山南食堂 葵芳

山南食堂 評價 相片

我會寫食評, 一係佢名不符實, 好似之前寫既Little Vegas咁 (戴返頭盔, 可能之後佢有改善啦, 但食過一次唔好食, 唔會想返兜囉盡管佢係黃 ); 一係佢真。

好食, 但係無人識, 仲要唔知有無緣再見....至於南山食堂, 好可惜, 佢係後者, 仲要做埋2月就拜拜...., 希望有緣再試老闆手勢!! 休息夠就好上場!!其實我都係聽人介紹, 喺佢最後既一星期, 先開始日日食佢...其實佢舖頭細細, 數埋都係得幾個位, 環境黎講, 唔算係舒舒服服果隻,不過既然介紹得, 咁應該都OK呱 (雖然自己唔試, 唔知岩唔岩自己口味?!), 不過, 都只係食個晏仔..試吓啦第一次, 我就試左佢地個排骨肉骨茶(馬拉肉骨茶, 即係藥材味果隻),嘩, 堅足料, 濃濃既藥材味, 而且佢送到黎, 仲係熱辣辣, 飲肉骨茶, 最重要都係要夠熱!鍾意馬拉肉骨茶既, 一定唔可以錯過!!肉骨茶入面仲有幾舊豆卜, 比你索左D湯之後食, 隨湯跟白飯 (你可以轉米粉)同埋有油炸鬼.佢仲有提供黑豉油, 自家製蒜泥, 自家製辣椒比你點排骨食,至於排骨方面, 我相信佢地主要都係用腩排, 所以肉帶少少脂肪, 食落唔會太韌及"鞋"口飲埋湯, 食哂飯, 其實好飽!!飯連湯, 都係$41蚊!!加$5蚊, 仲連野飲, 有青檸蜜/桔仔酸梅水 /怡保白咖啡.我就無試哂既, 因為飲過青檸蜜, 我就愛上左, 次次都叫左青檸蜜..至於第二次黎, 我都係食左排骨肉骨茶, 因為真係又平又好食呀,比起新都會間少爺18, 喱到平一半有多, 仲要好食過你,最後機會, 唔食多次, 我怕會後悔...到第三次黎, 亦係最後一次, 我決定食佢另一樣野, 就係炸脾椰漿飯,嘩, 痴嗮線,原來一樣都係每樣野都都係禁好食, 喱個價值$45蚊既飯, 材料包括:炸脾椰漿飯 生炸雞脾 椰漿飯(Nasi Lema, 用椰漿煲既飯) 自家乾炒魚仔 自家製南洋辣醬 (Sambal,參峇醬) 花生 蛋 青瓜(Sorry, 食哂先記得影)重點要描述既包括:生炸雞脾 炸脾最好食既都係要生炸!! 椰漿飯   老實說, 少食, 亦唔識咩先叫好食, 但至少, 我自己覺得好食, 淡淡椰香乾炒魚仔 同樣, 少食, 唔識咩叫好, 但係自家製, 好有誠意, 亦見倒有人問可唔可以單買魚乾, 咁我相信, 唔會唔好食啦南洋辣醬 少食, 但我食得辣, 平時都有食辣野, 佢真係惹味其實佢除左肉骨茶, 椰漿飯外, 叻沙都好多人叫,我就未食過, 但係試過人地一啖, 印象中係OK既, 但係具體係點, 因為未真正食過,描述唔倒 ...佢地仲有乾辣椒, 脆脆, 咸咸, 少少辣, 應該係用黎配乾撈麵,我就咁食, 都食上癮!!來自馬拉既老闆, 真係好好人. 佢唔係只係為賺錢, 佢好有人情味, 從佢地既食物,服務,態度就可以見倒,臨別秋波, 佢都收平左,可惜, 只係附近有人眼紅, 攪三攪四, 令到佢無奈作出喱個決定。

禁好既餐廳, 真係唔想佢就咁消失, 希望可以好快見返佢!! 最後, 佢地好低調, 一直默默發聲!! 詳情自己FC及讚好佢地FB!!願有好報!!

