龍順軒海鮮酒家 葵涌

龍順軒海鮮酒家 評價 相片

今日同朋友去咗屋村酒樓飲茶，食物質素普普通通，酒樓就係坐得舒服，傾吓計，飲杯茶，侍應都唔會趕我地走，點心不過不失，屋村酒樓，價錢親民，一台食物，都唔會好貴。

最緊要飲杯茶坐得舒服

今日初到呢頭做野~早左到見未鐘又有少少餓就搵個地方急救一下肚仔先 ~~真係噢賣桔~行左几轉都搵唔到間感覺良好的地方開餐望黎望去只覺得呢到會OK D,冇咩時間再諗,就胆粗粗入去搵位坐~入到餐廳一路行都冇服務員理我,我只好自己搵張心儀的枱坐下,再搵人來開單一個人可以喺酒樓食乜野呢?!拿起張點心紙,我的選擇困難症又發作~最後決定了蝦餃燒賣同一個招牌燒鴨米線招牌燒鴨米線 燒鴨好味~份量都多~雖然皮已經唔脆,鴨肉好香,米線唔煮得太淋,伴菜的菜心煮得好淋~有D爛爛地的感覺...食完米線等左好耐都終於都來兩籠主角了~蝦餃燒賣 好可能真係即叫即蒸,等我好耐先黎,上枱仲係超熱出晒煙~蝦餃皮好薄睇上去好通透,可能因仲好熱的關係所以感覺好軟,一粒蝦餃饀有三隻小蝦,唔腥又彈牙,加上少少筍粒~味道配搭得好好~蟹子燒賣 蟹子好可能係臨尾先放上去,所以唔會溶到得返D色~燒賣饀有冬菇粒同豬肉撈埋包住,食入口好香的冬菇味~又不失豬肉的鮮味~!食飽要走的時候,都係自己靜靜地拿著咭到收銀處比錢~~總括黎講..只睇酒樓的外觀同服務員的態度,真係想像唔到佢地有個咁出色的點心師夫~ 算係我今日的意外收獲~! 

今個新年放長假, 所以有較多時間向家中不同長輩拜年! 今日大年初七人日, 又去咗其中一位長輩家附近嘅酒樓同老人家飲茶拜年 ^^ 我哋點咗下列點心 & 小炒:之前喺呢度食過晚飯, 覺得不過不失… 但今日嘅午市就比較失望, 因為啲點心真係唔好食… 全部都淡而無味, 得過且過… 但平心而論, 佢哋嘅燒乳鴿 & 炒麵就幾好味, 水準不錯!! 乳鴿燒得好香脆惹味 & 肉絲炒麵嘅汁夠香濃, 麵亦夠脆!! 最好食係呢兩味~ 如果下次再嚟, 一定會主打小炒或燒味!!!

今日約了公公婆婆、爸爸媽媽、兩位小表妹，以及臨時來的阿姨及小表弟妹一起來喝茶~由於我已吃了早餐，點心就只吃了很少啊!叫了2個下午茶孖寶 ($13.8)1)山竹牛肉球牛肉很大粒，不過就水左D，但在這間酒樓已算不錯。

2)薑汁雞包仔我沒吃，家人說不錯呀!3)香煎蘿蔔糕即煎的，熱辣辣，蘿蔔絲很多，不會食到一口粉。

4)古法馬拉糕馬拉糕就不行了，見到很多窿窿，而且很粗糙，差!5) 淡水鮮蝦餃 (特點)蝦肉很梅，唔爽口唔彈牙，差!6)叉燒瀨 ($13.8)叉燒很多，瀨粉都幾多，十多元很抵!7)薑粒蛋白菜粒炒飯 ($32)小表妹每次來也必點的，她最愛吃蛋白的了。

每次到來，問她要吃甚麼，她一定要叫蛋白炒飯的，哈哈!但她不吃薑的，一定要叫廚房走薑粒，否則婆婆要揀走薑粒她才吃呀~這個炒飯很大碟，而且炒得很乾身，以$32來說是做足功課了!雖然這間店的點心一般，但因為婆婆不能走遠路，我們很多時也會來這裡飲茶，而且人也不多，很多時也不用等位的!

話說我今日中午, 大約11點半鐘道, 走去幫人買飯盒當我去完Counter買完飛之後, 就去燒味部拎飯la. 興ge野開始來la.... 首先我去到個counter, 遞飛果陣, 竟然班燒味師傳, 一個仲傾緊電話, 一個好似睇緊波經..... 完全當我冇到!之後我就咁o係個counter前面呆等5分鐘la, 呢段時間因為得我一個客, 所以冇人等緊...(除左我一個)5分鐘之後, 終於有個師傳應我, 我遞左飛之後, 就話: 叉燒飯走汁, 油雞飯個師傳就係咁切野la, 但估唔到另一個師傳(我估佢睇完波經卦...) 又走來, 仲倒d汁去盒叉燒飯果度!!! 後來我就同佢講, 我要叉燒飯走汁, 油雞飯, 點知佢就話, 蔥油要ar ma.... 結果我同佢講, 可唔可以換過一盒, 佢竟然話: 呢個係公司規矩, 下次唔要乜就提早開聲講la....結果我得到的係, 叉燒飯同油雞飯走汁.....有冇搞錯.... 咁ge服務態度都有.....

龍順軒海鮮酒家餐單提供粵菜, 廣東, 海鮮, 點心, 海鮮酒家等推介美食位於葵涌區，餐廳座位數未知人均消費約$101-200，結賬可以用現金。

您對於葵涌餐廳「龍順軒海鮮酒家」有何 comment？

龍順軒海鮮酒家餐廳詳細資料：

• 龍順軒海鮮酒家地址:
  葵涌安蔭村安蔭商場1樓101號舖
  龍順軒海鮮酒家,  
• 龍順軒海鮮酒家電話:  
• 龍順軒海鮮酒家價錢: $101-200
• 分類: 粵菜, 廣東, 海鮮, 點心, 海鮮酒家
• 座位: 未知
• 付款: 現金
• FB專頁: 龍順軒海鮮酒家 Facebook

更多龍順軒海鮮酒家相關資料:

• 龍順軒海鮮酒家分店
• Youtube
• Facebook
• Twitter
• Google