利寶餐廳 西環

利寶餐廳 評價 相片

二月下旬‧晴路經此地，見蛋卷黃黃的幾吸引，加上阿姐落足咀頭說好吃，就拿了六元半出來買一件吃一吃。

質地鬆軟，吃起來有蛋香，奶油不過多也不太膩，果然不錯。

有時這些地區小店的出品也不錯的。

預算了一天在香港辦事. 因為要去潮州商會幫老細交錢而來到西環一帶. 事成, 問埋潮州會館有關食既少少資料. 我也開始在西環找找東西吃. 翻一翻貴網的資料. 我也有一大段時間沒有在西環一帶留下食誌. 今日決定不回上環, 就行去東邊街一帶尋覓.行上少少, 找到目標的茶餐廳. 西環區舊, 舊的區域, 要找舊的店, 才感覺到風味同人情. 這家小小的茶記, 就是因為夠舊才吸引我入來.中午, 多人到要等位. 原因, 不是這兒極好食, 而是這兒極便宜. $25一個快餐連飲品.熟客仲送多一碗湯. 難怪會人人來, 日日來. 而且呢間茶餐廳, Maximise capacity. 座位排得密密的, 沒可能坐得舒服.想食牛, 令天的蘿蔔賣哂, 我只好改食枝竹牛腩飯. 加一杯日飲夜飲既熱奶茶. 人多, 食野係要等的, 有人催, 但反而被姐仔責備. 叫先生不要催, 要來的自然會來, 等一下就會有. 可是出菜次序亂, 周不時遲來的客人會先有野食, 飲品又遲遲未到. 趕時間想食個快餐的話, 就不要中午來了.等了不算太久, 飯來了. 這兒好似食小菜套餐般, 飯餸分開的. 枝竹牛腩, 多汁, 充滿南乳香味. 有汁有肉, 撈飯食, 絕對是好. 枝竹, 是經炸過的枝竹, 口感比較粗, 但炸過的, 不會溶, 沾上腩汁, 很是不錯. 而牛腩, 一舊舊爽爽的. 雖不是太腍, 但感覺適中, 唔會一下子散哂, 唔會韌到咬唔落. 整體上, 是不過不失的一頓午餐. 比上不足, 比下有餘. 但$25一餐, 可能要求有大酒樓質素嗎. 將貨就價能做到好味道, 已經是非常好.食飽, 回中環, 繼續下午要辦的事情.

老公細個住呢頭, 朝朝返學都同奶奶去呢度食早餐, 見覆診前都想醫一醫個肚, 所以就同老公來試下呢間:下午茶時段我叫左個豬扒蛋公仔麵($19), 老公叫左菠蘿油火腿蛋($18)舊式茶記, 呢度當然唔算坐得舒服, 不過都係食個下午茶, 食完就閃人, 所以都冇咩要求豬扒蛋公仔麵 嘩, 塊豬扒都唔知係煎定炸, 竟然可以出到好似豬肉乾咁比人食, 我真係未食過咁乾既豬排, 原先都想叫人換, 不過老公話呢度換幾多塊都係咁, 唔洗換. 公仔麵好淋, 根本都唔想食呢碟野, 最後真係好勉強咁食少少菠蘿油火腿蛋 個飽來到好似比人搞完一大輪, 唔完整又唔係漲卜卜咁, 好似比人襟完又"meet"開咁, 賣相令人唔多開胃, 又唔係特別好食我真係諗唔到呢度間舊野, 如果真係摺左, D cook仲有冇得撈? 佢地整得咁難食...可能老一輩熟客(如我老公細個食到大)慣晒就冇野, 但我第一次食就真係接受唔到

很普通的荼餐廳. 環境普通. 食物普通. 但價錢算便宜.午餐選擇算幾多. 不算好味, 但不難食.我自己未在店內遇到小強.但有同事不只一次在店內發現小強.

以前呢度叫金寶, 細個成日都外賣"火腿雞絲蕃茄意粉",同埋食早餐x燒通粉, 之後改左名都冇黎過啦,今次叫左個蕃茄雞絲意粉,老闆娘仲提我只係煎雞扒再切絲,個茄汁同細個食既一樣咁好味, 好夠酸, 仲有一舊舊既蕃茄添!而雞扒都醃得好好味, 意粉係港式淋晒o個隻...個熱檸蜜好味, 夠甜!lunch time都幾多人, 仲有好多煙民,大家去要考慮下!!

利寶餐廳餐單提供港式, 粉麵, 米線, 茶餐廳, 冰室等推介美食位於西環區，餐廳座位數未知人均消費約$50以下，結賬可以用現金。

您對於西環餐廳「利寶餐廳」有何 comment？

利寶餐廳餐廳詳細資料：

• 利寶餐廳地址:
  西環西營盤東邊街18號地下
  利寶餐廳,  
• 利寶餐廳電話:  
• 利寶餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 利寶餐廳 Facebook

更多利寶餐廳相關資料:

• 利寶餐廳分店
• Youtube
• Facebook
• Twitter
• Google