藍屋 葵涌

藍屋 評價 相片

每個月都忍唔住食佢一次，又平又好食，店主又有善。

串燒加冰凍啤酒真係好爽🍻🍢良朋共聚一流！👯‍♀️👯‍♂️最喜歡佢既娃娃菜🥬，燒完好香但又好多汁！仲有牛舌👅都係我最愛！大大串都係$15 ，我每次最少叫兩串，有咬口得黎唔黐牙！另外，茄子🍆辣得黎又唔會over, 好野味！雞🀄️亦是黃牌！香脆可口, 味道又唔會太咸！牛丸也是很值得試啦！好有牛味🐂！食得出真材實料！三佰幾蚊食飽飽仲可以有酒飲，支持啊！👍🏻👍🏻👍🏻

行過見到呢間小`店, 不太餓,就叫點串燒。

1份燒蠔5隻58蚊, 價錢OK 啊, 燒出來5 係變左蠔屎咁細的蠔, 都有番咁上下SIZE, 加埋蒜茸燒, 好食!台灣腸咸咸甜甜, 惹味雞肉串5會太咸, 份量適中, 最緊要係滑, 5鞋。

司華力腸是細條的, 燒得5夠, 普普通通。

不過呢度好似無咩特別醬汁, 只有辣粉。

朋友有band房係葵涌，我哋諗住落樓下買嘢食就搵到呢間鋪頭。

鋪頭好細，啲枱櫈都係放喺街度，別有一番風味😛我哋五個人叫咗超多嘢食，店員都好好，經過我地某人好厚面皮係咁r之後，扇貝都送多咗隻俾我哋🤣有啲係四粒或者四隻嘅食物，佢知我哋五個人都會送多一份俾我哋🙈好sweet阿。

唔知係咪我哋真係嗌得太多嘢食，我諗大概等左九個字至一個鐘先有得拎😂店員仲好體貼，另外分開咗一細兜鹽同辣粉俾我哋拎走。

所有食物都好好食，我自己特別深印象就係炸多春魚，同埋燒菠蘿，好juicy!仲有煙肉蘆筍卷超好食！下次會再幫襯😋

點解會嚟到呢到因為咁啱要去廠廈果邊搞Server野，老實講呢個位真係有啲吊腳，唔近地鐵站，估計都係做街坊生意多。

🤔🤔好彩3月天氣都仲ok，因為要坐喺街邊，舖入面比較小位同熱。

女店主非常熱情推介有乜好食，又好好禮貌，舖仔得2個人，一個負責燒，一個負責樓面。

食客唔算多。

講返野食，串燒都幾多選擇，又有海鮮，但我覺得性價比唔高，同出面都差唔多，但可能出面好坐啲。

我估我同朋友2個人叫左十幾串到，唔係好記得🤣叫左小辣，但可能我自己唔食得辣，辣到我飲左2枝茶！！！佢說因爲自己調味，之前啲客又話唔夠辣，所以可能重手咗。

但味道都唔錯！我印象中車厘菇，牛油金菇，芝士丸，煙肉卷同台灣腸都好好食，但嫌牛肋骨比較難咬同好韌，粟米都無咩味。

蠔好食，但一隻肥美，一隻較瘦。

但店主好好請我地食甜薯同菠蘿🍍如果可以提供埋烏冬撈麵果啲會好啲。

在下平日只做5天半，碰巧今日加班到7點幾，見兔仔餓醫兔仔先！先感謝賢內放行，在下先可以享受久違鳥一個人的浪漫。

一條冷，食乜好呢？一於膽粗粗去試吓同事介紹嘅串燒店！佢平時食開附近嘅日本串燒店，但近期毅然轉戰台式串燒店，內有乾坤是常識罷！幾經辛苦，拜訪谷師傅個乜(Google Map)，終於搵到隱世美味……藍屋 由兩位姊妹獨力主理，店舖雖小，但美味俱全。

服務亦很好，畢竟是小店。

在下極力推薦: 香辣汁焗生蠔。

秘製醬汁，惹味可口，讚！另外再推: 燒白膳。

在下自問串燒吃不少，此菜式卻是首次遇見，肥美，新鮮！讚咗咁耐，都要持平嘅:香港寸金尺土，店舖的確係細，只放得落3張摺枱……(香港小店買少見少，各位識食之人多加支持)是日蟶子皇雖新鮮，但略嫌不夠鮮甜……(看來店主要另覓貨源)可能今日做突咗，感受over咗……發完噏風，食完好西，在下先行告退……註: 對環境有要求嘅巴打絲打，請先考慮……哩喥冇裝潢，但有人情味註註: 好味到要買外帶，俾賢內同家慈，又食又拎註註註: 第一次嚟，一個人飲咗兩支大啤，坐咗兩個幾鐘，乜漫都浪哂啦

藍屋餐單提供港式, 台灣菜, 串燒等推介美食位於葵涌區，餐廳座位數10人均消費約$51-100，結賬可以用現金，Booking訂位可以電話致電 56426677 查詢。

您對於葵涌餐廳「藍屋」有何 comment？

藍屋餐廳詳細資料：

• 藍屋地址:
  葵涌青山公路葵涌段499號嘉寶大廈地下I號舖
  藍屋, Shop I, G/ F, Kar Po Mansion,499 Castle Peak Road Kwai Chung, Kwai Chung
• 藍屋電話: 56426677
• 藍屋價錢: $51-100
• 分類: 港式, 台灣菜, 串燒
• 座位: 10
• 付款: 現金
• FB專頁: 藍屋 Facebook

更多藍屋相關資料:

• 藍屋分店
• Youtube
• Facebook
• Twitter
• Google