B哥小廚 藍田

B哥小廚 評價 相片

拜完爺爺, 嫲嫲, 公公和婆婆後, 由於在拜祭時已吃下不少燒肉和滷水鵝, 晚上一家人決定吃清少少免腸胃負荷過量.是夜由我和薑餅人負責點菜, 要了四款:涼瓜炒蛋白 不油不膩, 蛋白也不過老.魚湯粉絲浸花甲 也是清新之作, 後來老豆自家烹調, 當然更勝一籌.炒A菜 蔬菜當然不能少啦!A菜就像是油麥菜吧!大千石窩爆斑腩 這是今晚最濃烈的菜式.味道帶香辣, 斑腩外層脆漿略厚, 肉較乾兼欠香味.薑餅人叫了碗白粥吃, 這粥竟出乎意外地好吃, 夠錦夠香夠甜.

雖然身體有點不適,但還是想試試未試過的店鋪.可能有點涼的關係,20:30左右亦唔洗等位.哥仔們好快招呼左我地坐低,我地亦都好快咁揀左3樣野:蒜香骨$50:係見到唔少食家推介而試,上菜速度幾快,一上碟俾我感覺就係: wa@@真係好多蒜,不過食落d肉又唔會太咸.又唔"刃",又唔會件件大大骨小小肉,肉是偏多但每件都連骨.適當ge蒜香配合豬肉,如果送啤酒就真係一流,不過由於身體不適,都無咁做,但係就由炒飯改左做白飯就算,因為唔想俾個炒飯搶晒風頭.羅漢齋煲$50:有粟米,支竹,菜,豆腐,雲耳等,不是南乳的;其實味道用料就唔錯,不過就細煲左少少.羊腩煲$98(九點後係$98,但九點前就不清楚)支竹很腍,吸了不少芹菜味;羊腩還是要連骨的才爽!勁腍!整件都是肉的果然"刃".另外加$10要了生菜,很充實的一餐.可以挑剔的是羊腩煲不是用瓦煲,如果本身有跟菜亦更佳.向來都覺得呢區係爭一間大排檔的物體,雖然不是新開張了,但都尚新.侍應們有d地道的味道,但亦有禮.價錢一般,但食物有質素,加上服務,即使無咩環境可言,但衛生情況可接受,比個good先!

早上飲完茶，下午三點又肚餓，自己落街睇下有咩好食﹗本來想食粥，行到入來太平街市先見到原來開多左間b哥小廚，當然試下啦﹗坐位開揚，可以感覺到有零星的冷氣，鋪位都幾大放滿街，食物多元化粥粉麵隻咩都齊，仲有海鮮咖哩等，夜晚可以同老豆落黎食下小炒﹗叫左b哥炒飯，跟多杯凍奶茶，38蚊﹗炒飯有鑊氣，入面有蛋絲同埋大量蝦米粒，食落有口感亦都惹味帶鹹香，由於我一向都好鍾意食蝦米，所以覺得呢個炒飯很不錯，碟頭亦大，一個大男人食完都覺得十分飽肚﹗不錯的炒飯，值得推介，下次再來試試其他食物先﹗

After the first visit, came here again, this time the food we ordered wasnt that Sichuan style, especially the egg and beef and tomato,The chicken was presented nicely surrounded in Chili oil, and quite spicy, an equal portion of chicken leg, breast rather than odd bits.The egg and tomato was a bitlike home cooked style, strong in tomato flavour and the egg wasnt that greasy.

此店開業個多月,裝修將店前的門牆拆去,變成一個開放式的格局,視野開揚,感覺好像是寬敞了很多.今次五個人,叫了:子薑麵醬蒸魚雲$65 魚雲幾滑亦入味,不過少了些!鮮什菌炒豬爽肉$48 買相幾好,豬頸肉亦爽,水準不錯!椒鹽九肚魚$58 夠脆,不油,OK!豉椒炒蜆$60 用沙白蜆,細細隻,小少辣.幾好味,不過很多蜆都去了潛水.涼瓜炒蛋白$38 一個首次嘗試的小菜,蛋白的滑配上涼瓜的爽,老幼咸宜又好食!懷舊頭抽豬油撈飯$16×2 個人認為這個比X菜館和X榮華的更香,更滑,更油,更好味!6啤酒$132 加1米粉,埋單四百多元,價錢一般.侍應的服務水準一流,可以重臨!

B哥小廚餐單提供川菜, 四川, 大牌檔等推介美食位於藍田區，餐廳座位數未知人均消費約$51-100，結賬可以用現金。

您對於藍田餐廳「B哥小廚」有何 comment？

B哥小廚餐廳詳細資料：

• B哥小廚地址:
  藍田啟田道51-67號啟田大廈地下太平街市M22舖
  Uncle B Kitchen,  
• B哥小廚電話:  
• B哥小廚價錢: $51-100
• 分類: 川菜, 四川, 大牌檔
• 座位: 未知
• 付款: 現金
• FB專頁: B哥小廚 Facebook

更多B哥小廚相關資料:

• B哥小廚分店
• Youtube
• Facebook
• Twitter
• Google