Twinkle Baker Decor 葵芳

Twinkle Baker Decor 評價 相片

又係時候慶祝母親節，咁岩見到呢間鋪啲母親節蛋糕好靚，就揀咗呢個奇幻花園試吓，真係好靚，味道又好好，媽媽好滿意！蛋糕外觀好靚，上面有好逼真既玫瑰花同朱古力啤牌，好適合打卡。

原來玫瑰係用翻糖整嘅，味道好特別，但又唔會過甜。

整個蛋糕層次好豐富！蛋糕外層係士多啤梨白朱古力，內裏係蛋糕同mousse間隔著。

士多啤梨mousse 好香滑，味道唔會太甜，加上中間清爽既蘆薈肉，好夾！紅絲絨蛋糕鬆軟，有香濃牛油味，再加上底層既士多啤梨脆脆，豐富口感，味道絕佳！

上次囝囝生日係葵芳呢間twinkle baker decor買左富士山蛋糕食，造型靚，味道又唔錯！食過翻尋味，囝囝新曆生日再係呢度買蛋糕，今次見到4月才剛新推出嘅扭蛋造型蛋糕，真係好打卡able，太吸引！囝囝都話要呢款，厄like之選，不過外層牛油感重，味道一般，但以價錢來講，都已經值回票價了

🍰ᴅᴇssᴇʀᴛ·一飛沖天 $368 (5 inch)﹟將兒時昔日既玩意整成蛋糕, 實在太強了吧😱唔知有無勾起各位既回憶呢😂﹟蛋糕既主材料都用左比較受小朋友歡迎既朱古力🍫😝層次都幾豐富, 最頂有層榛子杏仁脆脆, 之後就再有2層朱古力蛋糕夾住牛奶mousse而慕絲入面仲有d Oreo脆餅🤩食落就好似brownie加奶凍😛味道唔講都知係好夾的👀個蛋糕都夠濕潤, 又唔會過甜, 但如果朱古力味再出少少同埋個mousse再軟滑d就更加好啦🙊

今日家人生日，諗住買個蛋糕返家開心下，經過葵芳新都會廣場見到Twinkle Baker Decor啲蛋糕好吸引，選擇好多，仲見到佢啲蛋糕好得意，比起一些大型蛋糕店好不同，還有cup cake選擇。

服務員態度非常良好，會主動介紹啲蛋糕特色。

我選擇左飛行棋既款式，佢個名叫一飛沖天。

好得意。

返到家一攞出黎，小朋友好開心，入面Oreo牛奶芝士慕絲 食落去唔係甜，係有少少鹹鹹地，好岩怕太甜既朋友仔，大人細路好喜歡食。

雖然最近疫情嚴峻，大家都少左去街，又少左去飯聚，但情人節都仍然想慶祝一下, 今年近近地喺公司樓下商場買咗一個蛋糕諗住同親愛的低調地慶祝一下, 感情是要培養的，哈哈，正合我地心意，蛋糕呢我哋揀咗有百利甜酒味，由於親愛的都愛有酒味嘅甜點，所以絕對無揀錯，朱古力配Baileys, 出奇地蛋糕唔係好甜，我哋都好怕嗰種一味得個甜味嘅，另外都留意到呢點有啲迷你cup cake, 有啲茶餐廳經典口味，我哋都諗住下次試吓，餅店嘅蛋糕仲係根據每個唔同嘅節日都會推出唔同嘅主題，值得留意一下

Twinkle Baker Decor餐單提供西式, 西式糕點等推介美食位於葵芳區，餐廳座位數未知人均消費約$50以下，結賬可以用Visa,Master,現金,八達通，Booking訂位可以電話致電 54396443 查詢。

您對於葵芳餐廳「Twinkle Baker Decor」有何 comment？

Twinkle Baker Decor餐廳詳細資料：

• Twinkle Baker Decor地址:
  葵芳興芳路223號新都會廣場4樓469號舖
  Twinkle Baker Decor, Shop469,4/ F, Metroplaza,223 Hing Fong Road, Kwai Fong
• Twinkle Baker Decor電話: 54396443
• Twinkle Baker Decor價錢: $50以下
• 分類: 西式, 西式糕點
• 座位: 未知
• 付款: Visa,Master,現金,八達通
• FB專頁: Twinkle Baker Decor Facebook

更多Twinkle Baker Decor相關資料:

• Twinkle Baker Decor分店
• Youtube
• Facebook
• Twitter
• Google