棉花仔外賣速遞 葵涌

棉花仔外賣速遞 評價 相片

之前都有叫開呢間外賣，質素份量都ok，但近排叫過幾次都一般般!呢個粟米斑塊飯望落以為好多斑塊粟米汁，但實情唔係嘅！下面已鋪好哂白飯同娃娃菜墊底，得兩舊大d 嘅斑塊，其他都係零零碎碎幾小舊咁！諗住斑塊少都算喇，我用汁送飯！點知汁又奇少！完全送唔到飯！最後剩低大半白飯未食用左$38大元食白飯，想用汁撈飯都撈唔到唯一係個湯真係唔錯，住家湯嘅味道，飯真係有待改善........................

今日無咩謂口食早餐同lunch, 所以等到兩點九到就叫棉花仔外賣, 叫左個"渙門脆豬扖飽餐"飲熱華田...豬仔飽焗得好脆, 又多生菜絲, 豬扖好味又唔un....只嫌不夠熱, 咁樣一個餐只係$18, 抵到爛..另外到左三點幾四點, 同事門再嗌tea...haha, 食左好多野...推介:渙門脆豬扖飽椒鹽墨魚丸椒鹽魷魚我地係下午茶常客嚟架....

懶得出街星期三,睇過幾個外賣店網頁後,覺得棉花仔是日午餐似乎幾好食,同同事各叫一個做午餐。

蜜汁金沙骨配蠔油鮮竹卷飯:三件金沙骨帶點肥肉,還算多肉可食,味道偏甜總算似蜜汁味;蠔油鮮竹卷似乎係自製,入面真係啖啖肉,如果可以加d甘筍之類爽口蔬菜會比較好,而家的確有d漏;配上一堆炒紹菜,叫做平衡一下營養。

除左一盒飯有齊蜜味、蠔油味、豉油味之外,唔知係邊樣問題,飯盒底好油,絕對唔可以食到底,今次似乎選擇錯誤。

羅宋湯夠濃夠多蔬菜,味道都係偏甜,合我口味!如果可以帶d辣味會更對口味。

不過唯一唔好係唔夠熱,飲住溫吞吞湯感覺唔好!!翻叮後就好好多。

食完呢個午餐,成個下晝都好滯,最後要一人一杯大熱檸茶解膩,下次唔制lu!!ok面係比個湯既。

叫了一個5香肉丁抄一丁+凍OT $21一丁唔係幾夠辣,面就唔錯幾好味唔會抄到好多油但就好似小左D囉,而配菜好似仲多個面錦,比較細兜左小小但我最欣賞係佢D外賣包裝好靚好衛生.比到人好光淨既感覺..送外賣速度都幾快

見到棉花仔的食評出爐，超有親切感，因為小妹亦時有幫襯!　葵芳的外賣店不少，棉花仔、順子、食好d、葵發等等，棉花仔能夠突圍而出，是需要一點過人之處的；這點過人之處，我覺得是服務。

　首先，接電話落單的多是溫柔的小姐，而非粗聲粗氣的阿姐。

即使落single order，棉花仔都不會嫌煩，甚至會問你要幾點送貨；相反部分外賣店要自己爭取幾點前送貨，要求了都只覆一句"盡量啦!"...　食物味道分別不大，好處是稍為少油，賣相也較靚，叫太陽蛋就真的上一隻分明的太陽蛋，不會變了炒蛋。

還有一點都是關於服務的，就是叫湯麵它會分開湯及麵送，以免麵會浸得太淋，十分細心。

　因此，索價$23$28的午餐其實不貴。

不過必須注意：棉花仔建議午市11:30前落單，否則有排等!

棉花仔外賣速遞餐單提供港式, 外賣店等推介美食位於葵涌區，餐廳座位數未知人均消費約$51-100，結賬可以用現金，Booking訂位可以電話致電 21533310 查詢。

您對於葵涌餐廳「棉花仔外賣速遞」有何 comment？

棉花仔外賣速遞餐廳詳細資料：

• 棉花仔外賣速遞地址:
  葵涌葵德街16-26號金德工業大廈1213室
  Cotton Boy, Room1213, Golden Industrial Building,16-26 Kwai Tak Street, Kwai Chung
• 棉花仔外賣速遞電話: 21533310
• 棉花仔外賣速遞價錢: $51-100
• 分類: 港式, 外賣店
• 座位: 未知
• 付款: 現金
• FB專頁: 棉花仔外賣速遞 Facebook

更多棉花仔外賣速遞相關資料:

• 棉花仔外賣速遞分店
• Youtube
• Facebook
• Twitter
• Google