熝鐵板燒 薄扶林

熝鐵板燒 評價 相片

今日星期日, 難得放假, 老公話想去睇戲, 為免無飛, 同老公扛渣車去數碼港睇, 貪佢少人又易泊車!!睇完套好正既鐵甲鋼拳, 想食返餐好既!!! 於是去到好多人好評既熝鐵板燒食!!我地叫左個鵝肝多士, 一客兩份, 勁正呀!!!! 又厚又大塊!!! 好JUICY!!!!!兩個一人晚餐非常豐富, 前菜有三文魚刺身, 有燒魚, 燒蠔X2, 燒大蝦/帶子, 燒牛(可選厚/薄燒), 湯, 鐵板炒飯及炒菜 我同老公專登一個叫蝦, 一個叫帶子, 一個叫厚牛, 一個叫薄, 可以試晒咁多種!!!先食個刺身, 一般.之後個燒魚好正, 平時食燒魚比較乾身, 呢個好軟滑, 師傅話專登揀魚腩俾我地!! 真係正!!燒蠔, 好鮮甜, 平時食蠔我淨係鐘意食生, 第一次食熟既咁好味! 應該真係好新鮮!!!!燒大蝦/帶子, 師傅用純熟手法將蝦殼拆左, 一切個蝦頭, 見到勁多糕, 隻蝦又勁大隻, 蝦糕好香!!!! 另外, 帶子好鮮甜, 好JUICY, 熟度剛剛好!! 燒厚牛, 我地食5成, 好有牛味, 而且師傅將肥美部分切粒炒香, 個牛肉就配炸香既"算"片, 口感一流!薄燒, 都係食5成, 用一片片既薄牛卷住洋蔥, 蔥及炸"算", 好香口, 好野味!食到呢度, 已經飽飽地, 叫師傅唔好俾湯我地, 但師傅話個炒飯一定要食!!師傅炒飯既時候, 加入蘿蔔粒, 洋蔥粒, 炸"算", 蛋及煙肉......一路炒已經聞到好香, 炒完係金黃色, 好正! 食落真係好好好好味!!! 好香..............................個菜已經唔係好食得落.....但呢餐真係好正呀!一定再黎呀!!!!!!!!!!!!!!!!!!!!!!!!

琴晚同男友去數碼港睇戲兼食飯,上到去3樓,見到有間鐵板燒,行過去睇睇menu,set dinner有一個二人龍蝦餐,$880,其實我同男友都好鐘意食鐵板燒,我地覺得價錢唔貴,所以都試下(好彩唔使等位~~),頭盤先黎刺身拼盤,刺身份量不算多,但勝在新鮮,之後,師父拿出生猛龍蝦示意這是今晚為我們準備的主菜,我覺得這做法很好,讓我知道此龍蝦是新鮮,接著師父用純熟的刀法將龍蝦起肉,(好多膏呀!),接連有魚,牛,牛我選擇了厚切,師父即場將新鮮蒜片爆成金黃,然後將蒜片放上牛扒上面食牛扒好正~d味幾好~我地都幾鍾意勁有牛味^^ 食完龍蝦之後師父拿出麵豉湯(佢拎左個龍蝦黎整~好鬼甜丫~~~)接住落黎,就係炒飯(最鍾意係佢個炒飯~)佢用左肥牛肉去炒~好香,佢炒到好干身,食到我好鬼飽=.="之後原來仲有個菜要食...我地太飽...食左小小就冇食lu~~成餐飯用左個半鍾左右,環境都幾安靜~幾舒服~唔使食完好似趕住走咁,我地都好enjoy~一定有下次~無意中搵到呢間＂熝＂鐵板燒~之前有去過IFC個間食過，太貴,所以好想介紹比大家去試下(原來佢仲有得食lunch~等我地下次lunch time又去試下~)

