阿爺燒鵝餐室 西灣河

阿爺燒鵝餐室 評價 相片

呢排多咗Home office，可以等到下午茶先食飯，去到附近嘅阿爺燒鵝，就嗌咗盒飯外賣。

之前食過佢嘅黃金蛋叉燒飯，略嫌鹹咗少少，今次試返佢嘅招牌燒鵝，由於下午茶只係$40 ，我仲以為份量好少，點知返屋企一開，竟然係成隻燒鵝髀😱，實在太驚喜，燒鵝入口好嫩，又唔會太肥，啲燒鵝油滲晒落啲飯度，每一啖都覺得好香，雖然有少少邪惡，但係我都食晒成盒飯😋下午茶餐有杯熱飲，我叫咗杯熱檸茶，杯茶就有少少怪味，不過因為隻燒鵝髀，我原諒咗佢😂，希望下次都咁好彩，斬隻燒鵝髀比我🤩

極不愉快事件！～出左單沒有取貨，但店方堅持我方已取，不退錢不退貨，更給店方大鬧一場～事緣是過年前，我到該店詢問想預訂半隻燒鵝，店方稱不用預訂，過來買便可以了。

到了年三十晚下午2:30，我過去買燒鵝，但當時沒有貨，而我只能請家人在5:30再去購買，早或遲都去不到。

有食客看見我擔心5:30又沒有貨，提議我馬上付錢，5:30憑單拎，店方說好，我付了錢，取了單。

5:30家人去到說要半隻燒鵝，忘記了我已付錢，又付錢買了⋯⋯過了三天，我們拿着末取燒鵝的單去告訴店方（我們也知道是自己糊塗，也明白沒可能退錢，心想如果店方願意給回半隻燒鵝已很感激，如果店方因為當天已留燒鵝給我們，但因我們自己沒有取而已棄掉燒鵝，我們也會接受）然而，店方首先說單上的原子筆字不是他們寫的，又堅稱他們會有另一張單貼在店，裏，客人一日未取，他們一直也不會撕下來（我買的時候，沒見到他們有貼另一張單），他們說當天至今，也沒有我那張單貼過在店中，更堅稱，即使年三十當天，我們取這單去取燒鵝，也不會有貨！對這間做街坊生意的小店真的深感失望！服務態度和行政太混亂！我是心平氣和的跟他說，好像叫「婽姐」的卻大罵我一場！那有街坊咁無聊，偽造一張單呃佢嘅燒鵝😡

服務態度勁垃圾 今日見佢新開去買外賣 見到個收銀對老人家態度極差 我哋買外賣問多兩句 佢好大力指住個餐牌 話自己睇啦！話唔得閒招呼你態度超垃圾 自己入錯咗單 又唔肯換番 話要等好耐就打發你走 咁嘅服務態度呢個時勢 等食風啦 建議唔好去 食物質素好一般 大家樂會好過佢其實間間都係咁做 你有幾忙幾巴閉呢 同埋對老人家咁嘅態度 真係忍唔到囉大家見到碗粉 同大家樂茶餐根本冇分別 咁你又憑乜嘢咁嘅態度呢 真係超失望不過第一日態度都已經咁 我諗我應該都會叫識嘅人都唔好去可能佢其他鋪會好啲 帶埋呢間真係好shit!!!!

每日返工都經過西灣河，每次經過都見到大排長龍好多公公婆婆喺度等買料加餸，前幾日上咗朋友屋企，落到樓下我就建議去食呢間餐廳今次叫咗個二人餐雙拼燒味梗係叫燒鵝黎食，再加燒肉燒鵝皮十分之脆，充滿着爐香，肉汁爆曬出嚟，肉質夠實，焗到恰到好處，最緊要就係嘗試到佢哋嘅油香套餐入面仲有炒蛋，梗係唔係普通嘅炒蛋啦係加入左鹹蛋黃落去炒，每啖都充滿鹹蛋味加上滑蛋嘅香頭先提起過鵝油係重中之重，拎鵝油黎撈麵，每條面都充滿着油香，正

阿爺燒鵝除左燒鵝好食之外，佢既下午茶都做得不錯。

今次得就嘗試阿爺推介：蔥花黃金炒蛋+鮮油醬多，一改以往下午茶既配搭。

炒蛋加左蔥花口感幼滑，鐘該食蔥既我幾喜歡！鮮油醬多又有鮮油又有花生醬，甚少見到咁既配撘，口感一流，再加上新鮮烘多士，冰火交融而不油！值得推介！

阿爺燒鵝餐室餐單提供粵菜, 廣東, 燒臘, 茶餐廳, 冰室等推介美食位於西灣河區，餐廳座位數50人均消費約$51-100，結賬可以用現金,八達通，Booking訂位可以電話致電 26188248 查詢。

您對於西灣河餐廳「阿爺燒鵝餐室」有何 comment？

阿爺燒鵝餐室餐廳詳細資料：

• 阿爺燒鵝餐室地址:
  西灣河筲箕灣道147號地下2號舖
  Grandpa Roast Goose Restaurant, Shop2, G/ F,147 Shau Kei Wan Road, Sai Wan Ho
• 阿爺燒鵝餐室電話: 26188248
• 阿爺燒鵝餐室價錢: $51-100
• 分類: 粵菜, 廣東, 燒臘, 茶餐廳, 冰室
• 座位: 50
• 付款: 現金,八達通
• FB專頁: 阿爺燒鵝餐室 Facebook

更多阿爺燒鵝餐室相關資料:

• 阿爺燒鵝餐室分店
• Youtube
• Facebook
• Twitter
• Google