嚐客 葵芳

嚐客 評價 相片

上星期六到我朋友家聚會, 我朋友介紹附近開了一間餐廳小, 難得一班朋友在聚會就選擇到該間"嚐客餐廳小"試一試晚餐! 當進入此餐廳, 呢度的裝修感覺都好舒服, 感覺上真的不似在屋的一般茶餐廳, 食品質素:每碟都熱辣辣, 夠鑊氣,味道唔錯, 而且還掛上黑板列出的廚師推介給食客選擇, 而且, 待應也一直介紹我們飲老火例湯, 我們都以為一定有落味精, 但飲完後也不覺得口渴, 味道唔錯, 估不到此間餐廳的例湯尤其好味, 真是非一般的茶餐廳的味精例湯, 大家也可以試下, 價錢都算合理. 服務態度: 因之前去過泰華茶餐廳, 個度d待應及收銀個個都黑口黑面, 所以大家都知道去得茶餐廳食飯就預左不會有好的services, 估不到是這間餐廳的待應服務態度又真的幾好, 每個人都會向你微笑, 也會講"歡迎光"及"多謝晒", 比人一種很好的感覺.雖然食品及服務態度就好, 但有些地方就真的需要改善了, 例如冷氣不夠凍, 而且吃完飯後衣服上也有一陣陣油煙味, 我們坐近LCD電視機的地方一直聽到轟轟聲, 都不知道是什麼聲音, 我們一班朋友在聊天時都要越講越大聲, 希望下次再去的話, 不會再聽不到這些轟轟聲喔~~

上星期六係林士德打完波，同個fd行到球場附近間老麥，就發現葵健樓下面這間新茶記．見佢門面唔錯，又係新野，咪同個fd入去試試啦．以上係我個評價：1. 食物：質素唔錯．我點左個肉絲炒麵，ｄ麵夠脆，同埋唔油．我個fd就點左碟叉鵝飯，佢就話幾好食，d燒鵝個皮夠脆．2. 價錢：合理啦，同一般茶記差唔多．3. 服務：好！最值得一讚的地方，伙記d態度唔錯，有笑容，比起其他茶記黑口黑面的伙記好好多聲．4. 環境：有讚有彈．讚係裝修幾靚，地方整潔，加埋部LCD大電視，完全符合新式茶記的條件．彈係a)冷氣唔夠，剛剛係出面入去都ok，但食落就覺得熱．b)都環境太嘈，有油煙味．個抽風器好似好勁咁，不停有d隆隆聲，都幾煩！但又唔明點解咁都有油煙味．總括來講，食野既話，值得去試！但真係坐得唔耐同埋唔可以靜靜咁傾計囉．

行過見新開張所以都係俾好奇心引左入去，入到去一睇餐牌就覺得好貴仲有D奇怪，門口招牌明明叫“YUMMY CAF“但餐牌就寫住叫“嚐客”，小菜$35 $50一碟，仲要加錢先有白飯，無乜選擇下點左個波蘿咕嚕蝦球($44)，黎到發現好細碟，食落味道仲好普通，咁既價錢係屋村餐廳黎講巳好貴。

另外叫左一碟叉燒飯($25)加例湯($6)，碟叉燒飯賣相巳唔好睇，咬落去仲好硬同好淡，碟飯加左汁落去竟然仲係見到白色既飯，而且又係好淡，全餐飯為一最好既就只有碗例湯。

伙記服務態度都幾好，但去櫃面俾錢時就令人印像大打折扣，個晚點左: 波蘿咕嚕蝦球($44) + 白飯($5) + 凍飲($2) + 叉燒飯($25) + 例湯($6) 合共$82，俾$100 ...收銀個女仔竟然找返$ 6 俾我，兩三秒後話找少$2 俾我...當時我講緊電話唔為意就行出門口，行行下先醒起唔數就行返轉頭(前後一分鐘都無)，老闆娘同一個女仔做收銀，老闆娘問我坐幾多號，話無號就唔到張單，我就指住櫃台上剛才我落單張收據，但老闆娘話要等個女仔返收銀機電腦張收據副本先肯對數，一尾叫我企埋一邊等下，最後我要求對剛才伙記落單張收據，老闆娘就同個女仔一尾望住張收據，用心算計而唔肯用櫃部計數機，兩個人望左十幾秒都未計到，我再三要求快D，老闆娘先叫個女仔用計數機計，我忍唔住出聲話老闆娘係度拖我時間，唔好乍乍啼啼連幾蚊都唔想找返俾我，老闆娘即時大大聲話返我，仲態度好差咁俾返十蚊我，咁樣搞一搞令我企係度等左成4, 5分鐘。

開左一個星期未夠，因地段關係，見其幾旺場。

餐牌上選擇不多，晚上亦無燒味類可以食了。

選擇更少。

要食就要是幾款飯類及炒粉麵。

再唔係就係好貴的小菜。

(拍得住酒樓價或一般菜館)。

全是散叫，無餐的。

要了一碟星洲炒米，都算大碟。

最讚的就是侍應態度良好，醒目。

還有是這裡的靚裝和企理，都算是區內比較體面的餐廳。

嚐客餐單提供港式, 茶餐廳, 冰室等推介美食位於葵芳區，餐廳座位數未知人均消費約$50以下，結賬可以用現金。

您對於葵芳餐廳「嚐客」有何 comment？

嚐客餐廳詳細資料：

• 嚐客地址:
  葵芳村葵健樓地下
  嚐客,  
• 嚐客電話:  
• 嚐客價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 嚐客 Facebook

更多嚐客相關資料:

• 嚐客分店
• Youtube
• Facebook
• Twitter
• Google