星期日下午和幾位朋友到數碼港 food court 食鐵板燒，駕車泊在數碼港停車場，約＋分鐘步行到 food court。

如果乘搭公共交通工具則不甚方便。

到達 food court 時已一點四十分，但 counter 沒有五人位，就揀了枱倚坐下。

可能鐵板燒價格較貴，是有人 serve 的，傍邊日式套餐的飯麵則是自座形式。

我們點了兩份美國牛 ($115)，一份海鮮 ($148)，及一份二人海鮮美國牛餐，($268)。

我們比對二人海鮮美國牛餐的內容與一份的海鮮及美國牛餐的內容是一樣，但二人餐貴五元，問過侍應就話二人餐份量多一D，但心諗多 $5 會多幾多。

午餐較晚餐平，菜式相對也少D，先來三文魚魚刺身，味道尚可。

海鮮餐有三隻帶子，味道唔錯，個汁調味幾好，大蝦則稍遜，仍可接受。

鱼則勉强。

我們點了兩份美國牛薄燒，一份厚燒。

厚燒燒得夠香口，味道及質感也好，薄燒則略淡，口感可以，牙菜可以加多一點。

炒飯算是唔錯，徐了飯的質感外，味道及鑊氣都一流。

最後有一粒雪米滋。

但沒有咖啡茶。

雖然這裏是 food court，但當日天氣好，陽光可以照到，樓底又高，因此環境其實不錯，服務則算可以。

對食物質素要求如非特別高，這裏是一個相對銅鑼灣而言不錯的選擇。

上月和月兒到了數碼塂睇完電影\她知我喜歡鐵板燒,建議到這裡吃晚飯。

她說這裏雖然是food couth中的鐵板燒,兩位大厨都是前千登世師父級人馬,資歴及廚藝都十分了得。

食材質高、收費便宜,加上師父對客的熱誠…必有驚喜。

上到去一個人影都無,只見到一個侍應?,我意為未開便在門外再看了一會,她才施施然走過來來打招呼,她應該認得月兒才說「很久不見」。

原來月兒說年多前曾來過多次,。

坐下來我們點了一個$880的龍蝦二人餐才發覺轉了是新的師父之前兩師父都走了。

閒談間才知道師父也是曾做過千登世的。

二人餐有刺身,但賣相一般,看到三文魚本應白色的油紋有點啞黃又是近魚尾的部位,不敢吃。

師父開始先煎香扇貝再用清酒煮,都幾大隻味道算OK不過肉質無彈性而師父煎煮得過熟了,配菜一般般,薄燒牛肉OK是美國安格斯五成熟有肉味,好!加分,炒飯夠味但太乾身飯面是焦硬披口的,未達到標準千登世炒飯的要求。

這個餐二人餐主打賣點是活龍蝦但見師父從雪櫥拿上來二話不說便把龍蝦斬開兩邊才拿過來,很明顯是死的,月兒問師父說之前不是點餐後才從背後的魚肛撈出來給客人先過目才斬的嗎?怎麼……他們說這是早前才在魚肛中拿起是活的,吓!!咁都講得出?師父起肉時蝦肉便散開來,水汪汪的。

真的沒問題嗎?師父說這是今天最後一隻龍蝦都沒別的了!!都算了!以這價的出品來說整體是合格但其間師父曾三度走去抽煙,回來又沒洗手,那煙味之重是我不能接受的而且一整晚那唯一的侍應都不知在忙什麼?見首不見尾…每要加茶、換碟都要左找右找…月兒說之前的師父真是做得很好的,…看看以前的食評便知道分別。

現在的質素卻變得…唉!浪費及破壞了前人用時間和努力積回來食評功名。

反醒下啦!唔該!

又一次極度失望.於1月初的時候都很想試這間食肆,但因時間問題延至3月初才可以,一早滿心歡喜訂定位,好期待的心情因早前看過d食評有讚無彈.當日準時到達,他們安排我地坐bar枱,因時間尚早客人不算多,bar枱只有我們幾個沒有其他,整間食肆的環境好像是由food court位置間出來,好像快餐店咁.先講落order都開始覺得他們有點混亂,仲覺得有d被人欺騙的感覺.我地一行3人,他們的menu多是2人,4人套餐等等,同一個一人套餐,我們心想可以選擇一個2人和牛龍蝦套餐加個一人套餐,正當我們想落order都未開口,他們在旁話呢個2人和牛龍蝦套餐(HK$880)可以轉3人,跟住佢再話不過冇龍蝦轉大蝦,我地問價錢點計,佢指住個價錢話一樣,我地都同一時間接收到信息,諗住都OK喇HK$880價錢3人用,冇龍蝦都冇問題,唔使分散叫.之後個師父開始係我地面前煮,煮過程中完全同客人冇交流亦沒有展示佢鐵板燒嘅,只係將個廚房搬左出來係BAR枱炒下炒下,仲有全間食肆嘅鐵板燒ORDER都係得一個師父煮,佢梗係唔會有交流啦,掛住出order比客人,其中仲有客人落左2個鐵板炒飯要快馬喎茶餐廳咩,我都未食過呢D叫鐵板燒,之後師父將煮完嘅龍蝦分好放給我們,我們正想又話冇龍蝦....跟住問返落單個位人.佢同之前講d嘢開始有出入跟住話再加果位半隻龍蝦轉大蝦,價錢一樣意思係HK$880除2即$440.吓!好似半隻龍蝦貴過一隻唔係好大嘅大蝦,頓時覺得被騙的感覺.好喇講返食物質素,首先一些冷盤沙律沒有什麼特別但相對真正食鐵板燒的地方賣相就求其,和牛較為韌,另外個鐵板炒飯係d飯一粒粒,但食落口d飯係淋嘅,完成做不到炒飯嘅水準,得返個芝麻雪糕最好食最有芝麻味.總括來講呢餐唔算鐵板燒囖.呢d質素我就覺得呢個價錢唔值喇,我現在明白點解其中有客人落2個鐵板炒飯要快馬.

熝鐵板燒餐單提供日本菜,鐵板燒,Fine,Dining等推介美食位於薄扶林區，餐廳座位數未知人均消費約$201-400，結賬可以用Visa,Master,現金,AE,銀聯。

您對於薄扶林餐廳「熝鐵板燒」有何comment？

熝鐵板燒餐廳詳細資料：

• 熝鐵板燒地址:
  薄扶林數碼港道100號數碼港商場4樓
  Zeta Teppanyaki, 4/ F, Cyber Centre,100 Cyberpot Road, Pok Fu Lam
• 熝鐵板燒電話:  
• 熝鐵板燒價錢: $201-400
• 分類: 日本菜,鐵板燒,Fine,Dining,
• 座位: 未知
• 付款: Visa,Master,現金,AE,銀聯
• FB專頁: 熝鐵板燒 Facebook

更多熝鐵板燒相關資料:

• 熝鐵板燒分店
• Youtube
• Facebook
• Twitter
• Google

香港餐廳2023推介04月