老闆係黎自馬來西亞，因為另一半既關係，黎到香港定居同創業🤓店內座位唔多，所以食完都唔好坐太耐😂香茅雞翼乾撈 下午茶$24可以揀油麵、米粉或者滲滲🙂滲滲意思係溝埋，姐係油麵溝埋米粉✌綿羊非常推介滲滲，而且仲加左芽菜，食落口感會豐富好多😍好鍾意個汁，係馬來西亞既乾撈汁，唔係生抽黎，味道偏甜，但係又帶少少鹹味😁香茅雞翼有3隻，香茅味唔算出，似食緊普通炸雞翼😂香茅豬扒 $16香茅味同樣唔出，都係似食緊普通豬扒，不過用黎加餸都係可以既😂炸物拼盤 $32入面有5款野，每款有2件✌吉列蝴蝶蝦、海鮮金錢袋、泰式辣魚餅、泰式辣魚餅、泰式炸蝦餅、馬來蔬菜春卷，可以揀點泰式辣醬或者蛋黃醬*下午茶時段：14:3017:30*不設加一服務費

公司附近支持小店系列，難得一間有我好熱愛的肉骨茶叻沙食的葵芳小店，來店吃了兩次，進店坐位不算太多，上次外賣，今次來到店內進餐，明顯改善了冷氣不足的問題，奈何堂食與外賣還是感覺不太環保，望堂食能盡快棄用即棄餐具，加油!叻沙材料用心齊全，香口腐皮蝦干配上蝦餅，加入濃香足料的叻沙湯底，賣相吸引性價比額高👍肉骨茶比想像中香辣，藥材味內有豆腐卜，冬菇配上排骨，加上一大盒飯飽肚感滿足，排骨點上特制醬油加入辣椒粒，送飯絕對一流。

👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

今日同朋友經過想食個好輕便嘅快速午餐，一直都冇留意呢度開咗一間馬來西亞肉骨茶嘅小店，原來係四月才開店的。

店舖座位不多，餐牌主打肉骨茶和喇沙。

下午茶時段，點了肉骨茶套餐，最平由$30起，除了肉骨茶，還附有一大盒白飯，實在不會吃不飽。

餐桌旁邊還擺放了不同的醬料，有肉骨茶專用的醬料、豉油、和蒜頭等等，仲可以因應自己嘅需要添加，讚賞小店心思。

肉骨茶都來的時候，嚇了一跳，因為分量非常多，差不多有兩碗的湯了，裏面有一大件排骨，味道10分濃郁，還有濃濃的藥材味，用料足，在香港能夠品嚐如此質素的肉骨茶，是相當難得，加上份量很多，價錢便宜，絕對性價比高。

星期一 一行7個同事 相約叫外賣最怕叫外賣遲大到因為我地食飯時間有限外賣餐廳對我地黎講 選擇唔多好彩 啲間餐廳 講好幾點就幾點 準時馬拉野 山南食堂香茅豬扒米粉叻沙大部份同事叫左滲滲 即係米粉+油麵佢啲間係會主動將湯同粉分開所以啲粉一定唔會發漲哂 又唔會無哂湯 豬扒 蛋 魚片 芽菜 乾蔥分量唔細 米粉爽口 魚片彈牙叻沙湯 有椰香味 仲有3粒豆卜加入米粉中 一定夠味 又唔太鹹當然 如果你都仲係覺得唔夠味可以叫佢比辣醬你以上配搭成為$38一班同事 有傾有講 抖一陣 又係時間努力加油💪🏻

山南食堂餐單提供新加坡菜, 馬來西亞菜等推介美食位於葵芳區，餐廳座位數未知人均消費約$51-100，結賬可以用現金，Booking訂位可以電話致電 56258671 查詢。

您對於葵芳餐廳「山南食堂」有何 comment？

山南食堂餐廳詳細資料：

• 山南食堂地址:
  葵芳美芳街2-14號昌鴻大廈地下9號舖
  Shannan Restaurant, Shop9, G/ F, Cheong Hung Mansion,2-14 Mei Fong Street, Kwai Fong
• 山南食堂電話: 56258671
• 山南食堂價錢: $51-100
• 分類: 新加坡菜, 馬來西亞菜
• 座位: 未知
• 付款: 現金
• FB專頁: 山南食堂 Facebook

更多山南食堂相關資料:

• 山南食堂分店
• Youtube
• Facebook
• Twitter
• Google