生活知味 薄扶林

生活知味 評價 相片

因為很久未幫襯過所以比多次機會自己，原來都是失望的！兩個人 order 兩份晚餐 。

牛肉個份餐d 牛肉眞係差到食了一半都無，另一份什麼班塊 d 炸粉就大 la 又乾 最緊要就係舊魚 * San * 到不得了 !!!!! 但價錢又不是平阿 !!! 所以以後有人請也不會去的 !!!!

我係街坊, 住左呢頭都好多年. 基本上個個星期都一家大細食早餐, 食左好多年. 最近見部份人換左, 唔該老闆好好 TRAIN 吓侍應, 食西餐比筷子, 已經發生好多次, 係冇用心去 SERVE 客人, 求求其....再唔係一定唔夠餐具, 5 個人比 4 份...之類. 仲經常比錯食物. 最衰係一樣 : 永遠飲品最遲, 放到一枱係, 口乾乾, 點食??????

入到去, 永遠冇人理你我唔係VIP, 我唔洗人鞠曬躬同我講歡迎光臨但係.....坐邊先得架大佬?所以我建議大家一入去有位就坐, 睬佢都傻總結過去一年, 好多野都食過喇, 但係呢d 野就越來越嘔心基本上>90%既野都係唔好食, 呢個食評唯有是旦講幾個最惡頂既"食物"1)午市套餐通常都有個X汁Y扒飯既:如圖所見, 係一碟典型既港式頹飯, 姐係一塊扒上面撈d汁個汁唔知係咩溝出黎, 唔係好重味但種之就怪怪地但最大問題唔係o係個汁, 而係個汁」襟」唔到果塊劣扒唔新鮮既果陣臭味搞到好似食隔夜餸咁最難忘係記得第一次去食呢間野聽到個阿姐待應都話"呢個好難食架喎"......2)咕嚕肉, 西檸雞, 京都肉晚市個套餐, 通常個list都有呢幾款餸大家諗住呢d餸酸酸甜甜會開胃d啦嚇但係佢個汁係有一種獨一無二既酸臭怪味第一口食落去好似冇乜野. 但咬多兩啖就會食到勁大陣化學味, 有d似阿犘尼亞味(baking soda?)總之呢間野所有酸酸味味既食物就會有呢種怪味3)晚市套餐, 叫兩個餸就會送一個灼菜 (而家好似要加錢?)呢個真係直接同佢講唔要都罷仲難食過大快活個D灼菜以前都會話滴幾滴蠔油或者腐乳醬上去而家滴上去果d都唔知係咩黎, 淺啡色一逹水淋上去d灼菜度應該都係蠔油黎卦不過溝到勁稀比佢咁搞法真係浪費曬d食物4) 各式炒粉面睇圖都知好冇食啦, 唔洗多講5) 最後, 附送一幅靚相解釋返呢個不明物體先....一patpat個D係腐竹黎中間成兩隻手指公咁大粒既係磨菇既其中一忽其他個D都應該係食物黎.....呢碟神作令我發誓以後都唔會食呢間野講完

細姨搬屋，搬嚟搬去第三次，都離唔開置富花園；因為住慣咗加上實用率高，俾著我就唔會買樓齡大過自己嘅屋嘞！原來美心酒樓已經結業，怪不知細姨帶我去一間台式餐廳 <生活知味>。

一睇餐牌，下午茶好平呀！ 估唔到香港區都搵到超值下午茶呀！ 店員還遞上兩杯茶，服務算不錯！我食咗 醬汁豬扒 + 蚵仔麵線 下午茶餐 $25醬汁豬扒 無落鬆肉粉，亦唔會韌；醬汁咸咸地幾惹味！我覺得好味！蚵仔麵線 蚵仔即係蠔 BB，份量比預期多！ 麵線有點爽口！真不錯！配料有冬菇絲、 酸菜絲、芫茜碎，增添不少滋味！湯底較濃及杰身。

熱茉香奶茶好大杯！熱辣辣！ 茉莉香氣撲鼻！飲一啖，原來未加糖，加咗兩包糖後味道剛好！不過，質感較稀！至於，佢食咗：餐肉蛋公仔麵 + 凍檸檬茶 $28聽佢講餐肉係硬嘅，佢知食公仔麵無益，但係與公仔麵有不解之緣！真無付！埋單 $53呢度清靜又就腳，一走出去就係巴士站。

呢間餐廳我來過很多次, 但每次都是吃肉燥飯, 所以不知道 d 麵如何, 但睇 d 食評就好似好差咁..... 佢 d 肉燀飯唔錯的, 炸豆腐, 醉雞都好吃, 但係雞翼... 佢有好幾種, 什麼鹽酥雞翼, 滷水雞翼, 仲有一種唔記得, 三種都好難吃!滷水雞翼一滴汁都冇, 乾爭爭, 又冇滷水味...鹽酥又係好乾, 粉皮好厚咁...至於服務態度, 在這種平價小餐廳都沒有什麼要求, d 侍應黑口黑面唔願做咁囉.... 冇乜野既...平時叫一個肉燥飯餐 + 炸豆腐小食, 埋單 $48, ok抵食啦...

生活知味餐單提供台灣菜, 茶餐廳, 冰室等推介美食位於薄扶林區，餐廳座位數150人均消費約$51-100，結賬可以用現金。

您對於薄扶林餐廳「生活知味」有何 comment？

生活知味餐廳詳細資料：

• 生活知味地址:
  薄扶林置富道置富南區廣場4樓408-409,413,415-416號舖
  Taste of Living, Shop408, Chi Fu Plaza, Chi Fu Road, Pok Fu Lam
• 生活知味電話:  
• 生活知味價錢: $51-100
• 分類: 台灣菜, 茶餐廳, 冰室
• 座位: 150
• 付款: 現金
• FB專頁: 生活知味 Facebook

更多生活知味相關資料:

• 生活知味分店
• Youtube
• Facebook
• Twitter
• Google