真味鮮廚 藍田

真味鮮廚 評價 相片

今天一行十人第一次來食呢間，入到去見到全場滿座都係食蒸氣火鍋，不過我地有2位老人家，只好叫餸食飯(應該全場只有我地呢枱)叫左10餸，每碟餸都超迷你(價錢不迷你)，除了蒸魚，其他只有3人左右份量，燒味拼盤份量最離譜，比平時美心快餐四寶飯啲餸份量多少少 碟碟都咁嘅份量比十個人食真係食唔出佢好唔好味。

食物一般、服務態度差，由帶位至樓面或更甚是部長，雖然可能人手上出現問題，但亦應該敬業拗業。

同一區在啓田商場的海港酒樓還要好一些，可以見得係管理上出現極大問題，可惜的一餐晚飯呀！

今晚一行五位黎到藍田呢度食蒸氣火鍋, 藍田話大唔大, 話細唔細, 雖然住係官塘區, 不過黎呢頭的確少之又少🙈🙈🙈今日終於黎到食喇👍🏻😂 小妹出去食海鮮真係好少, 因為出去食價錢都較貴... 如果唔係朋友話黎我呢度我應該好少會選擇呢度種類唔算十分之多, 不過價錢算大眾化👍🏻主角係海鮮蒸氣火鍋, 不過呢度同韓式九層塔食法有回不不同, 蒸鍋只有一層, 可以慢慢食而且唔使一次過蒸晒而令海鮮over cook, 大家亦可以按個人口味選擇食材既先後次序. 而每款海鮮都有特定嘅蒸煮時間, 絕唔會因為食得太慢而令海鮮煮得太熟太干😊😊😊安格斯肥牛 $88先蒸2分鐘, 反轉再蒸多1分鐘就食得喇!牛肉食落有口感唔會太過老, 不過唔算好有牛味, 味道一般般唔算好突出蒜容粉絲蒸元貝食落味道都幾好而且仲保持到一定既口感, 唔會太過林! 不過蒜容同粉絲個人感覺唔夠多, 如果可以多返少少蒜容味道會更加香! 😁😁😁👏🏻鮑魚呀鮑魚 😍size唔算好大粒, 不過味道都幾好而且食落帶d彈牙, 唔錯唔錯👍🏻蜆蒸出黎好香好有蜆既香味, 而且粒粒都開口, 正明好新鮮😋因為都叫左好多海鮮, 海鮮唔可以話係十分新鮮, 但又未至於係差, 雖然簡簡單單以蒸既方法可以食得出海鮮既鮮甜, 不過始終香港宜家已經唔算係個沿海地方, 因為唔係一捉上水就蒸黎食, 個味道始終差少少, 不過整體方面味道都ok最後就係呢盤雞喇! 味道唔算好突出可能時間控制得啱啱好, 所以雞肉唔會過老蒸氣火鍋更能食岀鮮味, 呢度既味道算不過不失, 不過勝在抵食！ 😊😊😊

想吃蒸氣火煱，決定近近地試吓呢間，侍應介紹吃全包宴套餐。

一行5人order 了4人餐，加一碟安格斯手切牛肉。

埋單唔使$850, 超抵食，喜出望外套餐包六式刺身拼盆、七孔鮮鮑、龍躉頭腩、半隻鮮雞、黑毛豚肉、蝦丸牛丸、沙白……份量勁夠，差D食唔晒，喜出望外，下次會再 encore

早一星期已訂座，主要試他們的長腳蟹。

（之前去過其下集團將軍澳分店及鰂魚涌店，是很有水準的！）食飯前兩天，再三致電預留長腳蟹，得到對方「無零兩可」的回覆，話D蟹唔知有冇得返結果當晚6點去到，佢地話返得3隻、冇蟹喇！d蟹比人訂晒（我不是人嗎？！）佢地所指的是$188/斤，冇都冇辦法，點知有個叫孖寶$868（長腳蟹4斤+燒鴨例牌）都好過冇喇！要左！再加多個6人餐$938。

結果4斤超梅長腳蟹，隻蟹死左唔知幾q耐先比人煮、燒鴨超鹹！個6人餐更加不知所謂 ！最最最緊要係d侍應，沒招呼可言，尤其是個男經理！我地等另外一隻面包蟹，等左足足一個鐘，都未到，佢話我地要比d耐性喎、唔好咁心急喎！成餐飯根本係垃圾！經理都係垃圾！

真味鮮廚餐單提供粵菜, 廣東, 點心, 酒樓等推介美食位於藍田區，餐廳座位數未知人均消費約$51-100，結賬可以用現金。

您對於藍田餐廳「真味鮮廚」有何 comment？

真味鮮廚餐廳詳細資料：

• 真味鮮廚地址:
  藍田茶果嶺道95號麗港城三期麗港中心地下1-2號舖
  Taste Full Kitchen, Shop1-2, G/ F, Laguna Arcade, Phase3, Laguna City,95 Cha Kwo Ling Road, Lam Tin
• 真味鮮廚電話:  
• 真味鮮廚價錢: $51-100
• 分類: 粵菜, 廣東, 點心, 酒樓
• 座位: 未知
• 付款: 現金
• FB專頁: 真味鮮廚 Facebook

更多真味鮮廚相關資料:

• 真味鮮廚分店
• Youtube
• Facebook
• Twitter
• Google