區可以叫做中上 茶餐廳價錢餐廳嘅質素 .只要用心去做係有得做嘅

^<嘻意>^ 💋 美味四式: ¤ 好味😋.同朋友喺呢頭附近行完，求其搵啲嘢食。

成隻雞，$68。

隻雞其實唔算好大隻，新鮮熱辣，啲汁滴緊出黎。

啲雞肉都幾嫩，唔使沾汁都好好味。

.架車仔其實係兒童餐。

個朋友突然話想食兒童餐， 估唔到兩個大人個侍應都畀我地叫兒童餐😂 兒童餐$45以上。

兒童餐有沙律，有飯或意粉，有嘢飲。

其實我覺得如果一個細食嘅女仔係夠飽嘅。

我哋嘅飲品係兒童鴛鴦😂其實即係好立克同埋阿華田混合版。

我覺得佢啲瞓覺得唔夠多，所以味道淡咗少少。

.咖哩牛腩飯 > 個咖哩唔辣， 啲牛腩都算係淋身嘅。

都值得一試。

..📢忠告:推介原隻燒雞!.如果想懷緬青春，做下兒童嘅，都可以試下兒童餐😳.唯一就係呢度冇套餐，如果你想飲嘢就要加錢，即係飲品半價

嘻意餐單提供日本菜, 意大利菜, 日式西餐等推介美食位於西環區，餐廳座位數未知人均消費約$51-100，結賬可以用現金，Booking訂位可以電話致電 27862488 查詢。

您對於西環餐廳「嘻意」有何 comment？

嘻意餐廳詳細資料：

• 嘻意地址:
  西環皇后大道西513號尼斯花園地下B號舖
  HeyIta, Shop B, G/ F, Nice Garden,513 Queen's Road West, Western District
• 嘻意電話: 27862488
• 嘻意價錢: $51-100
• 分類: 日本菜, 意大利菜, 日式西餐
• 座位: 未知
• 付款: 現金
• FB專頁: 嘻意 Facebook

更多嘻意相關資料:

• 嘻意分店
• Youtube
• Facebook
• Twitter
• Google